قصيده من شاعر يرمز لاسمه بعزتي بعزوتي مسندها لي ( وانا رديت عليه بهذه الابيات

بسم الله الرحمن الرحيم
السلام عليكم ورحمة الله وبركاته

أسند هذه القصيده لشاعرنا / مشعل التريباني وله مني التحيه والتقدير
وبالحقيقه انا ماني شاعر ولا أجيد الشعر مثل مايجيده ولاكن هاوي وخرجت
معي هذه الابيات ويعلم الله اني كتبتها في محل انشاء الموضوع مداعبه خفيفه
عفيفه لشاعرنا مشعل ,,,,, أترككم مع القصيده

البارحه ليلي قضيته مساهير=ماهو علل لو قيلي فيك عله
أقرا بيوت ِ وافيات المعـايير=بحر الجزاله والجزل مورد له
يامشعل العسام مسيت بالخير=شمس الشعر شفته معاكم وظله
شاعر تصخر وافي القاف تصخير=حتى المعاني وافيه في محله
يشهد على قولي جميع الشواعير=بالمنتدى واللي قراء مايمله
وأخلاف ذا موضوعنا وجهته غير=أشوف شعرك يشتكي فاقدله
طرق الهوى بوصوفهن الغنادير=سود العيون اللي رموشه مظله
أبو خدودن ماخدشته الأظافير=مع زينه المكياج مايصلحن له
مبسم شفاته مامشابه ****ير=وسنونها من شافها ينفطنله
صفة جيوش الشمري بالطوابير=عبدالعزيز اللي خصيمه يذله
الله ليامن فرعة حزة عصير=ذيل الكحيله والهوى ملفحله
أم النهود البارزات الدواوير=الثوب يصعب فيه عقده وحله
والورك والفخذين والساق تحسير=والزول مايوصف بدقه وجله
مدري خذاك الي خذا سالم الزير=ولا عليك من العواقب مذله
الشيب عزن في وجيه المناعير=اللي حياته بين نجرن ودله
بيته مقر اجواد ملفى مسايير=وأكبر دليل نشوفها بصورتن له
هذاك شوق الي تحط المناكير=كل العواطف بالخفوق رهفن له

((رد على الاخ \الشاعر عزتي بعزوتي في 14\5\1433هـ ))
هذه القصيده رد على عزتي بعزوتي عسى ان تنال اعجابه واعجاب الجميع
واعتذرعن القصور لاني كتبتها بوقت قصير على نفس الكيبــــــورد

يا مرحبا عداد مارفرف الطيــــر = واعداد من يقرا حــــــروف المجلـــــه
واعداد ماهبّة هبوب المعاصيــــر= واعداد خلق الله مــــن كـــل ملـّـــــــه
واعداد عيدان الشجر والنواويــر = وعد النجوم البينـــــــــات المطلـّــــــه
واعداد من يضرب بعيد المشاوير= واعداد رمل القــــاع والنبت كلـّـــــــه
بالشاعر اللي سطر القاف تسطير = اللي جزيل القاف يحمــــــل سجلـّــــه
قرمٍ شكا من ظيم حب الغناديــــر = يقول تلعات الرقــــــاب احبلــــن لـــه
يشكي هوى غرون نهوده مزابير = راعي جديلٍ فــــــوق الامتان فلـّـــــه
شقرن على متنين خله دعاثيــــــر= والقلب من همه بدافيــــــــه خلـّـــــه
يقول خلي دمر العقل تدميـــــــــر = وشيّــــد بوسط القلـب منزل وفلـّــــه
ياشبه صفرى مع عقيد المناعيـــر = فــــــوقه عقيدٍ والظفــــرعادتلـّــــه
(ياجا نهارٍ فيه شرٍ بلا خيــــــــــر) = ثم شاف زينات البنـــي زغرتلـّـــه
يصلها وايدوس وسط الطوابيــــــر = ياشافهن بشيالهـــــن غطرفلـّــــــه
سبحان ربٍ صور الزين تصويــر = حسن الوصايف في وصوفه تجلـّه
واقول رايي يازبون المقاصيــــــر= ادفع بها الاموال دقـــــــه وجلـّــــه
ادفع بها لو زوّدو باالمخاسيــــــــر = والرزق عند مكوّن الكــــون كلـّـــه
الحب له في داخل القلـــــب تاثيــر = قلب المولــــــــع لازمٍ يستحلــــّه
الخل كالملواح والقلب كالطيـــــــر = يفزبه وايعــود لـــــــــه مشفيلـّــــه
مالك ومال مكسر الهرج تكسيــــر = خبلٍ بليدٍ والبنــــــي ماضحكلـّـــــه
انار قيت الظلع مـــــره وتكريــــــر= ولقطت طلـــــع الظلع ورده وفلـّه
هذا قبل تبدي بوجهــــي مغاتيـــــر = يوم السنين بوجههــــا مسفهلـّـــــه
وأكد لك ان الحب يا مسندي غيــــر = راع الهوى يفدى بحيّـــــــه وملـّه
واليوم حان الشيب مابه معاذيــــــر = وقلبي هوى الخفرات ماهو هولـّـه

صح لسانك يابو عبدالرحمن ولسان عزتي عزوتي

صوت وصدى من اجمل مايكون الله يعافيكم لقد ابدعتو

رد وافي وجل على قصيده رائعه وانت كفو وتستاهل يااخو الدهمان

تقبل كل الود

صدق في ماقاله عن وصفك يابو عبدالرحمن

صح لسانه والسانك

صوت وصدى من اجمل مايكون

لكم جزيل الشكر

مشعل التريباني ... صح السانك والسانه ... يابعد حيي

الشاعر مشعل التريباني
صوت وصدى ولا اروع
صح السانك الف
ودي لك يسبق ردي

ابداع وامتاع
سلمت روسكم من الشر
اسمى التحايا ابا عبدالرحمن

ابو عبدالرحمن
تسلمون الجميع صح السنكم يالنشاما
ودي وتقديري لك

شكرا لجميع الاخوان على الردود الله لايهينكم جميعا بدون تخصيص
بيض الله وجيهكم وماعليكم زود ايه الاوفياء

عمي مشعل
صح السانك الف
تقديري لك

مشعل التريبانى 000

صوت وصدى 00 أشعل ألمشآعر 00 بحسن وجمآل المعآنى 00

ابداع فى التصوير 00 وتألّق فى التعبير 000