ديوان الشاعر / نهير النمش

ارق العـُـلا

	ياصاحبـي ارق العـُـلا واتـرك الهـون=خلـك بعيطـآ عــن سفــال العلومي جـنـب كـلام وقـولــة اللـي يقولـون=ولاتجامـل المخطـي قليـل الفهومي احـذر مـن اللـي بالمجالـس يدادون=واحذر مـن اللـي يجهلـون السلومي خلـك بقـولـك دايــم الــدوم موزون=وعـليـك لايلـقــون بعــض الثلومـي وهرجٍ يجي ياصاحبي دون مضمون=يمكن علـى شـانـه تنـاش الخشومي وهـنـا تصـيـر عـلــومـكـم كلـهـا دون=وبعـض الامــور الـحـر عنهـا يشومي فرقـاه عيـد وقـربهـا يجلـب حزون=وبــابٍ علــى ماقيـل عنـه محشومي

سمـول السوالـف

	اخـذت لـي مـع دورة الـوقت سجه=وعـرفـت تغييـر الـزمـن واختلافه لـقيـت ظـمـن النـاس قـدوه ورجه=وفهـمـت معـنى التجربـه والكلافه بعـض الكـلام اللـي مهولك موجه=تفهـم معـانـي قسوتـه مـن لطافه احــدٍ يــدان بفـعـلتــه دون حِجه=واحــدٍ ولــو انـــه غريـمــك تعافه قــولٍ لـيـا مــن قـيـل يثـيـر ضجه=وقــولٍ بـلا معـنـى وقـولـه سخافه نـاسٍ لـهــم بـيــض النوايـا محَجه=ونـاسٍ علـى الغــرات فيـهـم لقافه وناسٍ على سمول السوالف مهجه=ونــاسٍ تـحــــب البـلـبلـه والخرافه وليـا خذيـت بـدورة الوقـت سجه=فـهـمـت تغييـر الـزمــن واختلافه

بيات متواضعه اهداء للشهم / جزاء حجاج الزبيلي الأسلمي الشمري

جزاء ولد حجاج

	سلام مني ياصل لطيّب الفال=جزاء ولد حجاج زبن الونيات الله يعز معرب العم والخال=اللي مداهليه بروس المنيفات فزعتك ياطير السعد تبهج البال=ولاهي غريبه كسبكم للطويلات عادات اهلكم قبلكم قول وافعال=اهل الحميه من عصورٍ قديمات اهل اللحيسه عز وامجاد وامثال=عز وفخر للشمري كل الاوقات فزعاتهم وقت الوغاء هزت جبال=ورداتهم عند الطناء حيل صلفات تاريخهم ورث بطولات وابطال=بهداتهم تشبع ذيابٍ مجيعات

المشـاريــه

	البارحــه كــل المشاريــه غيّاب=مـاحـاضـر الا شـرهـتـن حاتميه داعبتها واشعلتهـا بـراس مرقاب=وجـريـتهـا مــن ظـامـري سامريه ابعـدت عـن بعض المشاريه وعتاب=مـاعــاد بـه مشـكـل ونفسي غنيه اذا ضغوطـي واصلـه حـد الاتعاب=يـمـكـن تـزول بذوقـة الشاذليه فنجالها يرخي مشاديد الاعصاب=ويـزيـل مــن بـه علتـن داخليه هذي هي الايام غالب وغلاب=والا الرجل به حاجةٍ جوهريه قل المعرفه يفقدك بعض الاصحاب=اللي لهم عند العرب مقدريه خلك سنافي واحسب لهرجك حساب=يصير لك بين البشر قابليه

حايل غلاها خافقي مستحله

	لا واهني من دق سلفه وتله=خلا غبار العاصمه وابتعديا النفس من بعد المحبين مله=والحال متعبها العناء والنكديا الصدر كن بداخله حر مله=والعين عيت عن لذيذ الرقديا شوف الجبل يبري ثلاثين عله=يجلب علامات الفرح والسعديا حايل غلاها خافقي مستحله=غصبٍ علي والامر ماهو بيديا غر السحايب فوقها مستهله=والبرق يلمع مع رزيز الرعديا دار الطنايا طيبين الجبله=مزبان من ذاق القهر وانضهديا بميّ الذهب خط القلم بالسجله=ونشكر لربٍ عزنا وأنحمديا

الشاعر سليمان بن جبيل البلوي

	ياواصل نهير نمش في محله = اللي لكوم الضان يركز عمديا بلغ سلامي للمصيت وقل له = بلسان من لاهاضته مارقديا لعــل نشو المزنه المستهله = اللي مقادمها تهل البرديا تسقي دياراهل العلوم المجله = فكاكة الخلفات واللي قعديا اكعام روس اهل الكبود المغله = لباسة المحزم صباح وهجديا شمر لعلم الزين دقه وجله = للضد ضد وللمسير سعديا

الشاعر مشعل بن عسام التريباني

	هاتولي الاقلام وادنو ســــجله = نبي نصوغ ابيات شـــعرن جــدديا يامرحبا عدد حــــروف المجله = واعداد من لله خـــر وســـــجـــديا واعداد ماغر المزون اســتهله= واعـــداد منها مـــايطــيح الـبرديا يابو نمش مثلك ترالنفــس مله = النفس نحداها علـــى البعد حــديا حايل واهلها والهضاب المطله = احــــبها حــب الابو للـــــــو لـديا دارالاســــــود محنية كل ســله = واهل الكفوف اللي من جود نديا شـــمر هل الطولات ياذاكرٍ له = ياسعد منهم له حزام وســــــنديا

الشاعر ممدوح بن زايد القدهي

	حبل المشاعر من ضميري يتله=صوت الذي لديار حايل ودديا شدن قصيد اللي رفيعٍ محله=إبن نمش والقاف جاله صعديا أنشهد إن القاف كنك تسله=يومك دفعته يم حايل سنديا الديره اللي مستحيل ٍ تمله=ديرة هلا الطولات وأهل السعديا بأكناف ظلعانه إلى ساح ظله=ياماحلا الجلسه وظله مدديا وتـزيـــّــن الفنجال ثم ٍ تزله=للي معك في مجلسك بالعدديا أحد ٍ يجيب السالفه من سجله= وأحد ٍ من جزال المثايل نقديا يطرب له اللي يسمعه مايمله=في جلسة ٍ منه الجميع إستفديا وإليا نشت مزن ٍ تداحم وطله=ولمحت برقه والسعد بالرعديا ثم إستوت فوق الجبل مستهله=وشلال ظلعانه سوات الهدديا تزين فوق الزين في كل حله=وأنفاسها متشبعه بالشهديا أنشهد إن الزين فيها جبلّه=والزين فيها كل يوم ٍ جدديا

الأستاذ / عبدالله حمود محارب الهاملي الشمري
يسطر أروع معاني الكرم والسخاء وينهي معاناة عائلة ويهديهم منزل جديدا
http://aenhail.com/news.php?action=show&id=22620
بعد هذا الخبر الطيب والذي وصلني عبر الواتس اب
اسرني واثلج صدري واسال الله ان يصلح لمن فعله النيه والذريه ....
انا لا أعرفه الا من خلال هذا المنشور فقط ... اتت هالبيتين
_________________

الهاملي زبن الضعوف المساكين

	عبدالله ابن حمود يا هل المروات=الهاملي زبن الضعوف المساكين ردو سلامي له وجزل التحيات=من خاطري ودو سلامي ملايين هذي فعول الطيب عز وكرامات=تاجن على روس الرجال الوفيين فطره من الرحمن ماهي صناعات=للي على فعل الطويلات جسرين مشكور ما قصرت يا طيب الذات=يفداك من باللازمه ما عمل شين الله يجزاء فاعل الخير حسنات=ويرزقه رب البيت ثقل الموازين الطيبه تمحا لها عشر سيات=وانت الذي سديت حاجة ضعيفين ادعوا لك المولى يعوضك بجنات=وادعوا معي يا ربعنا قولو آمين

خلـوة الافكار

	جهزت هجـن القصيـد وزهبة سلاحه=وابا اخذ اللي تريـد النفـس وعلاجي ماهـو عـلاج الدكاتر ياهـل الساحه=وماهـو كـلامٍ يقـولـه كـل هراجي انا علاجـي هـل الطـوالات وامزاحه=انا اشهـد انـه معاهم فلـة حجاجي فـي خايعـن ريحـة الازهـار فواحه=ماطبها راعـي الموضـه ولا داجي يـاماحـلا مرقبـن فـي راس لولاحه=لولاحتـن مـارقـا بـه كـل هلباجي طرق الهوا يبعد الهوجاس واشباحه=ياصرت مـع خلـوة الافكار تحتاجي بالبـر ناخـذ لـنـا سجـات وسياحه=مابيننا ناقـد ولا مـوقـف احراج

تكفـون تكفون

	نصـيحتاً مـنـي لـكـم لاتضيعون=ياعيـال ياللــي تسهــرون الليالي أقروا مـن القـرأن مـاتستطيعون=يشهـد لكـم ياجـاء نهـار السؤالي وبالوالدين البـر تكفـون تكفون=هــذي حـيــاةٍ مقـتفـيـهـا الزوالي تجـمـلـو مـا دام للـطـيـب تقوون=البذل خصله من خصال الرجالي وياشفتـو المحتـاج لا لا تصدون=اعطـوه يالاجـواد لـو هـو ريالي في نصرة المحتاج بالخير تجزون=مـن واحـدٍ ينشـي ثقيـل الخيالي والجـار حـق الجـار لازم تراعون=وصـآبـه المبعـوث واف الكمالي والرزق عند الرب جاهز ومضمون=عالم دبيب النمل بسود الليالي وماتعملــون اليــوم بكـرا تلاقون=رد العطايـا من عـزيز الجلالي

((غـلبـاء))

	لي الفخر لاقلـت ربعي سناعيس=ولـي الفخـر لا قلت ربعـي طنايا حنـا هـل الـردات عــز ونواميس=شمـر كعـام الضــد شمـر دهايا شمر ليا ركبو على ضمـر العيس=والا بـعـد ركبـو ظهــور السبايا ياطـون دربٍ قبلهم ما بعد ديس=غلباء ليـا مـن غطرفـن الصبايا اهل الكرم والعـز ساسٍ وتاسيس=دلال المكـارم مـن كرمهـم ملايا غلباء حـرار العـز ماهم قرانيس=للـي نخـاهـم يكثـرون العطايا غلباء ليا ثار الدخن بالمتاريس =دايـم ركا يبهـم هـزال وحفايا فريس مـن فريس ميراث فريس=اعلومهـم للنـاس مـاهـي خفايا وانا افتخر لاقلت حنا سناعيس=ولـي الفخـر لا قلـت حنـا طنايا

بارد الشبط

	ياصاحبي بزيارتك عندنا ابط=ان كان ودك بالحبايب تجمل الوقت حادينا على بارد الشبط=ومن سطوتك تبي علينا تكمل ارفق علينا تضبط امورنا ضبط=الامر واضح مايبي له تأمل خلك محنك اربط قلوبنا ربط=ماعاد فينا للمفارق تحمل