بوحي وبوح القلب والحرف والروح.

سألت عنه وقالوا العهد قبل امس=مشى وخلا لك معانا رساله
بكى من احزانه الين انعمس عمس=وشرح بها اللي في غيابك جراله

بقلم

بدر المذود

مابه جديد اشواقنا زي ماهي=زحمة مشاعر تنطر الوصل ضَميَا
قوتي من التفكير مويه وشاهي=وعيون عن كل المخاليق عَميَا

بقلم

بــدر المذود

الله ما اجمل عينها يارخت الرمش=وما اقسى الغرام وطيحت الدمع منها
من الخجل كن الحواجب تقول امش=وانا حنون وشلت الاحراج عنها

بقلم

بـــــدر المذود

بغيابك اهديت الأمل صرخة الياس=واهديت لغبار الزمن ذكرياتي
ماباقي الا بعدك شوية احساس=جاريله اكبر فلتره من حياتي

بقلم

بــدر المذود

بـعـض الجـروح الى خـذت وقت تبرى
ــــــــــــــ وبـعـض الجـروح يـعيدها كـل طاري


يبقى صحيب الجرح في جرحه ادرى
ــــــــــــــ لــو شــافـتــه بعض المخـاليـق باري


.
.
بدر المذود

البارق اللي لاح في ظلمة الليل
ــــــــــــــ غـيـمـه ثـقيــل وراكــداتٍ مزونه


خِـلْـتــه وأنـا مالي بـداره منازيل
ــــــــــــــ أكبـر مـسـافـات المعـانـات دونه
.
.
بدر المذود

ترى الفـراق اللي يـسمونـه فراق
................... لا ودعـوا وسط المقـابـر بعضهم


وألا فـراق الحب لحظـة وينطاق
................... وأن فـارقوا لابـد تـلقى عوضهم




بدر المذود

الـروح ضاعت بين ذكراك والليل
............. بيـن الحـنـين وبيـن طيـفٍ يموني


بين الغـيـاب وبين شح المواصيل
............ تعـال طالع قـسـوتـك فـي عيوني




بــدر المذود

لي موطنٍ مابين حاجب وحاجب
..................... بين الـرمـوش وبين نـجلٍ ذوابيح


هــذا يــلاطـفـنـي وهــذا يعاتب
..................... وانــا اتـعثّـر بين الاثـنيـن واطيح




بــدر المذود

راودني الهجـر بغـيـابــه على الفرقى

...................... مـازلـت ارده ويـرجـع يطرق ابوابي



أنزل من ابراج شوقي وابتدي وارقى

....................... لـليـوم الاشـواق تـنـزل بـي وترقابي





بـــدر المذود