15-09-2010 | #1 |
|
واحالي اللي من ثلاث سنين تنقص ماتزود
واحـالي اللي من ثلاث سنين تنقـص ماتزود=والفحص وعلاج الاطـباء والعـرب مافادها
تقـسـى لـيـالـي عـمـرنـا وعـزومـنـا تـرقى سنود=واهل الفخر لولا الـعزايـم ماتحوز امجادها وكل الشـدايد مع كـبـار الـعـزم تسـهـل ماتكود=ولولا الـعزايـم مايـفـيـد الـنـاس كـثـر اعـدادها ولاهـمني في ضيقتي هرج العواذل والحسود=ومن حـاز ناموس العرب لازم يذوق احقادها الغيث مايـآتـي قـبـل تـرجـف مـرازيـم الـرعـود=ومحـدن خـذى لـذة حـيـاتـه لـين ذاق انكادها ومن شح في وقـت الصبى لاشاب لايمكن يجـود=وفرخ الـنـداوي لا طـرد جول الحباري صادها والطيب كان انه ظهر صيته على وقت الجدود=ماشاع بأجداد الـعـرب يـظـهـر بـطـبـع احفادها ومافات من عـمـر الفـتى لو صاح لايمكن يعود=وحوض الـمـنـايـا يجدع الخدام جنب اسيادها ولاضاق صدري والسبب نقص الدراهم والنقود=والـمـال هـو عــز الـنـفـوس وذلـهـا وافـسـادها ان زاد مالي مارفعت النـفـس عن بعض الهنود=وان قل مالي مامـنـعـت الـنـفـس عـن مـيرادها بالـمـال سـتـرٍ لـلـفـتــى لاسـار بـه ضمن الحدود=كــم وارثٍ يـنــزل قــصــورٍ بـالـمــــلا مـاشــادهـا والفـقر يرمي صاحبه للـعـفـن والـهـيس الربود=ويودع حـثــالات العرب تركب كتوف اجوادها ولاعيب في رجـلٍ وقـع بحـبـال هافـين الـعـهـود=الـلـي الـيـا حـــان الـوفـى تـزبـن عـلـى ملـبـادها والكسب مايآتـي عـلـى كـثـر الكـتـايب والجـنود=ربي كـتـب غيب الـبـشـر بالـلـوح قبل ايجادها والخوف من سـهـم الـمـنايا ماحمى عمر الشرود=ولا ضاع عـمر الـلـي تـقــدم بـالـجـمـوع وقادها وجسمي ضـعـيـفٍ بالعرب ماني مثل عاد وثمود=الـلـي عـلى صــم الصخـر كانــت تطـق اوتـادها بس ان عـزمـي عـزم فـايـز يـوم يـفـزع بالعـمود=ضــد الـجـمـوع الـلـي تـقـادح للحــريـب زنـادها ولاني على الدنـيـا مثل حرص النصارى واليهود=لاشك ماتكـشـف صـواديـف الهـلاك ارصادها اشكي هـواجـيـسٍ تـزور الـفـكـر والعالـم رقـود=لا نـام خـلـق الـلـه تـجـيـني بالظــلام اذوادها تغلي ظـلام اللـيل عن بـعـض الـفزايع والشهود=دايم تـعاند عـيـشتي وان ضقت زاد عـنــادها واشـكـي طواعـين الغرام وجـرح هجـران العنود=الـلـي تـواعد ثـم تـخـلـف بـالـهــوى مـيـعــادها كم واحدٍ قـبـلـي شكى من رمح زيـنـات الخدود=اللي عطور الـمـسك والـريحــان ريح اجـسادها |
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله |
15-09-2010 | #4 |
الإدارة
|
الحمد لله على السلامة رأوينا القدير الشاعر فواز الغسلان عيدك مبارك يابو فهد صح السانك مدد بلا عدد على هالمعلقة يالعزوة تقديري لسمو شخصك الكريم ؛؛؛ |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
15-09-2010 | #5 |
|
تقـسـى لـيـالـي عـمـرنـا وعـزومـنـا تـرقى سنود=واهل الفخر لولا الـعزايـم ماتحوز امجادها وكل الشـدايد مع كـبـار الـعـزم تسـهـل ماتكود=ولولا الـعزايـم مايـفـيـد الـنـاس كـثـر اعـدادها الشاعر العزيز ابوفهد سلم بنانك وصح السانك الف تقديري لجنابك استاذي
|
|
15-09-2010 | #6 |
|
الراوي ابن غسلان صح لسانك مليوووون لاهنت
|
هـبت نسايم غيبتك وبداخلي مشهد أخير
00000سؤال مات من الظما يطرد سراب الاجوبه ؟ من قطع أوراق اللقـا وأخفا ملفات الضـمير 0000ومن هو مسح عهد الهوى قبل الحقيقه تكتبه ؟ |
15-09-2010 | #10 | |||||||||||||||||||||||
عــــميد الشــــعراء
|
الشاعر الكبير والراوي بن غسلان صح لسانك وسلمة يمينك على هذه القصيده الرائعه الذي اقل مايقال عنها انها معلقه الله لايهينك هذا الشعر ولاهو غريب على مثلك تقبل تحياتي لشخصك الكريم |
|||||||||||||||||||||||
|
مواقع النشر (المفضلة) |
الكلمات الدلالية (Tags) |
ماتزود, اللي, ثلاث, تنقص, سنين, واحالي |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام