ديوان / الشاعر محمد سوعان الربيع

ســراب القـيـظ

سراب القيظ

	ورى ســراب الـقـيـظ مانـيـب لـهّـاث = ويكـفـيني مــن الـوقـت خيـــره وشـــّره ياكـثـر ما مـر بحـيـاتي ,مــن احــداث = نــوبً تـجـي حـلــوّه ,,ونــوبـات مُِــرّه بحـثـت انا وابطـيت في كـتب الابحاث = ولقـيت انـا بالـوقـت ضـــيـق ومـســـرّه بـه ناس لـوحطـوّه فـ بطـون الاجـداث = لـومــات... يبـقى حــي ,,,,,,,, لله دره الموت:موت احساس والعـز،،،ميراث = ولا كـل حـيً تـنـوجــد,,,,,,, بــه مـبـره بعـض الاوادم بيـن الاصحاب ،،،بـثاث = دسـايس الفـتـنـه،،،،، بـحقـــده وشـره خـيبة رجـا مـن جـاه ينخى،،،ويغــتاث = ما بــه فــرج لـو كان ,عــالـي مـقـرره بعض الاســامي والمناصـب,,, كالاثـاث = أزوال لـكــن دون,,,, نـفــع ومضـره بنفـوســهم شـــــيخ الشـياطـيـن نـفـاث = وكــم واحــد مفـتــون وابليـس غـــرّه ورى ســراب الـقـيـظ مــانـيـب لـهّـاث = ولقـيت انـا بالـوقـت ضــيـق ومـســرّه

بقلمي/
محمد بن سوعان الربيّع

(( التسـامح مــع هــل الفتنــه عقيــم ))

ومــن القــديــم المتجــدد اليكم يا احباب رسول الله المصطفى الامين والذي اهو احب الينا من انفسنا وابنائنا وكل ماهو غالي

وحول ما يتـعرض له حبيبنا المصطفى الامين كتبت تلك الابيات تعبيراً عن مايكنه قلبي وقلب كل مسلم غيور على دينه ورسوله صلى الله عليه وسلم من أساءات شرسه من بعض الغوغائيين اعـداء الاســلام.

التسامح مع هل الفتنه عقيم

	يـــا الـــه الـكــون يـــا ربً كــــريـــــم = جـــل شـــأنـك يـامــغـيــــث المبــــتـــلا يــامــعـــز ويـــا ومـــذل ويـــا حـــلـيـــم = يــا مــجـيـــب بـــكل خــطـــبً يُســألا يـا عـطوفً بالضعــوف ويا ويارحـيــم = يـا كــفـيـــل ايتـــامـــهــا. والـــرمّـــــلا بــــاديً بـاســــمـاك يــاربً حـــكــيـــــم = ومـــن يســــيـلك خـاشــــعً مايُــخــذلا عــذت بـك مــن كــل شــيطــانً رجـيــم = واسألك مــن قـــلب بالغيـــض امتـــلا غيـــرةً مـنـي عــلى الـديــن القـويــــــم = ديــنـنـا اللــي بـالـقـُلـــوب امــبـجـــلا وذي غـــريــزة كـــل مســـلـم من قـديــم = ولا اعـتـقــد بـه واحــدً عـنـهــا سـلا نــرفـض ابـــردً /عـلى الـبـاغــي ســـليـم ‏‎ = ألـــف كــلا والــف كــــلا والــف لا انُـتــقـــم ياللـــه منهـــــــم يـــا عـلــيــم ‏‎ = ســــومــهم سـوء الــعــذاب المنــزلا فــــزعـــةً للــي عـلـــى خـلـــقً عـظــيــم = الـرســــول المصطـفــى خــيـر المـلا له مــكانـه عـنـــدنـا اكــثــر مــن حميــــم = ولا احــدً يـضــاهــيه فـي ود وغــلا تــــفـتــديــه ارواح فـــي حــبـه تـهـــيـــم = مــرحــبا بالـمـوت دونـــه ثــم هــــلا هــــو مــعلــمــنــا المـعظـــم والزعــيــم = والأمــيــــن الـصــــادق اللــي لـه ولا اعتــرض لـه كــل حـاقُــد مــع غــشــيـم ‏‎ = وصــوّروه ابــزي والله مـخــجـــــلا ومـن يشــوه صـورة الهــادي ,,زنيـــم = مـــجــرم ومــــوتــور وحــــقً يقــتــلا والـتـصــدي واجـب لـهــاك الـلــئـيـم ‏ = فـــرض عــيــن ولازمً مـــا يمـهــــــلا مشــكـلــه يـبـغى لـهــــا حــلً حســـــيـم = وان ســـــكـتـنـا كـــل يــــومً تـفعــــــلا والتســـامح مع هــل الــفـتـنــه عـقـــيــم = زادهـــم طغيــــــان واحقــاد ،وبــــــلا يضمـرون الشـر والضـــر، الــجســـيـم ‏‎ = والنــوايـــا بــُالـضغـايــن.،،حُــمّـــــــلا كــالافـــاعي مــالــهـــا,,ودً ,,,يــــديــــم = ســــمهــا بــانــيـــآبهـــا لــــو. تـقتـــلا شـــنـوا الحـمـلات فـي صبــح وعـتــيــم = دون وازع مـــــن ضــميــر امـقـفــلا ومــن مـزيـــد الـطـق يــفـتـــك اللـحـيــم = الــهــدف مـكــشـوف لايـســـتـســـهــلا يا الـــه الكـــون يالـفـــرد ,,,,,الحــكــيــم = عــزنــا بـالـديــن وارفـــــع كــل بــــلا

