لا يحسب إن المال فـي الدنيـا غنـاه

من هاجس(ن) مطنوخ يبدع ما اشتهاه=دايم على بدع الشعـر فيـه عجلـه !!
يكتب و ينقش ما كتـب صـم الصفـاه=و " علامة الجودة " عليـه مسجلـه !!
شاعر لا هب الشعـر يلفحنـي هـواه=استنشق حروفه و فكري طاب إلـه !!
إن ما كتبـت اللـي ينومسنـي نبـاه=والأ تركت الشعر مانـي مـن هلـه !!
شعّارنـا واجـد .. ولا فيهـم سـواه=أحد(ن) درينا عنه , و أحد(ن) نجهله !!
والشاعر الطيّـب فـلا يبغـى وصـاه=يارد على هـداج و يسـوق جملـه !!
و الشاعر اللي في خـلاه وفـي عمـاه=يشعـب ذلولـه , والذلـول معقلـه !!
أخير له يسكـت و يبـرك فـي خـلاه=لا صار شعر(ن) قايلـه مـا جمّلـه !!
و الشعر في هالوقت جـاه اللـي كفـاه=الله يزيّنهـا .. ويـرفـع منـزلـه !!
تسمّعوا مـن شاعـر(ن) ربـي عطـاه=ليـا نشـف للشعـر ريـق يـبلله !!
الطيب بيّن .. مير مـن يلحـق مـداه=ما كل رجل(ن) شاف دربـه يدهلـه !!
الـلاش يقصـر دون دربـه لا نصـاه=والكفوو يسعى لـه و دربـه كمّلـه !!
يحرص على العليـا و لا يرجـع وراه=تنـدى يمينـه و الفعـول مهوّلـه !!
" والنعم " كايد ما يجي لـك لـو تبـاه=يا كود رجـل ٍ مـا يبـا الأ الأوّلـه !!
ورجل(ن) ليـا جيتـه و لقّالـك قفـاه=لا رحِم جده وش تبـا بـه كنسلـه !!
عليـك باللـي كـان كـادت بالسـواه=ليـا نخيتـه .. كـل مايـل عدلـه !!
يقضـي لزومـك مـا توّنـا لا قضـاه=ياقـف معـك والصعـب دونـك ذلله !!
من لا يشيل الحمل فـي وقـت الرخـاه=في الكايـده والله ليبطـي ماحملـه !!
وحق الخوي يخطي وندمح لـه خطـاه=ناصل معه بالطيـب لا مـا نهملـه !!
ليا وفا لي فـالوفـاء لـه مـن وفـاه=وليـا نسانـي جعـل ربـي يـحلله !!
ما نطـرد المقفـي ولا نتبـع رضـاه=من صد عنّّـا فـالـدروب مسّهلـه !!
واللي يحسب المال هو سـاس الحيـاه=قله تـرى ماهـوب كـل المسألـه !!
لا يحسب إن المال فـي الدنيـا غنـاه=المـال مـا يغنـي فقيـر المرجلـه !!
وصلى الله وسلم عـدد مـا هـل مـاه=واللـي تبّقـى فـالأبيـات المقبلـه !!

راق لي

وانا بعد راق لي
صح الله اللسان من قاله
ومشكوره اختي الشيخه
على نقلك الرائع دائماً
تحياتي الاخوية

اقتباس المشاركة الأصلية كتبت بواسطة نافل الغانمي وانا بعد راق لي صح الله اللسان من قاله ومشكوره اختي الشيخه على نقلك الرائع دائماً تحياتي الاخوية

هلا بك اخوي نافل نورت متصفحي

لاعدمناك ..

رائع ماراق لك اختي الكريمه

الشيخه

تسلمين على النقل الجميل والراقي

اقتباس المشاركة الأصلية كتبت بواسطة صفق الهواء رائع ماراق لك اختي الكريمه الشيخه تسلمين على النقل الجميل والراقي

الله يسلمك وياهلا بك اخوي صفق الهواء نورت متصفحي

لاعدمناك ..

[/center]

صح لسان شاعرها
وتسلم يمينك على هالنقل الرائع
لك أجمل تحياتي وتقديري

اقتباس المشاركة الأصلية كتبت بواسطة ابو كادي صح لسان شاعرها وتسلم يمينك على هالنقل الرائع لك أجمل تحياتي وتقديري

ويمناك أخوي ..,

ياهلا بك نورت متصفحي

لاعدمناك ..,

مالي بالقصيد ( لكن الزين يفرض نفسه) صح لسان الشاعر
يعطيك العافيه يالشيخه

اقتباس المشاركة الأصلية كتبت بواسطة عقيل سعود مالي بالقصيد ( لكن الزين يفرض نفسه) صح لسان الشاعر يعطيك العافيه يالشيخه

الله يعافيك أخوي .,

ياهلا بك نورت متصفحي

لاعدمناك ..,

نقل رائع
يعطيك ربي الف عافيه يابنت الرجال

لكـ تقديري