ديوان الشاعر / طلاع الزميلي الشمري

صباحكم ورد ياحبايبنا
من ارشيفــــــــــــــــــيات ابو طلال
هذه رساله لناقد النمام القتات المغتاب الي مهنته متابعة عيوب الغير
شاقيا باعراض العالم فلان طويل وفلان قصير وهكذا
قال النبي صلى الله عليه وسلم من تتبع عورات المسلمين تتبع الله عوارته وفضحه بالدنيا ولاخره
عسى ولاعل تنال أعجابكم
ياحبايــــــــــــــــبنا

كـــل نـــاقداً لانــــــقد يقــــــــــفاه نــــــــقده!!! ..

	بعض العرب ينتقد بعلوم هواجــــــــه = مايدري أن يانقد يقفاه نقــــــــــــــاده مثل الجمل رقبته الماخوذ منعاجــــه = وعينه على رقبة غيره دوم لــــــداده ولعيوب غيره عيونه دوم هجاحــــــه =وعن عيب نفسه عيونه دوم صــــداده خالف بدين الولي طرقه ومنهاجــــه = نفسه على الشين والهفوات معـتاده لعب بنفسه ابليس وزاد لجلاجـــــــه = ولوح عليها ولعبه وللـــــــخطا قـــــاده وقاله ترا الحب لغير الله تحتاجـــه =لشرك قاده قليل الفــود عبـــــــــــاده وراحت حياته تزف عالي امواجــــــه = وصواعق الهم بـــــــراقه ورعــــــــاده وصارت حياته جحيم وعاش بازعاجه=ولافاده الحب مع سوسن ولا غــــاده مثل الدجاجه يحوجل حول كوباجــه =خاب وخصر بالحياة ماحقق مــــراده وابمدح اللي بدين الله منهاجـــــــــه=نفسه لرب الملا لرضــــاه ســــــجاده وسنة نبي الولي وسامه وتاجـــه = واحلى ألأدب والمادي دوم له عـــــاده صميدعاً باللوازم يضحك حجاجـــــــه = نفسه بما ياجده للجود جـــــــــــــواده وصلو على اللي ينير الحق بسراجــــه = المصطفى خير مخــلوقه وعبــــــــاده

الشـــــــاعر طلاع الـــــــــزميلي الشـــــــــــــــــــــــــــــــــــــــــمري

قصيده عرضه وطنيه قلتها باحداحتـــــــفالات شمر
عسى تنال اعجابكم

دونــــــــــــها يركع أبــــــــليس اللـــــعينا !!! ..

	الزميلي يابدا بالمثـــــــــــــايل=بيت شعره يطرب السامعينا وياصفق بالقاف عدال مــــايل = شاشو الجمهور والاعبـــينا دارنا ماياصله كل عايــــــــــل = دونها صــطامة العــــــايلنا ويانتخينا لعين ضاف الجـدايل =ندحر الكفار والمشركيننا وياقبست ماعاد به قول قايل= دونها يركع أبليس اللـــــعينا وقول ربي فصل ماهو هـزايل=وكيده رويدا على الكــــايدينا ويابطش جبريل للأرض شايل =هول بطشه شيب الراضعينا والختام المسك باحلى المثايل =للنشاما ضيوفنا الحــاضرينا

الشاعر/ابوطلال الزميلي الشمري

:gfdcvh ::gfdcvh ::gfdcvh :
ياهالربع مساكم الله بالخير
ودي اختصر لله لايعيد هاكالعزيمه
عزمني واحد يقول عنهد امسيه شعريه

وإعتذرت وحلف وأصر غير أحضر
وجيته وقدمن وعرف بي وعند مابديت بالقصيد
قام ينتقدني ندقاٌ خاطي وعلناً اول مرة قلت جزاك الله خير
و الثانيه الثالثه الرابعه الخامسه
طولها وجتن الطنيه
قلت انت معزب فاشل ووجهن ودر
ولاتعرف حق الضيوف والأخوه
الرجال نوعين
رجل مثل النحل لايراء سوا الزهور الزاكيه ينزله عليها
ورجل كالذباب لايراء سو القذارت وينزل عليها
لكن لك هديه كلمتين
تخير بين القطعه والخسوه
وخذ هالبيتين ههههههههههه
عساها تعجبكم
ابن بليهد تولم لها

لله لايـــــــعيد هـــــــــــاكالــــــــــعزيمه !!! ..