محمد بن سوعان الربيّع

( بعد صنعا عن طريف )

بعد صنعا عن طريف

	ياحيف يابعض،،الرجـاجـيل ياحـيـف = يا الاســف مبلي بجـين ،، الـرجـولـه عـنـه المراجل بعد صنعا عن طريف = وسـلم العـرب لو مات ماهـوب حـولـه رجـولـته خــدعـه وبـدعـه وتـزييف = ولا ينفرق عـن زول بـشـرى وخـولـه لاحاشمً جاره ،،،،،،ولامكـرمً ضـيف = وعلى النقايص،،،،دوم نفـسه عجوله لا شيمةً ، تذكـر،،،ولا يرفع الحـيف = ونفسه من اللي فيه،،،ماهي خجـولـه كـذاب ومنافق ورافـق ،،،،،ملاقيـف = ودايم عـلى النمات يشعـب،،،،ذلـولـه عـلى الحسد كل يوم خـيلـه مـراديف = وله في مجال الكذب صولـه وجـولـه تعجز عن اوصافه جمـيع التواصيف = خاسـي ولايسوّى ،،، مواطي نعـولـه كل شـي واضح دون شـرحً وتعريف = فـرق الرخـامه عـن محـيـط البطـولـه ويا ليـت دنيـانـا تجـينـا عـلى الكـيف = كان الفـتى يخـتـار وزنــه,, وطـولــه ياحيف يابعض،،الرجـاجـيل ياحـيـف = سـلم العـرب : لو مات ماهـوب حـوله

محمد بن سوعان الربيّع

(( خـليفـة لابـة العــزام ))

اهــداء الى الاخ الـوافي والـوفي
محمد بن مبارك الظـلام الشـراري ابو سلطان .... مع التحيه ووافر التقدير

