الشاعر/ راشد سعد الحبابي عوال الشايب يفجرها بقصيدة مدوية قوية جدا..

الشاعر/ راشد سعد الحبابي عوال الشايب يفجرها بقصيدة مدوية قوية جدا..
تهز الدولة :-

المملكه شاكوش والفقر مسمار=والشعب كله صاير لوح مربوع
اليامتى ذا الحال ياحاكم الدار =شعبك مشتت فى بﻻده ومقموع
مافيه لو مر يجي منك مليار=لجناب تعطى وجه وابن الوطن كوع
حنا بدوله خيرها دوم مدرار=محجوب فيها الخير عنا وممنوع
ممنوع عنا بس مسموح للجار=في كل دار ايصب ينبوع ينبوع
ابﻻدنا تنضح بثروات لبار =لكن وضع من دونا سد ودروع
هذا هو التقصير واللوم والعار=كم للغضب في داخل القلب مزروع
اقلوب شعبك ياملك تشتعل نار =والصبر لامن زاد عن حده يلوع
ابطانتك يامال قصاف اﻷعمار =فيهاالحسد موجود والدين منزوع
تعطيك عكس الصدق وتزيف اعذار=تجحد عليك اهات ووجاع ودموع
ونته تعرف ان الوضع حيل منهار =قد شفت بعيونك وﻻ صار منفوع
افطن وﻻتنسى ترى الوقت دوار =ماهو يدوم الحال بيات موضوع
اسمع ندى شعب شكا سر وجهار=اليا متى والصوت ماهو بمسموع
ماعاد ينفع ليت بكره ليثار=اعدل قبل ماتبلش بشعب مقلوع
اتقول كنا في بلد سحر وقمار=الشرواجد ﻻكن الخير مقطوع
في دولة صارة على الشعب ميشار=حكومة في جوفها الحقد مطبوع
لوتاخذ من الدوله ريالين تغتار =وترجعه مدبول ماكمل سبوع
بﻻه وش باقي بعد مابعد صار =الى هنا يكفي معانات ووجوع
ﻻبد من وقفه وتغيير ونكار=اما تجي بالغصب وﻻ تجي طوع
والي يصير يصير ياحاكم الدار=وش اكبر من الظلم والفقر والجوع

راشد سعد الحبابي .

اخي هل تعتقد ان تلقى اذان صاغيه هذه القصيدة
نعم مدويه وموجعه لكل مواطن
ولاكن لاحياة لمن تنادي
صح لسان راشد ملياار
تحياتي لك

صدق الحبابي والخافي اعظم
سلم بنانك اخي القعقاع وصح لسان راشد الف
تقبل مروري

البطانه شماعه
مافعل الرااعي جايزا للمعزب

الله المستعان

صح لسان راشد الحبابي

وسلمت يدك اخي القعقاع

صح السان ومنطوق الشاعر الحبابي
صدق بطانه فاسده ونتنه ولن تدوم لهذه الطريقه الشعب جوعته حكومته ورايح يصير اشياء لاتحمد عقباها
تقديري جنابك

نقلك راااائع

ودي

صدق الحبابي نسمع بالاوامر وتغيب شمسها بالنهار على ماقيل ورقة الراعي كلتها غنمه
صح لسان الشاعر وسلمت يمينك اخوي القعقاع على هالنقل الجميل تسلم ياغالي
تقبل فائق احترامي وتقديري

ياسيدي التويجري بالمرصاد لكل من يفتح فمه او يتفوه بكلمة حق من صالح المواطن أو البلد
والدليل توقيف عضو مجلس الشورى العطيشان لله دره ودرعرووبته و وطنيته والله الرجل على الهواء مباشرة قالها صريحه وكشف اذناب التويجري
العطيشان قالها التويجري مهيمن همينه على كل القرارت وهو اللي يحل ويربط ويخيط المشكلة التويجري هو الحكومة مع الاسف الشديد و ثقة ابومتعب فيه وهو مو كفؤ لها
الدور صدقني جاي ع الحبابي وكل من يتفوه بكلمة حق ؟؟؟

حسبنا الله ونعم الوكيل على هالبطانة الفاسده
صح لسان الحبابي ملايين
كل الشكر لك اخوي القعقاع

نسأل الله صلاح الاحوال وحسن المآل

صح لسان القائل والناقل