الـــــــــــوحده تــــــــكفي عن الـــــــــثنتين

أرسلت لي أحد جاراتنا تطلب الفزعه مني عاد أنأ
ضلعي ضعيف مع النواعم وقلت اكسب رضاهن بدلَ ماكسب عداوتهن
ههههههههههههههههههه
السالفه شاعر مجهول ينخى الرجال على تعدد الزوجات
عاد أنأ ياخويكم صرت جبان بس لاتعلمو علي// أترك التعليق لكم

الشاعر المجهول

حييت ياراعي الثنتين = وراع الثلاثه نهليبه
الله شرع الربعه بالدين = خلاق ألآرواح ندريبه
واللي معه واحده مسكين = تقبل بعقله وتقفيبه
كم ليلةً نام مامن شين = يمسي ويصبح على الخيبه
ورجل تردا وهاب الدين = هذاك خابت مطاليبه
وترى أم أعيالك لها حقين = حقن تعرفه وتدريبه
لاسخنت جبلها ذا لحين = فقساً ادهن عراقيبه
ولو هي تطيب وريحه زين = ريح البصل فاح من جيبه
ونهودها حولً شبرين = والقرن واحد توميبه
وياقبلت الله كحيل العين = اليا تبسم تقل ذيبه
وترى المرة مثل قصرالطين= دايم ترمم مزاريبه

رد أبوطلال الزميلي الشمري

يامشجعً راعي الثنتين = وراع الثلاثه تهليبه
أرفق على الحال ومش هوين= وقس البحر قبل تمشيبه
وترى الطمع هو فساد الدين = لاتطب سوقه وتشريبه
والوحده تكفي عن الثنتين =لاصرت بالحيل راضيبه
وقلب الغلى مايحب اثنين=مهما تحايلت ماتجيبه
ورجلً تورط وقع بالدين= تلقا ال***ش بعراقيبه
وكان زوجتك عجزّت ياشين= حتى أنت مثله ترك شيبه
ومن أول ريحه بخشمك زين=لو البصل فاح من جيبه
واليوم يوم خلص البانزين= قعدت أتكثرعذاريبه
واخافك يراعي الثنتين= صملً يلاعب كراعيبه

عساها تعجبكم

ههههههههههههههههههههههههههههههههه اه بس

الله يشرح صدرك يالامير

كفوووووووووو والله ياطلاااااع

بس والله انوه صادق وانت صادق ويالله حسن الخاتمه واللي يصبر يلقى الاجر ويلقى اللي يسره
بالاخره

صح لسانك يالغالي

تحياتي لك..

صح لسانك يأبو طلال بلا عددسلمت ودمت والله يجزاك خير لو أنك بالحيل تحيّزت مع الحبابات يطمعن بنا لا تطمعهن يأبو طلال خلك معنا في بعض الحالات حتى يكون فيه توازن 00هةههههههههه ::::: أخوي أشكرك غاية الشكر ولك تحياتي وأشواقي الحارة ,,

سلمت ودمت يابو طلال لاهنت

انا بعد تراني بصفك ماأحب اعادي السيدات هههههه

صح لسانك وطاب فالك وبيض الله وجهك ووجه المجهول

تحياتي وتقديري

والله ان كلكم صادقين
سالم / صادق في ماقال المجهول على حق لكن انا ماني متزوج وقلت مالي الا اشجع راع الوحده
خلني اكسب الجنس الناعم يعني سياسه وبيني وبينيكم الذله بنت حلال هههههههههههه
وبهلول /صدق في ماقال وعاد ابو نواف من اهل الثنتين والله وعلم انه نوييكمل الاربع هههههههه
ونهير/ايوالله انا وياك نغلي النواعم بالحيل بالحيل ولانبي نزعلهن رضاهن عندنا اهم شي
المجول/ يالربع ياحلو رائه لكن يبيله شجاع ويصبر على شيل الحمول هههههههههههههه
الف شكر لكم علو حسن حضوركم
لي عوده ان شا الله

شاعرنا القدير طلاع الزميلي
ابو طلال
صح السانك يالعزوة
خالص التحايا لسمو شخصك النبيل

اتوقع لو تشارك بالانتخابات في المجلس البلدي بعد ما وافقو على تصويت النساء

اتوقع انك رايح تفوز لانك كسبت اعجاب 99% من العجايز بالتصويت ههههههههههههههه

واما الشاعر المجهول ما احد رايح يصوت له ههههههه


ابو طلال ترى كلامي من باب المزح ههههههه

الغالي ابو طلال صح لسانك للابد

دمت بحفظ الله ورعايته

ههههههههههههههههه
رويضان يابعد قلبي انت كلك حلايالغالي
لاكفشت العجيز كفشت البنيه ها ترى هذي سياست الشيبان
خصوصاً المنتخين هههههههه
ابد يالعزوه البساط احمدي حنا من اجل السليه والضحك والفيده
اما انكان الواحد يمر على اللقصايد والمقالات تقل راس مطيوروارمةً خشته
خله يوي الله لايرده هههههههههههههه
وان تكلم كلامه بين حقارته
لك كل الشكر يالغالي
ولك كل التقدير
حفظك الله

ويش قومك علينا يابو طلال ذبحتنا
تحياتي لك

ابو طلا ل


صح لسانك

لاهنت