.. الدغيرات .. لولد العم الشاعر/ نهير بن نمش الحسيني

طبعا هذه من الأرشيف له يمكن ١١سنه



(الدغيرات)

ياصاحبي خذها على كيف ماجات=اما تجي بالزين والا بلاها
لاترخص الخطوه بدل كم خطوات=بعض الخطاوي خاسر(ن)من مشاها
الكل بالله والمطاليب فزعات=والناس تعرف وش نهاية رضاها
ياحكمة الله للبشر كم غايات=ولحد(ن)يموت وقسمته ماكلاها
ادري واعرف ان المواقف صعيبات=بس الرجال رجال حزة لقاها
الطيب لاهل الطيب فطره وعادات=والا الردي ماحاش قمة وفاها
يامسندي ياطيب الذات هيهات=هذه حياتك وانت تعرف قداها
سلم على اللي كاسبن للوجاهات=اللي كسب للطيب بأول صباها
قرم(ن) تعود للكرم والطناخات=حاز المراجل والمكارم خذاها
يالابتي يالابتي يالدغيرات=يالابتي ياعز منهو نصاها
يلابتي يامطوعة كل عسرات=سقم الحريب اللي نواء وانتواها
أولاد علي(ن)لابتي كل حزات=وقت اللوازم تسعد اللي نخاها
أولاد علي(ن)فعلهم له دلالات=حي الضمير يقولها ماجفاها
سبع الجموع معدلت كل ميلات=سبع الجموع اللي ينومس نباها
اهل الكرم والجود ماهي تفاهات=اللابة اللي يستعز من لفاها
هم لابتي هم ظل راسي بالازمات=ربع(ن) على الطولات نبتت لحاها
ياعدة الافعال جبنا الثقيلات=حنا كعام الضد وحنا عماها
الله خلقنا للسعد والمروات=خوينا نوصله غاية مناها
وحنا لنا في قمة المجد صولات=قصيرنا من كل طيب نحساها
نمشي مع الطيب على كل قالات=والا الردي مانحب نمشي وراها
راع الجميله نذكره بالجميلات=وراع الرديه مانشيد برداها
والله ياوقت(ن) مضا ياحلولات=ياكم من نار(ن)وطينا لظاها
تاريخنا يحكي علوم(ن) قديمات=دخيلنا من كل ضيم نحماها
ويوم المناخ اللي مضاله روايات=نوخ لها مفتاح واعلن طناها
والذيب يوم انه عوى بالطويلات=ابن سعيد شيخنا مانساها
وضحت روس اقلام واحلى عبارات=للي سمع شعري وللي قراها
وانا حسيني وافتخر بالدغيرات=سبع الجموع اللي يشرف نباها
وصلوا على المختار باحلى صلاوات=اللي هدى للدين واحسن هداها

شعر

نهير بن نمش الحسيني

تسلم يابو سراي

صح السانك والسان أبو نمش الف




تقبل خالص التحايا

العزيز الشاعر سلطان ابن سراي

تسلم يمينك عزالله انها قصيدة ولها ثقلها ووزنها والف نعم بالدغيرات
سلم بنانك على نقلها لنا وصح السان الشاعر العزيز نهير ابن نمش الحسيني

تقبل مروري يالغالي

اخوي الغالي سلطان بن سراي


صح لسانك ولسانه والله وسبعة انعام بسبع الجموع

والخوال الي يشرف نباها


لي بويتات قبل عشر سنين واذكر منه



خوالي الي مــابهم شي ينــــعاب

روس العرب لياغدى غيرهم ذيل



لاهنت يالعزوه




تقديري

اخوي سلطان

صح السان الشاعر نهير
وسلم بنانك على النقل


اشكرك

اقتباس المشاركة الأصلية كتبت بواسطة سلطان بن سراي الطيب لاهل الطيب فطره وعادات=والا الردي ماحاش قمة وفاها يامسندي ياطيب الذات هيهات=هذه حياتك وانت تعرف قداها سلم على اللي كاسبن للوجاهات=اللي كسب للطيب بأول صباها قرم(ن) تعود للكرم والطناخات=حاز المراجل والمكارم خذاها يالابتي يالابتي يالدغيرات=يالابتي ياعز منهو نصاها شعر نهير بن نمش الحسيني

والف نعم بالدغيرات صح السانك ياشاعرنا نهير النمش

مشكور اخوي سلطان

نقل جداً رائع


اشكرك

صح السانك اخوي الشاعر الف

لاعدمنا هالوجه

شكراً

يسلم قلبك يالشاعر

صح السانك والله

صـح لسانك يابو نمش على هذا النص الرائع ويستاهلون
ماقيل فيهم
والشكر موصول للمبدع ابوســـراي على النقل الــرائــع

لا هنت يابو سراي يالعزووووووه يابن العم على مانقلته وصح لسانك

وصح لسان الشقيق والعزوووه تاآآآآآآآج راسي ابو نمش

تسلم يابو سرآآآآآآآآآآآآآآآآآآآآآآي يالغالي