خليفة لابة العزام

	ســلام الله وترحـيبً كتـبـته فــي ،حـبـر واقـلام = عـلى خـد الـورق صغته شعورً ترجـمه قافـي اخـص الصاحب الـوافي اخـص محـمد الظــلام = كريــم النفس والمــبدأ رفيع الذات و.اســنافي حـمـيـد الســيـره محـمد سـلايل لابـــةً العــزام = ابو ســـلطــان لـه عـلمً فـريـــد وبـالمـلا.نـافي زبـون اللي تحــدته الظــروف ولــوعـة الايـام = يجــود بكــل مـاتمـلك يمـين الطـيَب،،،الـوافي كـما الهـداج ًفي تـيـما غـزيــر وتـارده اقــوام = يزيـل اضـماه من يارد عـلى ينبوعــه الصافي نسٌـل قـومً لهــم علــم. ايترخ والعـلوم إعــلام = لهـم صـيت كـمــا نـور ًيشــع من القـمر ظافي نســل حلابـــة الناقــه شـرارات الفـخـر واكرام = شـراراتً يعــزون القصــير بفعـلً ,,,,ايشـافي اقـولــه وأفـخـر بمــدحً يخـص الطـيّب المقـدام = واجـاري مـن مـدح قبـلي.بــودً ترجـمـه قـافي

بقلمي
محمد بن سـوعان الربيَع

اجـمـع شــتاتي

اجمع شتاتي

	اجـمـع شــتاتي طلـبـتـك,,,,, لا تبـعثـرني = والنفـس مـن غـيبتـك يـا زيـن مـلـتـاعـه ارجـع حـبـيـبي طلبـتـك ,,,,,لا تحـيّـرني = والشــك حـنا نـويـنا نـطـوي ,,,,,شـراعـه والغـيره اللي بـدون اسـباب ,,,تـقهــرني = مافـيه شـكً تمـيـت الشـوق ,,,بانـواعـــه وانـت الـذي تمـلك افــوادي,,, وآســرني = ومن بـد غيرك عطاك السمع,,, والطاعـه ان غـبت سـاعـه تـرا بعـدك ,,,,,يكـدرني = تعـال عـالـج خـفـوقً زادت ,,,, اوجـاعـه تكـفــا طلـبـتـك حـبـيـبـي,,,,,,لا تعـذرني = يا غـايـة الـروح والخافـق ,,,,,ومـرباعـه وان كـنت ناــوي تـفـارق ,,,,لا تخـبــرّني = نـفـذ قـصـاصـك بنفـسً فـيـك,,, طمّـاعـه روحي بحكمك رهـيـنه,,,,,,,,,,,لاتخيّرني = يا اقرب قريبً بشون القـلب ,,,ووضاعـه

بقلمي /
محمد بن سوعان الربيّع

بـيعــة وفــا

سـتة اعـوام من عهد العطاء والانجاز .

يصادف هذا اليوم المبارك ، الثالث من شهر ربيع الآخر 1442هـ ، الذكرى السادسة لبيعة خادم الحرمين الشريفين الملك سلمان بن عبدالعزيز – أطال الله عمره – ملكًا للمملكة العربية السعودية، ستة اعوام من عهد العطاء والانجاز

بيعـة وفـــا

	بـيعـة وفــا نـقــولــهـا اول وهــالحـيـن = وتبـقـى بـنا طــول الــدهــر واللـيـالــي نعـلـن بـهـا من دون شــــكً وتـخـمـيـن = بلســان حــال اعـمـامـنا ,,,والخـوالـي يالله تعـز اللي عـلـى الشـرع مـاشـــين = خـَــدّام بــيـت اللــــه رب,,,الجـــلالــي حـكامــنا ال ســعود ريــف المســاكـين =ريــف الضــعـيف المنتحــي والمــوالي مـن العهــد الاول ليـن ســلمان هالحيـن = لـيــن ان دنيــانـا يـجـيـهــا الـزوالــي حـكــام مــن حـكـام مــاهــــم خـفـيـيـن = مثــل النجـــوم الســـاطعــه والهــلالـي من عهد ابو تركي على الشعب غالـيـن = كلـن لهــم مـن طــيـب خاطــر امـوالي لهــم الـوفــا مـنـا عـلـى العسـر والليـن = هــذا عـهــد صــنّـاه اول ,,,,,وتـالــي لـهــم الــولا يجـــري بــدم الشــرايـيـن = ونـرخـص لهــم فــ اموالــنا والعـيالـي اخــوان نــوره مـفـخــره للمســــلميــن = نرخـص لهــم بـارواحــنا ,,,والعــيالي عـوق الخـصيـــم وللمســـالم حـبـيـبيـن = ذولا هــل العـوجــا قــروم,,,الـرجـالي يـاللــه تـرفـــع رايــة الحــق والـدّيـــن = وتبـقـى تــرفـــرف خـافـقــه بـالعــلالي وتـعـزمـن بــه عــز الاوطـان والـديـن = شــرق وجــنـوب وغـربهــا والشــمالي ولايـجـحــد المعـــروف كــود الردييـن = للــي حَســـدهــم فــالـقـلــوب امـتـوالـي بعض المــلا عــن منهـج الحق غـاديـن = ولا زال يســـبح فـي بحــور الخـــيالي مع ذا لسـانـه ســـيف مـابـيــن حــدًيــن = حـقـــده دفــيـن ويتقــد ,,,باشـــتعـالي ويالله تغــربــل مــن يخــون الـوفــييـن = وريــح العـواصـف ما تـهــز الجـبـالـي بعـض العـرب يا حيــف للــود ناسـيــن = ومـن يجحــد المعــروف طـاح ابظلالي ويـالله تعـــز الـممـلـكـه قـولــوا آميــن = شـرق وجـنـوب وغــربهـا والشــمالي

محمد بن سوعان الربيّع

اليــوم 3 ربيع لثاني 1442 هجري
الموافق 18 نوفمبر 2020 ميلادي

أبي اعتـذر

ابي اعتذر

	ابي اعـتـذر مـن كـل شـخـصً عـرفـني = عــن كـل ذنـبَ او خــطــا عــبـر الايـام يمكــن يكـــون ابليـس يــومً لـ قفنــي = مـن دون قصـد اخطـيت وابليس ما نـااام سـامـحـت انـا اللـي بالاسـاءه قـذفـنـي = حـيـث التسـامح مـن أدب ديـن الاســلام دمـح الخطـا لصحــابـنـا ، مــاكسـفنـي = بـســامـح اللـي بـالـقـفــا ,,كــان نـمــام واثـق بنـفسي والــوهـم مــاا خطــفـني = وانــا من اول شــوفـتــي ،،،دوم قـــدام ســيل الـغـرور بـقـوتــه مـا جــرفـنـي = ورضيــت بـالـواقـع ،,،،،،ولانـيـب لـوام رضـيـت انا فـي ،كــل امــرً صـدفنــي = خـيـره وشــرّه ،،، والمـواجـــع ،والاآلام على العنـا لازلــت صابـر،،وشـــفـنـي = وانا احـمــد اللي ،،،عــالــمً مــالارحــام وابـي اشـكر اللي في كـلامـه نـصـفـني = في غـيـبـتي واشـاد بـي عـنــد الآنـااام نـبي انتســامح قبــل ,,,,دفـنـك ودفـني = قبــل ان يلـفـون الجســد فابيض الخـام الــدايـم اللــه والمـخــالـيـــق ,,,تــفـنـي = وهـنيـت انـا من كـان ،عـابـد وصــوّام

محمد بن سوعان الربيّع

تكفون يالويلااان

دعوة مؤازره
للمهندس محمد نايف الغبين العنزي
مرشح الدائره الرابعه لمجلس الامه في دولــة الكـويت

