يلي هدبك سيوف ورماح وحراب !!!

ماهو بكيفي وانت تدري بالاسباب=والافراقك ياحبيبي مصيبه
هذي مقادير الولي رب الارباب=وماقدر المولى خفوقي رضيبه
والاخيالاك عن مدى الشوف ماغاب=وهذا اللذي زود بقلبي لهيبه
وان قلت ابنسى ماضي الحب كذاب=ومن لايقدر كلمته بان عيبه
حبك خشير الروح يا ساب الالباب=منساه لين يحط فوقي نصيبه
اثر اللذي قلبه من الحب منصاب=يصبح نقيضََ للعقول اللبيبه
لوهو بخيص العرف ويفك الانشاب=يبلش بحاله يالحياة العجيبه
حال المحبه حال وتشيب الشاب=لوهو شبابٍ لازم يبين شيبه
فرقا وهم وبعد غالين واحباب=تكفيك هذي في ضياع الذهيبه
يلي هدبك سيوف ورماح وحراب=وخصايصً تعطي مع الزين هيبه
ياكيف ابسلى وانت خابرك مرتاب=على فراقي كحل عينك تذيبه
بالدمع فوق مورد الخد سكاب=تشكي وترجي للخبر من يجيبه
دونك حداني سلم وطبوع واداب=وحداك دوني حيرتك والرقيبه
عديت من فرقاك في راس مرقاب=وماجابت الورقا على الرجم اجيبه

الشاعر / فهد النايف

وما جابت الورقا على الرجم اجيبه


تسلم اخوي الضبيعاوي على الاختيار

المميز لاهنت

دمت بخير

الله لا يهنك اخوي فيصل على مرورك الدائـــــــــــــــــــم




والف شكــــــــــــــــــــــــــــــــر

الضبياعوي

لاهنت على النقل الجميل
تسلم اياديك وصح السان الشاعر فهد النايف

مشكووووور ياعزوتي

اقتباس المشاركة الأصلية كتبت بواسطة الضبيعاوي عديت من فرقاك في راس مرقاب=وماجابت الورقا على الرجم اجيبه الشاعر / فهد النايف

شاعرنا الكبير والقدير / فهد النايف

صح السانك يابعدي الف



لك كل الود والتقدير

اقتباس المشاركة الأصلية كتبت بواسطة المشرف العام شاعرنا الكبير والقدير / فهد النايف صح السانك يابعدي الف لك كل الود والتقدير

اللهـ لا يهنكـ

اشكركـ على المرور او الرد الجمييييل


نورت متصفحي يالغآلـــي