مل قلب ٍ ... قصيدة والدي رحمه الله تعالى

قصيدة والدي / سعود محمد العيد ... جوفان .. رحمه الله تعالى

مل قلب ٍ هيضه نـوح الحمـام= ول يا قلب الخطاء دايم حزيـن
ساهر ٍ بالليل مـا عينـي تنـام=ساهر ٍ يـوم الخلايـق نايميـن
لي ثلاث أيام مـا أذوق الطعـام=عيشتي بس التنهـت والونيـن
نش حالي مابقي كـود العظـام=والجروح الخافيـة تـوه تبيـن
آه أنا اللي هيضن شوف الغرام=يوم شفت الترف والخد الحسين
السلام يا صاحبـي رد السـلام=لاتفطـن للحيـاء والمستحيـن
لاتغلـى ياعشيـري بالـكـلام=ياصخيف الروح يا صاف الجبين
ياعيون اللـي ترتـع بالوسـام=مرتعه بأرض المطامي والبطين
والخدود ملامعه بـرق الظـلام=والنهود إصغار ما رضعه جنين
توها غـرو ٍ غريـر ٍ بالغـرام=مثل غصن الموز لاغطرف يلين
طاغية بالزيـن مثلـه مايـلام=والردايف كنهن شـط السميـن
عمرها عشر ٍ وخمس ٍ بالتمـام=منوة ِ راع الهوى تـوه تزيـن

رحم الله والدك واسكنه فسيح جناته

سلمت على نقلها لنا شاعرنا حمد العيد

تسلم ولاتهون والف شكر على اطلاعنا عليها

دمت بخير وعسى ابوك في جنة الخلد

الله يرحمه ويسكنه فسيح جنآنه ..

قصيده جميله .. تسلم يدك .

رحم الله والدك واسكنه فسيح جناته
تسلم اياديك اخي الشاعر حمد العيد
تحياتي لك

رحم الله والدك ووالدينا وجميع أموات المسلمين
شاعرنا القدير حمد العيد
تسلم اياديك على نقلها لنا استاذي
.. .. ..



خالص التحايا لسمو شخصك النبيل

رحم الله الرائع العلم المتواضع الشهم (جوفان)
كل حائل بكت فراقه
قصيدة رائعة كيف وهي من احد اعمدة الشعر الحائلي
سلم كلك يابو سعود

الله يرحمه

وتسلم ع نقلك للقصيده

كل الشكر

سررت بتواجدكم الغالي اخواني واخواتي الافاضل

ورحم الله والدينا جميعا واموت المسلمين

حفظكم الله وكل الشكر والتقدير لمروركم الغالي

مودتي

رحم الله والدك وأسكنه فسيح جناته وجميع أموات المسلمين.
الشاعر / حمد العيد
تسلم الله يسعدك نقل جميل جداً جداً.
تقبل فائق أطيب التحايا والتقدير،،،