تكفون ياالويلان

	تكفـون يالـويـلان ,,يااهــل الحـمـيّـا = يااهــل العـلــوم النادره ،والبطــولـه افعــالكــم يشــهــد لهــا كـــل حــيــا = وامجــادكــم تنشــاف في كــل دولــه اللي بعــيـد ديــار واللــي ,,,,اهـنـيـا = يسـمع ويقــرا ,,,والتوارخ تـقولـه مجــد عـنـزه بيـن ,,,القـمـر والثريا = لابــة فخــر تصعــب على اللي نووله ربـعً عـلى الصاحـــب اظــلالً وفـيّـا = وحــريبـهــم نـوم المــلا مــا ينـولــه واليــوم يالــويلان مــا بــه اخفــيّــا = اليـوم هــذا يــومـكم ،،وانهـضولــه بــرفــع نــدايــا يــوم : قـافي تهــيّـا = وانخــا ارجــالً بالمواقــف,, ازحولـه انخــا بشر ,,,,وعــبيد,,,اقـول هـيـا = واحــفاد مســلم. كالمطر في هطـولـه تشـهد لـهـم ذيقـار ،،صبح ، ومسيـا = قـومً نهــار الضيـق تسـرج خيولـه ينخاكــم ابـن غــبين ياهــل الحمــيـّا = محمـد ولــد نايــف. ، ونعـمً نقــولــه من روس قــومً طـوعـوا ،كـل عـيّـا = اهــل العطـا غـبينات ،،،نعم الحمـوله قــرمً عـن الفــزعـات مايـوم عــيــا = لـه في مجـال الطــيب صـوله وجـوله لــه ســيرةً كـل ابلــجً,, فـيـه حــيــا = ومـن كـل قـوم الغانـميـن اشـهـدولــه شدوا من ازره واطـوو الحسـد طـيّا = وكلن عـلى ما قـيل ,,تـظهــر افعـولـه تـرا الحســد يركي على الكـبــد كـيّـا = وتكــفـون يالــويــلان ,,لاتســـمحوله هــذا محـمــد بالمــواقـف ,,,, وفـيّـا = للطــيب والمعــروف,,,,,يشعب ذلوله لاشك كــريم اخلاق،، وايضاً صـخيا = ولاهــو مـن اللي مشيهـم ،،،بالعموله قـالـوا ذكـي قـالـوا امـامـاً ,,تقــيـا = طــبعـه كــذا من يـوم ،ســـن الطـفولـه بالصبـر والحـــكمـه ,وعقـلً روّيـا = المعـضلــه يفـتح ،،,,,صعايـب اقفـولـه وعسى مجال الـرد مـاهـو ،،،ونيّـا = يالعـزوه ،اللـي فـازت ,,,,,بـكـل طـولـه

مع تحيات
اخوكم الشاعر
محمد بن سوعان الربيّع العنزي

حررت في ٩ ربيع٢ / ١٤٤٢ هجري
الموافق ٢٤ نوفمبر ٢٠٢٠ ميلادي

الشــــيخ زايـــــد

ابيات اذكر من خلال حروفها ومعانيها الشيئ اليسير من مناقب الشيخ زايد بن سلطان ال نهيان رئيس دولة الامارات العربيه المتحده لما لهذا القائد الحكيم صاحب الايادي البيضاء والبصمات الواضحه والكثيره في جميع نواحي الحياة وعلى كافة الاصعده الانسانيه والدينيه والسياسيه والاجتماعيه رحم الله ابا خليفه واسكنه فسيح جناته .

الشــــــيخ زايــد

	النعم كايد قـالٰٰوا ،،،،،النـاس كايـد = ولا يكسبه الا اسنافي ،،،ومنعـور ما يكسبه كـود الذي ،،،مثل زايـد = ابو خليفه.صايب الراي،،،والشور النادر اللي كالحرار ،،،،،،،،الفرايد = ماله شبيهً بالتواريخ ،،وادهـور مواقفـه وقت المحن ،،،والشدايد = يشـهد لهـا التاريخ دورً بـاثر دور زايـد للامه كـان عــون ،وســنايـد = الشـيخ زايـد للصعـيبات مذخـور لـه بصمـةً في كل. موقع.،،،وسايد = ذكره.يشع بنـور نـورً ،،على نـور نفسه صخيه من قديم ،،،،،وجدايد = وايضاً تراه بوصل الارحام مذكور حب التواضع ،،،،،عادته والعوايد = وكلن يعرف.الشيخ.ماهوب مغرور زايد وانا اشهد ،،،في عطاياه زايد = ومن طبع زايد مايبي قول مشكور تكفل الأيتام ،،،،،،،وارها. المدايد = ومن عادته ما يقبل ،الظلم والجور صان العهود ومابها ،،،،من وعايد = والشعب اصبح في سعاده ومسرور زعيم دولـه. وان ،،،،وصفناه قايـد = حاكم حكيم ،وبالسياســات دكـتور فيه الشجاعـــه والهـقـاوي تـزايـــد = والصبر منهـــاجً. لـزايــد.ومخبور للحق مثل السيف ،،،يبقا ســنايٰد = والدين والقرآن مصدر ، ودسـتور تزهي لمثله. نادرات ،،،،،،القصايد = وان مامدحه الشعر ماهـوب معذور ويالله يا منشي،،،،،المطر والرعـايد = وأحييت حبً في ثرا. القاع مبذور يالله ترحم طيب ،،،،،،،،الذكر زايد = وتجزاه جنه كلها،انهار وازهـور

