ماحصلي البارح

أسعد الله واوقاتكم بكل خير
البارح طلعت من الشغل تعبان شوي
المهم
شغلت المكيف اللي بغرفة النوم (سبلت يونت) الزامل الله يقلعه
ولعت اللنبة الحمراء العاتمة خاصة بالنوم (جايكم بالتفصيل)
ويوم أخذتلي حول ساعتين بعد ماطلعت من الشغل
وانا انجحر تحت البطانية (اي المضرب)
ويوم اني تكرفست تحت البطانية (الغرفة باردة)
وانا اللي أخم المخدة كالعادة
وانا انام ويوم اني نمت وانا اللي احلم اكالحلم اللي لاراح حلم ولا جاء حلم
وكنت احلم من اول اني احلم هالحلم
المهم اني سرحت بهالحلم اللي على كيفك
في بداية المشوار بالحلم
شوي الا تقول سطل ماء أنكب على راسي
من المكيف الله يقلع من صنعه
شكل المجرى الخاص بي تصريف الماء مسكروبعدين تراكم الماءثم انصب من الداخل
وان اللي ارفش رفشتن مع خرعتن ماهنا كبرى
الا المخدة والبطانية كله ماء
حقيقة انه ارتفع ضغطي شوي وانتفخت وبربخت ولكني لم اتدلقم الحمدلله
وسلامتن تسلمكم
قصة حقيقية