عروس الشمال

((عروس الشمال))

كل طاري يجيله عنّها ميّة سؤال=لا لا تسال وحايل جابها الشعر مغصوب
كل عذرى شرفها يستره ثوبٍ وشال=وشفت حايل سماها شال والثوب الهبوب
اسبقتني عليها يمّها لها دلال=بنت فكري ولا ادري انّها بشوقي تذوب
ما وفا شوق الذاتي اعتراف المقال=لو تكلّم وعبّر في لسان اللهوب
فجرها لا تبسّم تنتهض له جبال=وليلها في غروب الشمس ما مثله غروب
شفتها في خيالي ليت ماهو خيال=جابها صغر سنّي والزمان اللعوب
اعترف في غلاها لو هواها شمال=من عشقها عشاقه كيف ينسى ويتوب؟
ماخذ الحسن فيها كل شي للجمال=وان عطت من كرمها يصدق السان الكذوب
شيخة المجد والتاريخ مضرب مثال=سيده من سياده واجبه كل الوجوب
تعتلي في سماها للثريا رجال=شمّخ الروس فيهم كل علمٍ تعوب
الكتابه تشابه والفعايل ثقال=مثل غيمٍ تزيده كل ساعة صبوب
الحقايق ركايب نوخن وضح الجمال=الحقايق بيارق يا ملا ماهي خبوب
سيفٍ اجرد تمرّد لاتورّد هوال=شذرته عقب لونه غيّره دمٍ يروب

الشاعر عبدالحكيم التويمي


صج السانك لاعدمناك


تحياتي لك

صح لسانك
وبيض الله وجهك
لك أطيب تحياتي

ياسلام ياسلام ياسلام على الجمال والروعه والكمال والجزاله
قصيده مفعمه بالشعر الحقيقي وكيف وهي في(عروس الوجود)
نعم عروس الوجود كذا سماها طلال الرشيد رحمه الله برحمته
نص باذخ ومفردات راقيه وشامخه كشموخ أجاء وسلمى الله
عليك ابدعت وحبكت وامتعت انت شاعر فاخر ياعبدالحكيم التويمي

تقديري واحترامي

شاعرنا القدير عبدالحكيم

صح السانك مدد بلا عدد

تقديري لشخصكم الكريم ؛؛؛

لاهنت اخوي الشاعر عبدالحكيم الشمري

صح السانك يابعدي

صح السانك

لاهنت والله ياشاعرنا

صح لسانك وعلى شانك الشاعر الكبير عبد الحكيم التويمي على هالأبيات الجميلة في عروس الشمال حائل بارك الله فيك وحقق أمانيك وحفظك بحفظه آمين.

درويش مشكور اخوي وتسلم مليون

ابو كادي لك كل الشكر يا بعدي