	يصا حبي يوم تدعيني وتندبني = مقصدك تبي ياقليل الفود تنقدني ماني ترى عندكم طالب تحاسبني= عقلي وشعري به ألإله مسعدني يامعزب الزم حدودك لاتعاقبنــي= يخسا ويعقب مثل شرواك يالهدني يامعلم احفض علومك لاتعاتبــني= ساعد بها نفسك لالا تساعدني تعاملك مع ضيوفك مايناسبنــي= وبنقدك نقد صدقً قبل تنقدني انا اجتهاد بعون الله معجبنــي= وان شفتني غارقاً لاعاد تنجدني وانا على مافعله ربي يحاسبنـــي= وبنقد الخطا اجمدك قبل تجمدني وياربع حلم وترى هالحلم عذبني= حتي بنومي قليل الفود ينقدني

المشاغب اخوكم ابو طلال الزميلي الشمري

	ابي تلعلم القصيد بالبر هه عسى ولاعل تعجبكم الله على البر يامرزوق= بصحصاح دو الخلا الخالي في خايعاً مرتعاً للنوق= به جل الاذواد تجتالي تشوف الفحل به يسوقه سوق= يرد الأول على التالي والبل تقطف من الزملوق= وشوف الزهر يشرح البالي وتلقا الزبيدي مع الرقروق= وزهر الجهق يشرق الجالي وام سالم تلعب به الطاروق= تزعج به الصوت وتلالي وابغض مكان الوطا بالسوق= واغلى الوطا المسجد العالي عمر الفتي قصير وملحوق= لو حل وقام رحالي رحالي قال الرسول صلى لله عليه وسلم أبغض بقاع الأرض عند الله السوق لأنها مقر الشياطين واحب بقاع الأرض عند الله المسجد لانه مقر الملائكه

الشاعرالقدير خالي فهيد الزميلي الشمري


الشاعر طلاع الزميلي الشمري

هذه القصيده ارسله لي خالي عندما انتقلت من عندهم
من الجوف لمنطقة رفحا ء وضاق صدره وقال هذه القصيده

يقــــــــــول خـــــالــــــــي !!! ..

	ياراكب اللي لامشا يقطع القار = يلفي على ر فحاء معَ فجت النور يلفي على طلاع من قبل الافطار= عطه الكلام وقله يالقرم مشكور راع الكرم والمرجله راعي الكار= وراع الحميه ياهبا كل مثبور لايبعد شخصاً تقل وجه خمار= عن المراجل قاصر الشبر مدحور طلاع يامشكاي يانسل ألأحرار=دنيا الكدر صارت من أحدور بحدور ان كانها بتصريف علام ألأسرار = نصبر ولانشكي عنا الظيم والجور ون كانها بأفعال ماكر وغدار= نسقيه من سم الشراء سم محظور تمت وصلى الله على سيد الأخيار=ماغرد القمري على عالي السور

وهذا مردي على الخال الغالي الله يطولنا عمره على طاعته

	هلا هلا بالخال ماطايراً طار = عد النبات وعد ماشعشع النور يالخال يالجبار ياواف ألأشبار =يفضل رجل في عالم الكون مصطور رجل الوفا لاثار بالحق جبار = يحطم مبادي صاحب الظلم والزور موتاً حمر كالسيف قصاف ألأعمار = مضرابه كفه مايعالجه دكتور وفرخ النداوي لابرق الريش نثار= واليا ارتفع عنه الرخم تزبن الخور وشبل ألأسد في غابت الغرب زجار = اليا زجر عنه الثعل تركب القور وانا معه لاولع الجو بالنار =الي هبا ولد الردي خشت الثور سيفاً بيدك فوق هامات ألأشرار= تفصق بي العايل على مشت الزور وياولعت مابه سواليف واعذار= العن ابو من يقبل الظيم والزور واقر القصيده وعيد تكرار وامرار= وتأجد بشعري صافي الدر منثور وتمت وصلو عد ماطايراً طار= على النبي أعداد ماشعش النور

