22-01-2012 | #1 |
الإدارة
|
تغطية مصورة // الشاعر أحمد الجريفاني يختم مهرجان صيف حائل27 بأفضل أمسية حائلية
* * * الشاعر الكبير أحمد الجريفاني في مهرجان صيف حائل27 - حائل ياطيب ملقاكم - و التي كانت مميزة * * * بشاهدة الحضور و الإعلام فقد حملت في جميع لحظاتها أعذب الكلمات وأصدقها من شاعر تمرس على الشاعرية و الشعر فكان لها صدى قوي بين الحضور الذين صفقوا بكثرة لهذا الشاعر الذي أجاد ختام مناسبة حائلية لاتنسى * * * بدأ الشاعر أمسيته بقصيدة : ( امطرت حايل بمقدم امام المسلمين ) * * *
امطرت حايل بمقـدم امـام المسلميـن=يوم ابو متعب نوى درعمـت شعبانهـا * * * ماهو وقتن للمطر امطرت من شان عين=لا حضر صقر العروبه جـرت وديانهـا مبطين عنها وهـزه لشوفتـك الحنيـن=دوك الارض تفـز لاشاهـدت خلانهـا المحبه خصلتن فيك يا القـرم الفطيـن=المحبه ما تبي غيـر شخصـن صانهـا وانت مالك با الغلى يا بعد حيي وزيـن=يمدحك فعلك وعطفـك علـى سكانهـا الغلى ما جاك صدفه بنيته مـن سنيـن=قبل ما تصبح ولي عهد كنـت لسانهـا اسال اهل المملكه عن محبتـك ويبيـن=الصغـار يقدرونـك قـبـل شيبانـهـا القياده مهرتن وانت فارسهـا الرزيـن=ما عسفها غير مـن جـوده برسانهـا با السما صقر العروبه ومن حولك عرين=عادة الليـث المحنـك يصيـد سمانهـا فيك رحمة والد وفيك حزم وفيـك ليـن=الصرامـه والعفـو حنكتـك ميزانـهـا القصايد فيك تختال حسن وفـرط زيـن=لو نحاول نختصرهـا عصـت قيفانهـا الله يبهيـك يـا سيـدي دنيـا وديـن=وجعل حايـل دايـم تزورهـا فرسانهـا ما يشيب الشعر في مدح من حبه دفيـن=ولا تفوت المرجله من ربى باحضانهـا يا مترجم كل شخصن غدى هرجه رطين=ما حدن يطمع بنـا لا حميـت اركانهـا الحكم من دون حكمتك ما يملـك يديـن=والعدل من دون من هيبتك ملك اعيانها * * * * * * ثم قصيدته التي قال فيها :
ابكتبك وهـم(ن) علـى روس كثبـان=وابارسمك نهر(ن) غرقـت بضفافـه * * * يا زارع حقول العطا خـوف واحـزان=الحقـد مـا بينـك وبينـه مسـافـه با اسبابك اهملت اطيب الناس يا فلان=يا ضيف قلبي ما احترمـت الضيافـه يا كحل رمش العين عافتـك الاجفـان=من يرخص بشاريـه يسهـل عيافـه كيف انخدعت وصغت بك عذب الالحان=وابديـت لـك كـل الغلـى واللطافـه وبنيت لك في داخل الـروح مسكـان=واليوم صرت ابكي دمـوع الحسافـه شكلك خدعني غرنـي كنـت غلطـان=والشاعر اصعب ما يكـون اعترافـه كنت احسب انك صافـي الـود فنـان=الحـب محـد(ن) يستطيـع احترافـه ثم تحول إلى بعض الشعراء بقصيدة : ( ما يكتبون الشعر لكن يعانون ) * * *
ما يكتبون الشعر لكن يعانـون=لو يكتبون الشعر ذابوا قصايـد * * * الليل يمضي باكمله ما ينامـون=محدن يلوم مسهرين الوسايـد لو فيه حل اليا بكوا كان يبكون=ذبلت محاجرهـم بليـا فوايـد الحب خلى حالهم دون في دون=جرح الغلى لا حرم الوصل كايد حيين لكن كل لحظـه يموتـون=يموت جرح ويخلفنـه جدايـد ما يقبلون اللوم لو يزعل الكون=العذل فيهم والحكي ماهو فايـد ما فيه حل الا انهم ما يحبـون=لا يسمعك من صار قلبه وقايـد ما يكتبون الشعر بس يتحدون=كل الظروف وباليـات العوايـد العاشق المذبوح لو بات مطعون=ما يلتفت لاشوار كـل البدايـد يطيع قلبه لو تقول انت مجنون=يرد من حطك لجرحـي سنايـد انا طعني با القفى سهم مظنون=اما انت خلك يابن الاجواد نايد انا جنوني عندي اعتبره فنون=عن قيس لا ناقص ولاني بزايد وأيضاً حضرت رائعته : ( لعنة الله على ( بوش ) الابو والابن )
لعنة الله على ( بوش ) الابـو والابـن=ناصريـن اليهـود وقاهريـن العـرب * * * مـن ردانـا حثالـه وكلـونـا تـبـن=كل ما نطلب الانصاف قالوا ( شـرب ) اول رجـال كلـن فـي حمانـا زبـن=وتالي الوقت مابه مـن يفتتـل شنـب يا الاجاويد مـن منكـم يطيـق الغبـن=هل لنا في صداقـة مثـل ذولا سبـب! مـا ادري اسكاتنـا تاييـد والا جبـن=من يجاوب سوالي يا زمـان العجـب ؟ همنـا ناكـل ونشبـع ونشـرب لبـن=همنا نلعـب الكـوره ونسمـع طـرب انظر ثيابنـا طالـت يبـي لـه خبـن=انظر صحوننا مصنوعتـن مـن ذهـب انظـر لعجزنـا كـم فقـدن ونـدبـن=انظر شيوخنـا عنـد اليهـودي لعـب دوك شيماتنـا طفـلات كـود يحـبـن=صارت سيوفنا من عقب ( خالد ) خشب السقيطـات ناتيهـن علـى مـا يبـن=وان نخت واحدن منـا شريفـه هـرب افتخر بس في دينـي ومـن لـه ابـن=المصيبه انا محسـوب ضمـن العـرب وللوفاء الذي يملأ قصيد شاعرنا نصيب من أمسيته حيث شدا بقصيدة : ( ما للوفا في شرع الانذال قيمه )
قالت وفيت ! وقلـت هـذي ظليمـه=متعجبـه كيـف الاجاويـد يوفـون! * * * يا بنت مـا اظـن النوايـا سليمـه=لو تعرفيني زين مـا قلتـي اشلـون الظلـم للـي مثـل حالـي جريمـه=كيف العنود تقابـل الطيـب بطعـون كنـت احسبنـك بـا لاوادم فهيمـه=وشلون ما تدرين والنـاس يـدرون قلتي بعظـم السانـك انـك عظيمـه=جرب تلاقينـي كمـا كنـز مكنـون بنت الرجال اللي شهد لـه خصيمـه=ناسن على سلم المشاكيـل يمشـون ياما وعدتيني علـى الوسـم ديمـه=وانا وعدتك مسكنن داخـل عيـون زل الوعد ما جا من الغـرب غيمـه=ضاع الوفا عندك وانا احسبه مصيون اللي بنا لك قصـر يسكـن بخيمـه=واللي مسح دمعك تركتيـه محـزون وقتن ظهرتي فيه مـا فيـه شيمـه=من سبتك صار الوفا حيـل مغبـون اصحي لنفسك كانـك اليـوم نيمـه=من ينكر المعروف خاسـي وملعـون واستانسي فزتـي وذقـت الهزيمـه=وفيت دينك بس انا اصبحت مديـون ما للوفا فـي شـرع الانـذال قيمـه=ولا للكرم عند ابخل الناس ماعـون! الطيـب والنخـوات دقـه قديـمـه=واللي يثق با الغير تايـه ومجنـون وألقى قصيدته التي قال فيها : * * *
