على عمري اللي راح ياكبر عبرتي

على عـمـري اللـي راح يـاكـبر عـبرتي=من الـعـام عـيني مايـغــمض نـظــيـرها
لو الـدمع يحيي يافـهد هالك العرب =تسيل المدامع لين ينـشف غديرها
ولكنها عـبرات حزن(ن) تضايقت=بروح(ن) تـبـاريـهـا الهـمـوم وتديـرها
اذا هـلت الـعـبـره من الـعــيـن بـردت=لـواهـيـب نـيــران الـقـلوب وسـعـيرها
لأن الـقـــدر مايـمـهــل الـنــاس سـاعـه=واذا حــل بالـعــربــان مايـسـتـشـيـرها
أيا جرح قلبي يافهد كان مال بك=زمانك وسيف القوم فارق جـفيرها
وناديت خـلان الـرخى ساعة القسى =وراجيت روس الـقوم تعلن نفيرها
وكثرت وعـايدهـم وضاعت عـهودهم=وهابـت سباع القوم سطوة ****ها
الا ليت راسي يافهد وقـت ضيقتك=قريبٍ يـشـم من النسايم عبيرها
لك الله يلو ذقت الجفى قبل ترتحل =حياتي وسيف الموت يـقـطع مسيرها
كفيتك غثى الدنـيـا الدنيه وقـسـوته =ورجوى صغير الـقـوم والا كـبيرها
وعـن وقـفـتـك في باب رجـلٍ طـبايعه=كـمـا طيرةٍ بالليل تسمع صفيرها
وأيا خوف قلبي تطـعـنك حـربة الزمن=مع اللي تـخـلـي بالـقـوايل كسـيرها
وانا تحـت خـمـس اشبار بالحـفرة التي =بها الروح تدري وش نهاية مصيرها
اخاف الخطايا وادفع الخوف بالرجى=رجى اللي ضمن للخلق عيشة فقيرها
يزود الرجى لاصار في خالق الـملا =ورجوى كـفـوفٍ بالـمـلا فاض خــيرها
أنـا فـي جـواره وانت في جـيـرة الـذي =يحـدك عـلـى شـمـس القيوظ وهجيرها
فـيـاطـيـب جـيرتـنـا ويـاشـيـن جـيـرتك=مثل فـرق مكـفـوف العـيـون وبصيرها
لنا في جـبـل حـايل بالامجـاد رايه=مع اللي تصون اهل الحقوق وتجيرها
جبالٍ غـدت بكـفوف ربعي هل الندى=فـيـاضٍ تذوق من السحـايـب غزيرها
ولا داجــها يـاكـود ضـيــفٍ وزايـر=يـبـي مـن مرابـيــع النـشـامى عـطــيــرها
وبالغصب محدن هان جاله من العدى=ولا داس بالـرجـلـين طـاهـر حصــيرها
ولنا يـافهد عـن ظـلم الاجواد مـخـرج=وعن كـسب عـنـز الـقـوم والا بعيرها
وترى الظلم يقـطـع يافـهـد دابر العرب=ويـمـنـع عـن خـيــار الـمـنـايــح دريرها
وفساد الوغـد كثر الـفـزايـع مـع الوغد=وترى الـعـوق نـقـرات الحـريـم ونقيرها
خذيـنـا الندى بالبذل في ساعة القسى =وفي نـصـرة اللـي غـاب عـنـها نـصـيرها
وطبع يسوق الروح عن مجلس الردى=وعـزم يدوس من الشدايـد عـسـيرها
ونـفـسٍ صـبـورٍ مع رفـيقٍ وطـى الخطا=ولا كل قول(ن) بـالرخى يـسـتـثــيـرها
اذا قال قايـلـنا عطى الصدق والنقى=ولا هاب حـضرة شيخـها مع وزيرها
وعند العـهد نـصدق ونوفـي هل العهد=اذا بـار بـعــهــود الـخــلايـق حـقــيـرها
وللجـار جـيـرتـنــا تـنــومـس وجـيـهـنـا =وجـاراتـنـا مـحـدن دنـى مـن سـريرها
والاكـوان واجـهـنـا الـقـبايل وسطوته=وذقـنـا جـحـيـم الـحـرب مـع زمـهريرها
وفــي حـربـنــا كل الـمـخـالـيـق تجـتـمـع=يجـيـبــون وارد بـدوهـا مـع صــديـرها
تجـي من وراء البصرة اليانقرة الحـساء=ونــاكــل حلاوتـها ونـشـرب عـصـيـرها
وسيف القـبـيله ماتواجـه هـل الجـــبل=لأن الـشـغــايـا مـاتـعـــادل مـحـيـرها
لكـن جراد الـصـيـف لاطـار واجـتـمع=على الداب يـتـعب قـبل يـفـني كـثيرها
ورغـم اجـتـمـاع القـوم نـطحن نوادره=ونـكــرم حـرايـرهـا ونـاخــــذ حـريـرها
فـلا للـعـدى عـن حـفـرة الموت مهرب=ولا ثكــنــةٍ بـالـلـيـــل يـسـهـر خـفــيرها
وبالـشـرع والـتـوحـيد من بعـثـة النبي=والاصـنــام ماســافـر لحـايـل خـبــيرها
من ايـام حـاتـم عـقـب قـيس بن شمر=وثـورة فـرزدقــهـا وصــولـة جـريــرها
ولا فـيــه قـبــرٍ تـرجــي الـنـــاس نـفـعـه=ولا حــرمـةٍ بالـلـيــل تسـمــع جـعــيـرها
مـنـايـر مـسـاجـدهـا كما الظـلع لا زمى=وفـيها دروس الـذكـر تسـمـع هـديـرها
واذا في يـمـامـة نـجـد قـبرٍ يطـاف بـه=يـزوره هـبـيــل الـقـــوم والا غــريـرها
عـلام الـصـنــم فـي نـجد والكفر عندنا=وش اللي يكـفـرهـا لاجـل فـعـل غيرها
وتـاريـخ بـن سـلـوم يـمـدح عـقـيــدتـه=وتاريخ بـن راسي رسـم خــط سـيـرها
وقول اليزيدي في جــوابــه وابن سنـد=يشوفـه عـمــى كـل الـبـلاد وضـريـرها
وماقـالـه بـن سـحـيـم فـي حالة العرب=وعن سـربـةٍ ثـارت وحـاست مـريـرها
وقـول الـيـزيـدي يـنـهي الهرج واللغط=ويـفــرق حـصـيـلة قـمـحها عن شعيرها
ولا هـمنا من ضاق صدره وذمنا=من الـلـي يـهـذري بـالمجـالـس سفـيـرها
ولا اقول حـنـا خـير من جـملة البـشر=والامداح بكـبــار الـعـرب مـع صـغيرها
ولـكـنـنـا حــزنــا مـن الـــمـجــد نـقــوتــه=مع اللي تدوس من الـشـدايـد خطيرها
وهــذي تـواريــخ الاجــــاويــد شـــاهـد=رجالٍ تخـاف الله وتدرى ضـمـيـرها
ولا هـرجة الـلـي كـنـهـا وسط ملـعـب =يـدافـــع مـهـاجـــمـهـا ويـهـجــم ظـهـيــرها