محمد بن سـوعان الربيّع

راس الظلال الظال

حول ما يقام من احتفالات ماجنه في راس السنه الميلاديه وما يقام بها من مخالفات وصخب ما يسمى الكريسمس
تباح فيه المحرمات والبدع وكل بدعه ظلاله وكل ظلاله في النار
هناك عيدين في السنه يحتفل بهما المسلم وما عدا ذلك فانه خروج عن ما امرنا به الله عز وجل ونبيه ورسوله المصطفى صل الله عليه وسلم .حفظ الله بلادنا وبلاد المسلمين من كل شر.

راس الظلال الظال

	عـنــدي نـصيحــه للـمســلميـن الاجـواد = من قلب من بعض الامور اســتشـاطـي من بدعةً كل عام. تاتي ،،،،،،، وتنـعـاد = راس الظـلال الظال ،،،والانحطـاطـي يحـيـيونـهـا بالليـل عــاريــن الاجــسـاد = فـي غـابـــة اللــذات ,,,,,والانـبسـاطـي شـمع الرذايل في دجـا. الليل ،،، وقّــاد = وقـانـونهــم ما حــرّم،،،،،، الاختـلاطـي فـتنه. وبدعـه ،،،،،،،،ورثـوها للاحـفاد = وسـط المراقـص، يشـربـون الغـواطـي كـل شـي مبــاح وكـل مـا قـل,, يــزداد = غـاب الحــيـا.والـديـن ،والانضـبـاطـي عـنها نهٰى ديـن والقـيّـم ديـن الاجــــداد = ديـن العـفـاف اللـي ردع ,,, كــل واطـي ديـن الرســول اللـي ,,,تـنـامى بالافــواد = ديـن الطـهـاره وسـط الاعمـاق ســاطي ذا ديـنـنــا حّــرم عـلى النـاس الافـســاد = ولا حـط للـي يـعــتـنـقـه,, اشـــتراطـي ديـن التسامح والتراحم،،،،،،،، والاوداد = دستـوره القـرآن. والشٰـرع ،، قــاضي ضد الجهل والشرك واصحاب الاحــــقـاد = اللــي يعــبـّـون النـوادي ,,,,اهــيـاطـي راس الســـنـه عـيـد النصـارا والاضــداد = للـي ســـعـوا للغـي فـي كـل ,,شــاطـي ومن يحتفـل في مهـزلـة هــــاك الاوغـاد = اشــرك بديـنـه واعـــلـن,الارتـبــاطـي اجازها. جاهل على ،،،،،،،،الزيف معتاد = هــذاك شـــوفـــه ما تعــدى المـواطـي الله عـطـانا اثنيـن ،،،،،من دون الاعـياد = ( فـطــر وضــحيه) مالهـن احـتيـاطي وخلاف. هـذا بدعـه وذنب ،،،،،والحٰـاد = وشـــبـهه وجـدهــا العــالم ،الافتراضي وتمـت وصـل الله عـلى ســــيـد الاسـيـاد = نبيــنـا اللـي بالفـضـايـــل,,, مـحــاطــي

محـمد بـن ســوعان الربيّـع
حررت
بــ 17 جماده الاولى 14442 هجري
الموافق 1 ينايــر 2021 مـيلادي