صدري وسيع ...!

هذا القصيده كتبتها في مسابقه شعريه
وبفضل من الله دخلت القصيده قائمه العشر قصائد الاولى المرشحه للجائزه
لكن لم يحالفنا الحظ في مركز متقدم
اتمنى ان تنال اعجابكم



يقولون العرب صدر الشمالي مايضيق بساع
................................. وانا اقول الصدور اليوم ماعادت شماليّه

ماضن احد جهل هالبيت هذا لمصــدر الابداع
................................. هذاك اللي اليامنه كوى ينجض لك الكيّه

ابو موسى وهو سبعن تسلسل من ظهور سباع
................................. نَعَم !! بالشعر وبغيره قليل بهالزمن زيّه

اجاري بيتك وقلبـي حزيـن وضــايق وملتـاع
................................. سبب فعل الحقير اللي بدا يظهر خوافيّه

يدس السم بغيابي ويلبس في لقـاي قنـــــاع
................................. منافق كــاذب وبانت بما يخفي مبـاديّه

لوني عارفه مبطـي ماظن لهالقصـيـده داع
................................. لكان انهيته بسرعه ولا كبرت هقــاويّه

انا مأثر علي مثلــه ولا هـمـن ردي اطبـاع
.................................ولكن كيف سواها الهديفه لعنبـــو حــيّه

وانا باقي كذا شامخ ولي مثل الصبح مطلاع
.................................اخفـّي ليله المظلـم وطفـي نجمه وضيّه

صحيح نضيق لا كنّا حقيقه بالصدور وساع
.................................وكل ضيقه تدوم الا مع صدورن شماليّه

وانا صدري وسيع ولا بعد قسته بعرض القاع
.................................ولاهمن هذاك الخبل وعلومه وطــاريّه

لو اني بنزل لنفسه بجيب من الكلام انــــواع
.................................لكنّي برتفع وارسـل سؤالي لزمـن ذيّه

علامك يازمــن ليه انت بالصـادق قليّل باع
.................................وليش الكذب راعيّه يعيش ويخلف النيّه

لمن لايعرف الداهيه ابو موسى // هو الشاعر خلف المشعان
وسلامتكم

الشاعر القدير / متعب الشمري
صح لسانك ملايين لاهنت يابعدي
وألف نعم بك وبالشاعر/ خلف المشعان
لك أطيب تحياتي وفائق إحترامي،،،

الشاعر القدير متعب الشمري
صح السانك الف

تقدير لسمو شخصك الكريم ؛؛؛

متعب الشمري

شاعر مبدع وجزل صح لسانك وطاب فالك نص يستحق الأشاده والأحترام
تسلم على جمال المفرده وسمو المعنى سلم فكرك ايها الشاعر الرائع حقاً

تقبل تحياتي

متعب الشمري

صح السانك


تحياتي

الشاعر الجزل متعب الشمري

صح السانك يالنشمي

قصيدة ذات معنى جميل

تقديري يالغالي،،،

قصيده جزله
صح لسانك
وبيض الله وجهك

الاخ الشاعر متعب الشمري صح لسانك وسلم بنانك قصيده اكثر من رائعه ونعم بك وبالشاعر خلف المشعان كلكم مبدعين

صح السانك


تحياتي لك

اقتباس المشاركة الأصلية كتبت بواسطة ابو كادي الشاعر القدير / متعب الشمري صح لسانك ملايين لاهنت يابعدي وألف نعم بك وبالشاعر/ خلف المشعان لك أطيب تحياتي وفائق إحترامي،،،

ابو كادي
صح بدنك
ولاعليك زود طال عمرك
لاهنت على مرورك وتشريفك
تحياااتي لك