رساله علي لسان كل مسلم مؤمن

رســاله علي لسان كل مسلم مؤمن

	يأخوان ان راحت دمشق واخواننا السنه= ترى الخطر قادم وسو البلأ جاكم فرخ الخميني ونعجاته رقص جنه= يبي خليج العرب بحكمه يتولاكم يشيع نجوس العرب لمحارب السنه= لسبي نساكم ويبي يقتل ابناكم سود العمايم بشركه تبغي الجنه= وزيف البدع والظلال النار مثواكم تخمش بوجهك وتلطم ماله فنه= وتصيح وترقص طرب لاسالت دماكم وتنخا على والحسين وتطلب الجنه=ونسيت من كونك من طين وانشاكم وتطعن بدين الولي وتخالف السنه= وتكيد وكيدك من الإله منجاكم هذي رساله من اهل الدين والسنه= وفهم يقين الخبر والعلم لاجاكم

الشاعر/ طلاع الزميلي الشمري

من الرشيف الذكـــــــــــــريات
بليـــــــــــــــهد
ياقـــــــدم القــــــــــــدم ههههههههههههههههههههههه
عسى تنــــــــــــــال أعـــــــــــــــــــــــجابكم

مـــن ارشــيف الذكـــــــــــــريات!!!

	الله يا قـلــبــاً لـــفـــه الــــــود لـــــفـــأ = لـفـاً عـلــى المـطـلـوب حـلــو التـفـافـه وفي راس مرقب غـي ألأحبـاب شـــــــفـأ = وشف الدواء باشفـاه وشفـاه شـــــافـه وفـي مــوج بـحـر الـحـب زلــف وهــــــــفـأ = وبـعـمـاق ســـر الـقــوع زاد أكـتـشــــافـه وخـــفـــي خـفـيــنــأ خــافــيــاً وأتــخـــفــأ = ومن سيفي الوخافي وضوحه أخـــــــــافـه وساعة سكون وكشف صمت المخــــــــفأ = الـشـهـره والـعـبـه ولاخـشــأ الـمـخـــافـه ومـركـب غـرامـي سـايـر فيـنـي ولافـــــــأ = عبـر الفضـأ وكـل المحيطـات طــــــــــافـه وأرســأ عــلــم عـــــــزه بـعــيــطــا يـــرفـــأ = ونهر الوفا لي منـزلاً فـي ضـــــفافـه ويفهمـنـي الــلي لاعـطــا الـــراي كــــفــأ = ولـلــحب جــيـــر مـهـنـتــه واحـتـــــرافــه وشبلً شريفً عف حبه مصفأ = يـــمـــوت وســــــره مـــانـــوى بـاعـتــرافــه

لكم تقديري /ابوطـــ الزميلي ــــــــــلال

يقولون أعذب الشعر اكذبه
لـــــــــــــــــــعيون
رديني الغالي
الله يمسيه بالخير
وحييه من هذالصرح الشامخ باجمل العبارت الوديه
اتركم مع القصيده
عس تنال أعجابك وتضحكم وتوسع صدوركم ياحبايبنا

ان قامت الجن والكفار

	لعيون رديني نجي شعار= أبشر بالاشعار يارديني عند اللوازم نجي حضار= ونوفي راع الصاع صاعيني كان تبي شعري بضو النار=ولع لي النار ناريني يجيك قافي كما المسمار=يكوي خشوم المعاديني والله لو تطلب جبل سنجار= لاحطمه في براكيني وان قامت الجن والكفار= انا شهاب الشياطيني وكان تبي شعري ورود ازهار= نعطيك ورد البساتيني واعذب شعر كذبت الشعار= مسموحه بالشعر يارديني والحر يفهم على الاشار= من لافهم ضاع يارديني

ابو طلال الزميلي الشمري

	الشيخ فهد أحمد التمياط يقدم هديه / تكريم للشاعر ماجد مطرود الشمري اخواني وأخواتي هذا الرجل العظيم الشاعر والراوي وخطيبنا ماجد المطرود الشمري ابن عمي وانا خاله وهو خالي عاد حلوها ولافضله عليكم عجزني بحياتي جيته بالدين يطق لي بالأصبع&جيته بالحلم يطق لي بالأصبع جيته بالصبر ماني حوله&جيته بالكرم ماني حوله جيته بالشجاعه ماني حوله&جيته بالصدق ماني حوله قلت مالي الا الشعر غديني أغلبه لقيته ماعشي على مغداه وعرفت انني ماراح أغلبه مدى الحياه لقد هزمني هزيمه ساحقه بطيبه ماشاء الله لاقوتاً الأبالله الله لايضره فرجت كرب فرج الله كربك= في كل يوم وفي نهار القيامه وعلى الصراط نور لك الله دربك=في نور من نوره يبدد ظلامه والله يطيب مطعمك ثم شربك=بحلال يغني طيبه عن حرامه ويكفيك من شر الثالث تغدربك=وتجتازهن بأمن وأمان وسلامه ثلاث عليهن معلناً سو حربك= ومثلك يخضعن لهيبته وحترامه صميدعاً مهما يعيشاً بقربك=بفن الرجوله لك عليهن زعامه إي ولله أسمك أرفعه وفتخربك= ياأصدق رجل فعله يطابق كلامه وقلت إيضاً هذه القصيده ثنا على الله وشكر لماجد والرجال الطيبين شرواكم مادمت مع ربي المعبود= رباً علي واجبٍ شكره ومعي رجال الوفا والجود= وأحب وكره لهم مكره مثل ألأخو ماجد المطرود=رجلً علي واجباً ذكره والله ماخشا حسد محسود= مهمأ أختفأ وأتضح مكره كيد الحسد للنحر مردود=له ظربتاً بالحشا نكره والعبره قصه عليها شهود=شهدو قعود وطلع بكره ومهما اختفا حقي المجحود=كشف الحقايق يجي بكره ساعة لقا شاهد ومشهود=في نفخت الروح والسكره وهذه الختام والهزيمه الساحقه امام خالي وبناخيي بيد حيلي الله يجزاه جنت الفردوس عجزت عن ماجد المطرود= أتعبني في كره وفره بالطيب دائم على به زود= الله يفكه ولا يظره أطلب له الوالي المعبود= راع الحسد يكفيه شره وطراد ورا ماجد المطرود= وانا وماجد على الجره لله در ماجد المطرود= لو أغلبه بالعمر مره

	أرسلت لي أحد جاراتنا تتطب الفزعه مني عاد أنأ ضلعي ضعيف مع النواعم وقلت اكسب رضاهن بدلَ ماكسب عداوتهن ههههههههههههههههههه السالفه شاعر مجهول ينخى الرجال على تعدد الزوجات عاد أنأ ياخويكم صرت جبان بس لاتعلمو علي// أترك التعليق لكم الشاعر المجهول حييت ياراعي الثنتين = وراع الثلاثه نهليبه الله شرع الربعه بالدين = خلاق ألآرواح ندريبه واللي معه واحده مسكين = تقبل بعقله وتقفيبه كم ليلةً نام مامن شين = يمسي ويصبح على الخيبه ورجل تردا وهاب الدين = هذاك خابت مطاليبه وترى أم أعيالك لها حقين = حقن تعرفه وتدريبه لاسخنت جبلها ذا لحين = فقساً ادهن عراقيبه ولو هي تطيب وريحه زين = ريح البصل فاح من جيبه ونهودها حولً شبرين = والقرن واحد توميبه وياقبلت الله كحيل العين = اليا تبسم تقل ذيبه وترى المرة مثل قصرالطين= دايم ترمم مزاريبه رد أبوطلال الزميلي الشمري يامشجعً راعي الثنتين = وراع الثلاثه تهليبه أرفق على الحال ومش هوين= وقس البحر قبل تمشيبه وترى الطمع هو فساد الدين = لاتطب سوقه وتشريبه والوحده تكفي عن الثنتين =لاصرت بالحيل راضيبه وقلب الغلى مايحب اثنين=مهما تحايلت ماتجيبه ورجلً تورط وقع بالدين= تلقا ال***ش بعراقيبه وكان زوجتك عجزّت ياشين= حتى أنت مثله ترك شيبه ومن أول ريحه بخشمك زين=لو البصل فاح من جيبه واليوم يوم خلص البانزين= قعدت أتكثرعذاريبه واخافك يراعي الثنتين= صملً يلاعب كراعيبه عساها تعجبكم