27-01-2011 | #1 |
|
عادة هل العليا!!!!!!!!
((عادة هل العليا))
عادة هل العليا بعيدين الاذكار=مايكسبون الا العلوم السمينه افعالهم فيها تواريخ واشعار= ماتحصيه اهل العقول الفطينه ياكبرت القالة وعميّن الابصار=وقفاتهم طب النفوس الحزينه كم راح بارقاب المناعير من ثار=عدوهم يذوق كاس الغبينه يتلون شيخ عادته دوس الاخطار=الليث ابن شعلان حامي عرينه واليوم عم الامن في كل الاقطار=من جاه ابوتركي غشتها السكينه عبدالعزيز اللي كما السور للدار=حبل التواصل وثقه في يمينه شوره غلب كل النصايح والاشوار=ارسى على كل المواني سفينه واستوطنت كل القبايل بالامصار=تجمعوا بعد الهجر بالمدينه بيضا لحامد نرفعه سر وجهار=اللي سبق عفوه وحرر سجينه من طيب راسه حافظٍ قيمة الجار=والجار الاخر يطلب يسد دينه الله يحرم وجه حامد على النار=اوزوجته وعياله والدينه امين وانتم رددوها يالاخيار=يالله على كبر المصايب تعينه من قبلنا راحوا سواليف واسرار=كل يحصل ماتقدم يمينه لابد ماتبقى للاجواد تذكار=تبقى العلوم الطيبه والثمينه بعد اذنكم تحية اجلال واكبار=لعبدالرحمن الله يطول سنينه من غير ابوفواز يالطيب تختار=رجل على الواجب يفك الخزينه لله دره مااختفى خلف الاعذار=يشكر عسى رب الملا مايهينه بأسم الامير ابن نهير وويبار=واللي حضر الله يبيض جبينه تم الصحيح ونار في عين عمار=انشد وياتيك الخبر من جهينه ابن الضياغم |
|
27-01-2011 | #2 |
سبحانك اللهم وبحمدك
|
رد: !!!!!!!!!!!!!عادت هل العليا!!!!!!!!!!!!!!
الشاعر القدير / ابن الضياغم
صح لسانك وبيض الله وجهك ومن حصل شيءٍ يستاهله قصيدة رائعة جداً وفقك الله. تقبل أطيب تحياتي،،، |
|
28-01-2011 | #3 |
نائب المشرف العام
صفق الهواء
|
رد: !!!!!!!!!!!!!عادت هل العليا!!!!!!!!!!!!!!
هلا وغلا بالشاعر القدير ابن الضياغم
من طول الغيبات جاب الغنايم وانت جبت هالشامخه بمن يستحقها وهو حامد بن محمد الرويلي لتنازله عن من دهس ابنه وهو حامد بن خاتم الوبيري الشمري في المنطقه الشرقيه وحسب علمي انه تم عمل حفل يليق بالعافي من ابنا العمومه الوافين الصفران ويستاهل فاعل الخير وعشرة انعام باهل العليا يستاهلون المدح والشعر والعلم الغانم وماهو غريب عليهم الطيب ونعم والله بالويبار عموم وابن نهير وعبدالرحمن الحامد ومن عاداتهم الطيبات وهم اهله كل الشكر شاعرنا وصح لسانك مليار عزالله انك كتبت وابدعت يالجزل وتسلم لاهنت لك كل التقدير |
|
28-01-2011 | #4 |
الإدارة
|
رد: !!!!!!!!!!!!!عادة هل العليا!!!!!!!!!!!!!!
شاعرنا القدير ابن الضياغم عوداً حميد شاعرنا يعلم الله فاقدينك يالعزوة لاهنت على هالمعلقة صح السانك مدد بلا عدد تقديري لسمو شخصك الكريم ؛؛؛ |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
28-01-2011 | #5 |
|
رد: !!!!!!!!!!!!!عادة هل العليا!!!!!!!!!!!!!!
يالله حيوه
ماقصرت بيض الله وجهك وصح السانك يابعدي |
قبل امـس رحـت لـشبة (دهام) لآهـان = له مجـلساً فيه الصـخـى والمحبه الشاعر صوت الرعد ويوم أنتصفت وجيت مع طلعة العـان = شفت الخيال اللي مشى بأمر ربه جتنا مـن المنشى تـقل روس ظـلعان = وريـح المـطر جتنا سـريعاً مهبه قـدام عيـني شـفت رش المـطر بـان = بـدايتـه تجيك ( حبـــه وحبـــه ) وفـي حزة المغـرب على وقت الاذان = على الشمال الـبرق للـغيم نـبـه وخـذيـت اتـابع ياجـماعـه وطـربـان = لآجيت لآمـجلس ولآجيت شبـه |
28-01-2011 | #7 |
|
رد: !!!!!!!!!!!!!عادة هل العليا!!!!!!!!!!!!!!
والف نعم باهل العليا يستاهلون المدح
لاهنت شاعرنا ابن الضياغم صح السانك تقديري لك |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام