ديوان الشاعر / نهير النمش

ملامح ..

	الليل شرف وأطرف الليل سالي=صد الغروب ودنق الرمش للميل الصبح غرد وأظهر النور تالي=والبعد سكر منفذه عن مدى الليل صدر الحليم يضيق لو هو شمالي=لو هو فسيح وتطّرد داخله خيل ماكنت متوقع على كل حالي=سود الظنون تنوخ الهجن وتشيل عوّد ومازح بالزهق كل غالي=يمكن تسلي خاطرك بالتعاليل اما تجيك اضعاف كل أحتمالي=والا تبوح من العنا للمواصيل البارحه شيٍ بصدري طرالي=غيّر ملامح فكرتي وأسرف الكيل بعض القلوب من القهر ماتبالي=الا قلوبٍ للوجع مابها حيل ياحيف يابعض السلوم التوالي=ماله سنع ماغير حاصل وتحصيل الطيب له قرمٍ يصون المعالي=وماكل من شال الثقيلات حلحيل وان ضقت يابال الشمالي شمالي=تبقى وسيع وتطّرد داخلك خيل

قسوة أيام ..

	ياخوك يافايز غدى طاري الطيب=ضاع الوفاء مابين خايب ومهبول قرمٍ مثل شرواك يامسندي ذيب=يتعب على كسب المراجل على طول واللي تعود يجزي الطيب بالعيب=عمر الحديا ماضرب بأول الجول يمناك ياكثرة عليها المطاليب=لاهي قوة تعطي ولاتقدر تنول راحت ثلاثيني بدا بعارضي شيب=بس اعتبرها قسوة ايام وتزول عودٍ تخباء داخلي بالمحاديب=مهما جراله ماتعود على القول والكلمه اللي للهدف دوم ماتصيب=مادوجت بأرضه ولاشيف له زول الله خلق للطير ريش ومخاليب=والناس من خلقت له أفكار وعقول ومادام به طيب ترى باقي الطيب=مايضيع ذكر الطيب بأفعال مهبول

ابيات من الشاعر طلاع الزميلي الشمري ابو طلال

	الف ملياراً هلا فيك يانهــــير= عد ماشعشع بألأمـــــــــزان براقي ننتظر شعرك وعودتك يالخير = وشعركم له صاحب الذوق يشتاقي ترصع القيفان بالدر وتجـــير = بحس شاعر يسحر أسلوبه الراقي خيرأ ومشيم نفسه الخــــــير = مكرمن لسانه عن أهرج هــلا قي وأجمل الياقات والورد لنهير = سايقه له صادق الشوق خفـــاقي

ردي على طلاع الزميلي ابو طلال

	مرحبــا مليـــون مـليــار واغيّر=وادبـلـه وازيـدهـا عــدة اطبـاقي البقاء ياشوق من نهدها صغيّر=يارفيع الساس ياجزل الاطراقي يازعيـم القـاف يالجـزل يامحيّر=شوفني عجزت لاجاري الساقي اشكـرك اعــداد ماعـدو اقصيّر=لتحـري بعـدهـا شهــر الارزاقي واشكرك اعـداد من قالو نسيّر=يـم راع الطيب والطيب لك لاقي

حلم غادي ..

	وجد حالي ياطيوفٍ خذت جوله=بين هم أيام مجدي وغربالي ان مشيته مالحقت آخر وصوله=صرت أعاني مثل ماكنت متعالي من جرالي جاير الوقت وعموله=ماقدرت آخذ من الجود مثقالي لو سريت الليل والبعد وسهوله=خفت الاقي جرد الأوهام من تالي العلوم العوج مهما مضاء حوله=كلها من ظلم الأيام في بالي حلم غادي والتفاسير مجهوله=لو حكيته حلم في كل الأحوالي ليل داوي واكثر الناس مذهوله=من مرارة وقتها والشهد حالي طيف عابر معه المجاد محموله=وش يجيبه عقب مافات يافالي لغز واحد فيه الأفكار مشغوله=لازمٍ يلحق على كل الاجيالي حظ والدنيا لها ردة أفعوله=وان كلتني مافرح غير عذالي ومنك سامح يازمانٍ خذا جوله=بس خل أيام مجدي لغربالي

صبر وجلاده ..

	ياخاطري مدري وش اللي لفاني=شيٍ يدور بداخلي ودي اقراه جتني معاني واشغلتني معاني=فكت رموز السالفه قبل مبداه ياناس دخنا من ظروف الزماني=ضاعت مساعينا على غير ملفاه مدري نسينا وضعنا في ثواني=والا الخواطر بيننا شان طرياه ياما وياما هيجنن المحاني=لحلامنا اللي بالثرى كم رسمناه ويلاه ياوقتي وش اللي دهاني=مبدا ملامح صورتك سل شلفاه انا اشهد انك يازماني اناني=ماخذت منك الا جروحي وسقماه حصن الطموح اليوم عيت تباني=كبوة جواد الحظ بانت خطاياه صبر وجلاده وآخر العمر فاني=كم انتجلد ياطريق مشيناه نشعل اماني لو نسينا اماني=ناخذ ونعطي والعطايا سبب جاه لاتصدقون القول في كل شاني=لو ماعرفتو وش بقايا خفاياه السالفه مدري وش اللي حداني=حاجه تدور بداخلي قلت ابرثاه

في عام ١٤٢٢هـ : كان الشاعر/ بشيَّر مناور الهجله المطيري
ذاهبا للبر وجد لوحه باسم هجرة اسمها (برزان)وعندما مر عليها
لم يجد فيها ضيافة فرجع مباشره للوحه مره أخرى وربطها بالسيارة
وخلعها لقناعته بالفرق الشاسع بينها وبين (برزان حايل).

ومن ثمَ قال هذه الأبيات

((المطيري وبرزان)) .. ..

	برزان ماهو بانت لو قيل بـرزان=واللي سكن بك مايطابـق فعولـه برزان في حايل على دور الازمان=قصر الرشيد اهل الكرم والبطولـه اللي لهتاش الخلا صوتهـم بـان=قولـة هـلا قـدام تبـرك ذلولـه سجل لهم في صفحة المجد عنوان=نعم الرجال ونعم هـاك الحمولـه

وبعد سماعي لهذه القصيدة المشرفة رديت عليه بهذه الأبيات

	سلام ياشخصٍ بدع زين الألحـان=سطر بيوت الشعـر باحلـى مقولـه مشكور يابشيَّر على فعـل الاحسـان=عسـى حياتـك مايصيبـه ملـولـه هرجك صحيح وزبدة الهرج نيشـان=ودايم رفيع السـاس يصـدق بقولـه عـز الله انـك يالمطيـري بليهـان=اصلك شريف وكل طيبٍ تنولـه دايم وعنده كـل الاوقـات ضيفـان=وكـل الرجـال الغانمـه سيـرولـه ضاري على كسب الطويلات شفقـان=انشهـد انـه مـن كبـار الزحولـه من لابتٍ بين القبايل لهـم شـان=مطران بالطولات واصـل الرجولـه علومهم وقـت المعـارك والاكـوان=يثبـت لـه التاريـخ يامـن قرولـه مطير ياركبوا على الخيـل فرسـان=ياويل مـن حمـر النواظـر ثنولـه عدوهـم مـن فعلهـم دوم منـهـان=وخويهم من كل طيـبٍ حسولـه يردون حوض الموت في كل ميـدان=ياشبـت الهيجـا ثنـو وارتكـولـه رد الثناء واجب على النـاس يافـلان=ومن لايرد الطيـب تـزري فعولـه ابمدح اهل الطيب ذربيـن الايمـان=واخذ مع الاشعـار صولـه وجولـه مطران ياقلنا علـى العـز مطـران=كـل القبايـل وقـعـو واشهـدولـه ولاسب انا الاجواد حضرٍ وبدوان=كلٍ على حقـه تسابـق خيولـه ومشكور يابشيَّر بأسم قصر بـرزان=قصر الشرف والطيب وارض البطوله

العتيبي وشمر .. ..

	من لايخاوي شمر الجود غلطان =من غير نقص في جميع القبايل خويهم والله مايبلش بالأحزان =اليا نخاهم يصبح الهم زايل خويهم يحظى بتقدير واحسان = مع حشمه وتقدير للفخر نايل شمر هل الطولات لاقيل فرسان =وقت السيوف المرهفه والأصايل شمر طنايا يوم زيغات الأذهان =عدوهم شاف النجوم الهوايل شمر اليا قلنا هل السيف شجعان=قالوا : نعم صادق اشيوخ الحمايل شمر لهم تاريخ في ماضي الأزمان=فيه أطيب العربان تضرب مثايل وبوقتنا الحاضر بهم بوش بلشان= وروا علوجه فالعراق الهوايل شمر هل النوماس في وقت الأكوان = اللي يردون الملايل غلايل الابه اللي ذكرهم للعرب بان= ياكم ثنوا لاصيحن الحلايل شمر مقر الجود للجود عنوان=لايابعد حي العرب ياهل حايل شمر سناعيس على الضد بركان= يشهد لهم فعل السنين الأوايل بنوا اشعار الجود في طي بنيان= لو زالت الضلعان ماهو بزايل شمر لمن يشكي من الضيم مزبان=لاصارت الحيلات عنده قلايل والله لايرجع بعد الأحزان فرحان = ينزاح حمله بعد ماكان مايل قول على حق ودلايل وبرهان = يشهد له التاريخ والشك زايل مهما كتبت بشمر الجود قيفان = ماني ملحق ذكر كل الخصايل ماقلت غير الحق والحق سلطان = قلت ومعي حجه وكل الدلايل وأنا من الهيلا هلا الطيب عتبان = زبن الدخيل وعوق مخطي وعايل في ساعة فيها يتساون الأثنان= الموت والا نكستي بالجمايل

نايف بن بندر بن محيا العتيبي



وهذا ردي عليه

	هات القلم واكتب جديدات الأوزان = واكتب سلامي في جديد الرسايل وصل سلامي والتحايا لحوران = حرٍ تعلا فوق كل الطوايل نايف ولد بندر سلايل كحيلان = المرشدي عرب النسب السلايل البيت مايبنى على غير سيسان = للعلم نقالٍ وللقول قايل وانا دليلي ياهل العرف مليان = مليان بعلوم الصخا والشكايل عليك بالعتبان ياصرت بحلان = لاسكرت دونك جميع الوسايل عتبان ياقلنا كلامٍ بحسبان = عتبان ستر منقضات الجدايل عتبان لاصارت عجاج ودخان = يردون حوض الموت علمٍ صمايل عتبان لاصار الحكي شيئ وكدان = عز الخوي لاشاف حر الملايل عتبان لاعدو هل الطيب والشان = مع اول العربان قول وفعايل هيلا كما سيل محادير جيلان = لاساقه المولى كريم السبايل أهل النقا والجود في كل ميدان = أهلا الحميا والعلوم الجزايل للخايف المضهود عزوه وخلان = وللحايف الموت الحمر والغلايل وماسبّ انا العربان ظلمٍ وبهتان = كل القبايل له فعولٍ ثقايل وحنا الطنايا ماكر الجود يافلان = لاعودت للسيف قدح وفتايل الذيب عشيناه حيلٍ وخرفان = للطيب نتعب وماندوّر بدايل هذا مردي فيه شكرٍ وعرفان = للآبه اللي كل فعوله جلايل لروق مع برقا شبابٍ وشيبان = من غير خصٍ في فروع العوايل والمعذره وان كان بالقاف نقصان = منك السموحه يارفيع النزايل تم الكلام وزبدة الهرج نيشان = ورد الجمايل حق لأهل النفايل وصلاة ربي عد ماهل ودان = على الرسول اعداد عشب الخمايل

يارب تنصرنا ..

	يالله عسى هالعام من خير الأعوام=ويالله عساه تزول كل الشدايد ويالله تعم السلم بديار الأسلام=بامرك وتدبيرك تلم الشرايد علام جهر أسبابها وماب الأرحام=تعود له بالخير ياخير عايد يارب تدحر كل عباد الأصنام=ويصير حلم الصلح والسلم سايد رحمتك يامعبود ياخير علام=يامعطين خلقه جزال الوعايد يارب تسترنا من أشرار ظلام=يالواحد الجبار محصي العدايد ياكافل ارزاق البهايم والأيتام=تجعل مساعينا لوجهك سدايد وشلون نرقد ياعرب زين ونام=وشلون نرقد فوق لين الوسايد وحنا نشوف اخواننا تعدم أعدام=هذي حياةٍ ماوراها فوايد لابد ماترفع على القدس الأعلام=ونلبس على التحرير نوط وقلايد يارب تنصرنا على كل الأقزام=قبل نموت ولاكسبنا شهايد وصلو على نبينا خير الأنام=عد النبات وعد صحف الجرايد

القدس تصرخ ..

	يالله يامدير الهبايب والامزان=ياعالم النيات يارازق الطير انك تعز الدين وتهين الاوثان=ياعالمن مايخفي الصدر ويثير يارب عفوك من تصاريف الازمان=يارب دبرها على خير تدبير الناس في غزه تذبح وتنهان=وحنا ندد بالقنوات ونشير ياأمة الاسلام ياخير الأديان=وين المواقف في وجيه الخنازير ياأمة الاسلام تكفون الايمان=ايمانكم بالله يهز الطوابير ايمانكم بالله بها يرفع الشان=بس استعينوا وابشروا بالتباشير فيه استعينوا ينخذل كل شيطان=ويذل منكم كل حاقد وشرير القدس تصرخ تنتظر وين الاحسان=وين الحميه يالرجال المغاوير وين الرجال اللي ليا ثار دخان=لبو الندا لاهل الندا يالمساطير لبو نداهم ياهل الخير من شان=نقهر عدوا الله مذله وتحقير في عزة الاسلام تعتز الاوطان=ومن لايعز الدين عمره مخاسير وصلاة ربي عد ماكاينن كان=على رسولن وضح الشر والخير

جنون الخوافي ..

	لاتقول تكفاء تراه تهز وجداني=ولاتقول حاضر يصير الاول التالي ياصاحبي وش بقالي منك ماجاني=ماباقي الا تخلص تالي أمالي ياناعس الطرف شوف الجرح واحزاني=وانا اتحرا وعودك يابعد حالي اخايل البرق وارجو نو الامزاني=شوف اشهب البال حاديه الخلا الخالي ودي بلاماك وعمري آخره فاني=الحق على طيور قلبي واطرب البالي لاتصير ياصاحبي قومٍ وقوماني=اكشف ورود المحبه ونس السالي اشعل فنون القصايد دان واداني=واشغل عيوني وقلبي وانت تحلالي مادام هالناس نامو ليلنا زاني=لاتقول وشفيك صابك جن وهبالي الليل توه يزين وصار روحاني=اظهر جنون الخوافي واجدع الشالي مادام انا وانت كلٍ ضد للثاني=اموت انا بالذهب وأثر الذهب غالي وان قلت تكفاء ترفق هز وجداني=ارجوك خله يصير الاول التالي