°°واحد ابريل°°

قهويت طيفك من شجوني فناجيل=اقلط تقهوى مجلسك في فؤادي
من غيبتك ذقت العنا والغرابيل=انام...لكن ما اهتني في رقادي
كل الاغاني والجمل والمواويل=لا جيت اعبر ما توصل مرادي
يا مرحبا ترحيبة البدو بالسيل=مضمونها انك غايتي يا ودادي
يا زعفران الشوق يا نكهة الهيل=يا ديدحان العشق يا زهور كادي
يا روعة اجواء الشتا والتعاليل=يا ضمة امي لو يطول البعادي
يا اقسى من الغيبات عقب المواصيل=يا اعذب من اجواء المسا والبرادي
عيدك يعيد بداخلي دون تفصيل=ذكرى غرامن داخل الروح بادي
اول لقإء خيّم على همنا ليل=وتصافحت رغم الظروف الايادي
يا فرحتي لا قلت لك اعشقك حيل=طشي ابتسامة وجنتك للأعادي
خليني اسرج من دجى شعرك الخيل=واصير فارس قوم ذيك البوادي
صبّي غرامك في ضلوعي هماليل=واسقي اراضي عشقنا بأمتدادي
شاعر ولكن ماارتقب نجمة سهيل=شوفي رماد اوراقنا لك ينادي
حل الربيع وعيدك بواحد ابريل=جيتك غريب وصار قلبك بلادي

شاعرنا القدير ضاري الناهض الزوبعي
عوداً حميد لأخوانك وأخواتك وبيتك الثاني شبكة نشامى شمر
صح السانك مدد بلا عدد
.. .. . .


خالص التحايا لسمو شخصك النبيل
??¯?ـ?ابو غازي?ـ?¯??

الشاعر ضاري الناهض الزوبعي
الحمد لله ع السلامة يالنشمي
صح السانك الف
تقديري لك

الشاعر الجزل ضاري ناهض الزوبعي
صح لسانك الف
تحياتي لك

الشاعر/ ضاري ناهض صح لسانك مليوووون /لاهنت / تحياتي لك. :

مشرفنا الغالي ابو غازي صح بدنك ومرورك تاج فوق راسي

استاذي الشميلي صح بدنك مرورك فخر لي لاهان راسك

اقتباس المشاركة الأصلية كتبت بواسطة المهندس الشاعر الجزل ضاري ناهض الزوبعي صح لسانك الف تحياتي لك

المهندس صح لسانك واشكر مرورك ي بعدي انت

اقتباس المشاركة الأصلية كتبت بواسطة الشاعر نايف الشويب الشاعر/ ضاري ناهض صح لسانك مليوووون /لاهنت / تحياتي لك. :

نايف الشويب صح لسانك لاهان راسك اشكر مرورك الطيب ي بعدي

اقتباس المشاركة الأصلية كتبت بواسطة ابو ناصر الشاعر ضاري الناهض الزوبعي الحمد لله ع السلامة يالنشمي صح السانك الف تقديري لك

ابو ناصر صح لسانك واشكر مرورك يالنشمي