خلوها تحكي / بقلمي

يالله ياللي عندك الغيب معلوم=ياللي تحل عقودها مع كربها
ياواحدٍ من فوق الأكوان قيوم=تفرج همومٍ بالضماير نحبها
ومن بعدها قافٍ على البوك مرسوم=سر ياقلم وابيات شعري اكتبها
أشوفني من بعض الأحوال مهموم=ماهمني فن الفنون وطربها
وماني على فرقى المواليف مهيوم=الله يوفق من تلامع ذهبها
أحوالنا في ماضي الأمس واليوم=خلوها تحكي عن عجايب عجبها
بالأمس بين الناس عاداتٍ سلوم=وبنت السنافي عزها من عربها
واليوم كثر الهرج والمرج واللوم=وبنت السنافي شوف مااحدٍ خطبها
بالأمس بعض الرجال أبطالٍ قروم=كم فارسٍ عوص الأصائل ركبها
واليوم بعض الرجال أنذالٍ رخوم=كم واحدٍ بعض الحقايق قلبها
أقولها وراع الوفاء ذاك محشوم=فكاكها لامن تداعى نشبها
بالأمس يقضي لازمك كل شغموم=النار حيه والكرم هو حطبها
واليوم بعض الناس علومه علوم=يغلط عليك وغلطته ماعتبها
بالأمس بين الناس الطيب ملزوم=كم واحدٍ طيب الفعايل كسبها
باالأمس يطلع لك صديقٍ من القوم =ومن شانك حياض المنيه شربها
واليوم شف شبابنا كله هموم=حيث البطاله من دواعي سببها
بالأمس رزق الناس في شبه معدوم=لكن غناة النفس تلقى طلبها
واليوم راحت كلها بأول السوم=والسمسري كل الأراضي نهبها
هواميرٍ لو أدت الخمس والصوم=الكل منهم حزمته محتطبها
كم واحدٍ بأسبابهم صار محروم=يدعي ونفسه تحتدم من غضبها
هم الإيجار أبعد عن عيونه النوم=والموزع فاتورة كهربها كتبها
سلام ياصقورٍ على العالي تحوم=جول الحباري ينعثر من عطبها
وصلاة ربي عد ماراجت غيوم=على نبيٍ قادها واحتسبها

ابيات لامسة الجرح ومن العيار الثقيل
شاعرنا القدير نايف الشويب
ابو فهد
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صح لسانك وعلا شانك

يغير الله من حالاً الى حال

دمت بسعـــــــادة

المشرف العام
وعطر الحكي
ومحمد الشميلي
الله يسعدكم دنيا
وآخرة وصحت أبدانكم/
تحياتي الخالصة لكم :

الشاعر نايف الشويب
صح لسانك الف
تقديري لك