قالوا اذا ما تاخـذ الحـق بيـدك=تراك توطى يا فتى تحت الاقـدام * * * لا انته بعبـد ولا الاوادم عبيـدك=الحق حق ويضمنه شرع الاسـلام صحيح عفوك عند ربـك يفيـدك=فيه الاجر والخير من وال الانعـام يحسب بميزانك ويرفـع رصيـدك=تلقـاه قدامـك اذا جفـت اقـلام بس البلا لاصار عفوك ضديـدك=وحطوك خايف عقب ما كنت مقدام ثم اشتعل جمر القهر في وريـدك=مثل البري لاواجهه حكم الاعـدام ولا فزع لك غير غالـي قصيـدك=ومن البشر نقوة كريمات وكـرام وش حيلتك قل لي وخصمك يريدك=يبيك تخضع له وتسكـت وتنظـام تسكت وترضى با المهانه تبيـدك=والا ترد الصاع صاعيـن قـدام؟ او تسمع اللي قال لا ترفع ايـدك=من دون حلقك وان تجرات تنلام ؟ ثم أمتع الجمهور بأحد قصائدة التي سبق وأن ألقاها في الجنادريه ردا على هجوم الكفر على خير البشر * * *
حكامنـا مسلميـن وشعبنـا واعـي=مانقبـل افكـار شرقيـه وغربـيـه * * * قران00سنة رسول00قياس واجماعي=دستـور مافيـه لامثلـه ولا زيــه ما نتبع الغرب لا مافيه مـن داعـي=حنا شعـوب الرسـالات السماويـه حنا هل الدين والحجـه والاقناعـي=وشلون ننسـاق لافكـار الهمنجيـه يا من خلطت العسل مع سم الافاعـي=به فرق بين العـدو وصافـي النيـه تعرضـوا للنبـي الواعـظ الداعـي=اللـي دعـانـا بايـاتـن الاهـيـه خير البشر صوروه بزيف الاوضاعي=معروف وش قصدهم والنيه امطيـه مقصدهم اذلالنا باشكـال وانواعـي=يخسون وافكارهم وصخـه ومقريـه حفنـة خنازيـر منحليـن وجياعـي=الرجل زوج لرجـل والبنـت لبنيـه عاشرتهم جابوا لقلبـي صمرقاعـي=لجـل الدراسـه تحملـت الخونجيـه اعـوام قضيتـهـا للهم جـراعـي=يا فرحتـي يـوم طبيـت السعوديـه كفرن لهم في بلاد المسلم اطماعـي=اعذارهـم عندنـا مافيـه حـريـه نكيل صاعيـن للـي كالنـا صاعـي=والكافر الحاقـد نهنيـه فـي غيـه وبحائليته غرد بقصيدة : ( هلت دموع عيني عند مدخل مشار ) * * *
هلت دموع عيني عند مدخـل مشـار=يوم شفت الشعيـب مكبلينـه بسـور * * * الله اكبر على هذا الزمن كيـف جـار=صادق اللي يقول ان الليالـي تـدور وين وقتن مضى حزات كنـا صغـار=كيف مرتع صبانا يدعي بـا الثبـور دوك دقات قلبي كنهـا صـوت طـار=تاه فكري واظني يوم صحت معـذور الصفاة حفدوهـا كونـوا لـه جـدار=واتلفوا حصو ثرمد واستهانوا بـزور يا خضع وش بلا وجهك كساه الغبـار=وين شلالك اللي يطرب اللي يـزور! وين رحلاتنا لك قبـل وجـه النهـار=جاهمينن قبل ينشـق للصبـح نـور خوفنا يحجزونك واهـل حايـل كثـار=صبح جمعه تجيك الناس قبل الفطـور وين ذيك الدلال اللي بوسـط الوجـار=والاباريق نبعدهـا لجـل مـا تفـور وين الارطى ونارن ما تشبـه بنـار=ريح دخانها يـا خـوك كنـه بخـور وريح نعناع حايل داخل ابريق حـار=يجعلك تلقـط الكاسـه بليـا شعـور ذا ولد عمن قرييـب وذا ولـد جـار=وذا ولد خال اما ذاك شخص مخبـور ولا تمشيت غرب تشوف بايمنك غار=شف رضمت الجريفاني تحكي العصور با ايمنك كان يجلس به سليل الحـرار=والدي جعل ربي يرحم اهـل القبـور لو سالته عن الماضي وحسن الجوار=اه يا ليتها تقـدر تحكـي الصخـور ماضي الوقت كل الناس كانت خيـار=وكان كلن يثمن له مع النـاس شـور وقت لا سولفوا منـا رجالـن كبـار=نستمع منصتين ونفهم اللـي يـدور ولا ومرنا اطعنا سم وابشـر وصـار=نحترم بعضنا والحب ملـئ الصـدور التواضع عطانا يـا