يالله قبل الموت طالبك تــوبـه

ياالله قبل الموت

ياالله قبل المـوت طالبـك توبـه = من فيض فضلك تب علي واتوبي
انا الـذي زادت ذنوبـه عيوبـه = وارجوك تغفرهاوتستـر عيوبـي
الشيب هبت فـي إلحانـاهبوبـه = والنفس في فعل المعصي هبوبي
اخوض مع نفسـي معـارك حروبـه = واحيان انا الغالب ونوب إمغلوبـي
نوب ٍ تتوب النفـس توبـه كذوبـه = وانا احسب ان النفس ماهي كذوبي
إتـوب ثم إتعـود نوبـه ونوبـه = حتى تلبّسنـي مـن الذنـب ثوبــــــــي
طول الامل بالنفس هـذي سلوبـه = يبعد لها المرمى شمال وجنوبـي
يالله انـا عبـد ٍ تذكّـر ذنـوبـه = وكادت من الحسرات نفسـه تذوبـي
ماله سوى ذكرك يفـرج كروبـه = ياللـي بذكـرك تطمئـن القلوبـي
يالله انا روحـي لعفـوك طلوبـه = وأنت كريـم ٍ ماتـرد الطلوبـي
اول نهاري كنت ناسـي غروبـه = والشمس مالت واشرهـت للغروبـي
والمـوت حـق ومقبـلات ٍ خطوبـه = الله يـزيـن مقـبـلات الغيـوبـي

شاعرنا القدير عيد بن قيضي البلوي
عوداً حميد لأخوانك وأخواتك وبيتك الثاني شبكة نشامي شمر
ابو كرم
صح لسانك مدد بلا عدد
خالص التحايا لسمو شخصك النبيل

:::((( الله يزينها ))):::
لنا
ولك ولكل مسلم يالقيضي
صحححح لسسسسسنك
مليوووووووووووووون

:::((( الله يوفقك ))):::

أخوي أبو / كرم السلام عليكم :
أبشر بالخير الله أرحم من خلقه , وصح لسانك بحجم الكون قصيدة جزله من رجل جزل وكلماته جزله كلمات رجل ورجوله وشهامه بالنفس ,,,دمت بخير أخوي / عيد حفظك الله ,,

ابوكرم

صح لسانك ملايين ولايكفون

لاهنت

ابو غازي
يا الف هﻻ ومرحبا بحضورك الغالي واعتذر عن الغياب
وتقبل سﻻمي وفقك الله

الف هلا ومسهلا بعودتك الى بيتك الثاني
تضل وتبقى هرم وعلم من اعلام الشعر الذي نفخر به و تفتخر فيه كل النشامى
يدوم عزك يابو كرم واطال الله في عمرك

اخي العزيز الشاعر نايف الشويب
حياك الله ويا الف هﻻ ومرحبا شرفتي حضورك يالنشمي
تحياتي لك

ابوكرم
صح لسانك ملايين ولايكفون
تحياتي لحضرة جنابك

هلا غلا والف مسهلا باالغالي وبالشاعر الفذ وراس الطناخه كلها بس يابو كرم
العوده للهوى لاباس به وانت قلبك خضر اخبرك هههههههههههههههههههه
صح لسانك يابعدي وبيوتك عقداً من جواهر لاعدمناك يابو كرم
تحياتي وصادق مودتي