الله الله الله
ماجمل هذه الرائعه اخو ابو فهد قصيده تفوق الخيال عزالله انك ماقصرت الله يطول عمرك على الطاعه تحياتي لك ايها الشاعر الفذ والراوي النقي التقي الله لايهينك اخوي الغالي

الله الله على الألفاظ العذبة المنتقاة...


ابو سمي صح لسانك بلا نهايه...


تحياتي...

وهذي تواريخ الاجاويد شاهد

رجالٍ تخاف الله وتدرى ضميرها

ولا هرجة اللي كنها وسط ملعب

يدافع مهاجمها ويهجم ظهيرها

الشاعر والراوي / القدير فواز الغسلان
صح لساااااانك
مليون واكثر
على هالقصيده الشاااااااامخه من شامخات الشعر الشعبي
بكل مانحمله في طياتها
تقبل اعجاااابي
اخوك / متعب الشمري

الراوي العزيز الشاعر فواز الغسلان

صح السانك

الشاعر العزيز فوان بن غسلان

صح السانك

صح السانك

يابو فهد


تقبل مروري

الشاعر الكبير والقدير فواز الغسلان

أبو فهد

الف الحمد لله على سلامة عودتك لنا يالعزوة
صح السانك مدد بلا عدد على هالشامخه

تقدير لسمو شخصك الكريم ؛؛؛

ابن غسلان

شاعر غني التعريف صح لسانك كما ينبغي

لله درك على ماسطرت لنا بهذه الشامخه

تحياتي لك

ابن غسلان

لله درك على ماسطرته لنا بهذه الشامخه يابعدي

تحياتي لك

صح لسانك

تسلم على القصيده

الله يعطيك العافيه اخوي