خلّك مع اللي يعتلون السنودي0000

خلّك مع اللي يعتلون السنودي

يقول من شاف بزمانه شهودي= دنياه جرّب عدلها وشاف مايله
شفنا زمان للجمايل جحودي= الحق هو والطيب قفة رحايله
اشوف لي ناس صيام سجود= لكن قلوب الحقد فيها غلا يله
نمامةٍ سمامةٍ للكبودي=الكذب والبهتان جملة خصا يله
رفيقهم وان غاب كنه يهودي= تسابقو هرج لردا في خمايله
هذا يسوق الهرج وهذا يقودي= تقابلو على سجلة وفايله
وليا حضر مدحه وشكره يزودي = مابينهم صارت تعدد فضا يله
ناسٍ يتمنون المصايب تزودي= على بعض ناسٍ تدور جما يله
يا لله تلعن كل واحد حسودي= اللي يتمنى نعمت الغير زايله
وان قلت تم القاف جاني بزودي= اترك ردي الهرج وآخذ صما يله
هذي نصيحة ياشبال الاسودي= نصيحة تكسب منه كل طايله
انصحك يا لطيب عريب الجدودي= والا ردي الخال ماهو بشا يله
خلك مع اللي يعتلون السنودي= تكسب برفقتهم مماشي حما يله
مدارسٍ تنهل منه كل فودي= وتشوف من بعض المعاني دلا يله
واحذر من اللي يمشطون الجعودي=اللي على لعلبا تمشط جدا يله
قصة اسودٍ مار ماهم اسودي= ما ضنهم اسود ولا الله قايله
ان قلت هنودٍ يشبهون الهنودي= وفيهم بعض صفات ماني بقايله
يقوله اللي شاف بيضٍ وسودي= مصايبا قامت تهيض مثايله

سطم فهد الخليل

شاعرنا الكبير مقاماً القدير سطم فهد الخليل
ابو فهد
ينشف حبر قلمي الضعيف اما بوح شعرك الذي هو من العيار الثقيل ولااجد مفردات للردد تليق بالرد على شعرك الراقي
الا ان اقول لسمو شخصك صح السانك حتى ترضى
خالص التحايا لك يالخال .

مشرفنا الفاضل

ابو عارف

هلا بك وبمرورك الجميل

حياك الله وعسى عمرك طويل

وكل الشكر لسخصك

بيض الله وجهك وسلم الله فكرك ومنطوقك على النصيحه وهذي شيمة الرجال الخيرين يسعون لنبذ الشر

ونشر الخير بين اخوانهم وكفانا الله واياكم شر الحسد والنمايم

الأستاذ القدير والشاعر الجزل كبير المقام // سطم فهد الخليل ..

علو الهمة والحث عليها واضح في هذا النص الجميل العذب

وعالي الهمة لايرضى بالدون ولايرضيه إلا .. معالي الأمور .

شكراً لكـ على هذا العلو ..

قـصـة اســودٍ مـــار مـاهــم اســـودي
مــــا ضـنـهــم اســــود ولا الله قـايـلــه

ابيات راااائعة
يعطيك الف عافية

الفاضل الجزل ابو فهد

سلم راسك وعقلك الرزين ايه الشاعر الشهم الحكيم
الف صح لسانك وطاب فالك على هالشامخه لاهنت

تقبل كل الود والتقدير

الشاعر الكبير/ سطم فهد الخليل

صح الله لسانك على هذا النص الفاخر بارك الله فيك

لقد أبدعت وأمتعت ونضمت عيون القصيد لاهنت

تقبل فائق تحياتي وتقديري العالي

عبد العزيز البليهد

لاهنت ولاهان راسك

والف شكر على جميل مرورك

الشرق

اتشرف بطيب بمرورك الجزل

هلا بك وغلا ودام وجودك