السنافـي وقـار=وقتها ما حدن يشهـد شهـادات زور الله اكبر على ذاك الزمـن كيـف دار=صادق اللي يقول ان الليالـي تـدور وهلت دموع عيني عند مدخل مشـار=يوم شفت الشعيب مكبلينـه بسـور ! جانب من الحضور * الشاعر سليمان الجريفاني* * * * *الشاعر الكبير يتلقى التهاني بنجاح الأمسية* حفظاً للحقوق فهذه المادة منقولة من منتديات فضاء حائل و منتديات خزامى |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
22-01-2012 | #2 |
|
رد: تغطية مصورة // الشاعر أحمد الجريفاني يختم مهرجان صيف حائل27 بأفضل أمسية حائلية
مشاء الله
يعطيكـ العافيه ابو غازي ع التغطيه المصوره |
|
22-01-2012 | #3 |
|
رد: تغطية مصورة // الشاعر أحمد الجريفاني يختم مهرجان صيف حائل27 بأفضل أمسية حائلية
شاعرنا العزيز احمد الجريفاني
لله درك ياهرم الشعر الوافي صح قلبك والسانك وبيض الله وجهك تحياتي وتقديري لجنابك ابـــــــو غازي يسلموا اياديك استاذي |
|
22-01-2012 | #4 |
فـــاقد الشيء لا يعطيه
|
رد: تغطية مصورة // الشاعر أحمد الجريفاني يختم مهرجان صيف حائل27 بأفضل أمسية حائلية
صح لسان الشاعر وسلم بنانه مع الشكر والتقدير
عافاك الباري فاضلي أبو غازي نقل جميل |
|
22-01-2012 | #5 |
|
رد: تغطية مصورة // الشاعر أحمد الجريفاني يختم مهرجان صيف حائل27 بأفضل أمسية حائلية
ماشاءالله
شاعر كبير ومبدع شكرا للتغطيه |
0
ول يا عمر ٍ توارا ما جنيت ارباحه راااااح ! من قبل اتبيّن عتمته ووضوحه ! -------------------- تويتر https://twitter.com/#!/al_sshh --- |
22-01-2012 | #6 |
|
رد: تغطية مصورة // الشاعر أحمد الجريفاني يختم مهرجان صيف حائل27 بأفضل أمسية حائلية
شاعر من فحول الشعراء احمد الجريفاني
بيض الله وجهه تسلم يمناك ابو غازي |
ايوالله.. ربعي هم شمـر=فلي قرونك يامياسـه.!
|
22-01-2012 | #7 |
الكوكب
|
رد: تغطية مصورة // الشاعر أحمد الجريفاني يختم مهرجان صيف حائل27 بأفضل أمسية حائلية
كبيررررر يابو فراس ,, دايما مبدع
|
|
22-01-2012 | #8 |
نائب المشرف العام
صفق الهواء
|
رد: تغطية مصورة // الشاعر أحمد الجريفاني يختم مهرجان صيف حائل27 بأفضل أمسية حائلية
سلمت ودمت ياابو غازي على الوفاء
لمن يستحق الوفاء من الجميع ولاهنت صح لسان شاعرنا الأسطوري ابو فراس وفق الله الجميع |
|
22-01-2012 | #9 |
|
رد: تغطية مصورة // الشاعر أحمد الجريفاني يختم مهرجان صيف حائل27 بأفضل أمسية حائلية
شاعر راااائع
تسلم الايادي ابو غازي عالنقل الراااائع |
|
23-01-2012 | #10 |
|
رد: تغطية مصورة // الشاعر أحمد الجريفاني يختم مهرجان صيف حائل27 بأفضل أمسية حائلية
احمد الجريفاني
شاعر رمز للشعر الشعراء وابن وطن بار اسم حايل على لسانه بكل الحالات فله كل الشكر والتقدير لاهنت مشرفنا العام ... علا اطلاعنا على هذا الجزء الجميل من روائع شاعرنا الكبير احمد الجريفاني |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام