طنخه شمري ودكتوره اطفال !!؟

01-02-2009

لعلها ترتقي لـذائقتـــكـم

مافيني شـيّ / وكـل مافينـي هبـال=مدري وش اللي جابني / جيت زايـر ...!!!
وأصـلاً أنـا ماشـي بطريـقـي ورحّــال=بس شفتهـا فجـأه وأنـا كنـت سايـر ...!!
وسجّيـت معهـا ولـجّ بالـصـدر مــوّال=ومدري وش اللي بين الأضلاع صايـر ....؟؟
وناديتها ... قالتلي / ( دكتورة أطفـال )=بس قصدها تصرّف كـذا بـردّ جايـر ....؟؟
وشلـون لـو أن الحـكـي بينـنـا طــال=وشلـون لـو بيّحـت كـل السـرايـر ...؟؟
ياليـتـهـا ماعاقـبـتـنـي بـالأهـمــال=ولاتركتنـي بمـوقـف الصـمـت حـايـر
لـو أنهـا تـدري عـن الوضـع والـحـال=ماكـان خـلّـت حـظّـي الـيـوم بـايـر
مـاتـدري أن بداخـلـي قـلـب رجّــال=اليـا أنكسـر ماتفيـد فيـه الجبـايـر ...؟؟
ماتـدري أن اللـي بـنـى حـلـم وآمــال=( طفلٍ ) هنا طايـش بوسـط الضمايـر ...؟؟
ماتـدري أن الطـفـل هــذا يـبـي بــال=مريـض تعـبـان ويـهـلّ العبـايـر ....!!
( طفـل البـراءه ) داخلـي مـيّـل عـقـال=مطنوخ / (طنخة شمّري ) جاك ثاير ....!!!
كلّه ( خضار ) يمـوت فـي بعـض الأزوال=شـرواك طرقـا جــتّ تـخـطّ الـدوايـر
طفـل البـراءه لعبتـه هجـر / ووصــال=يعني ... أنتبهي أنصحـك يـا بشايـر ...!!!
الهـمّ عمّـه والشقـى صـار لــه خــال=تعـيـس جــاك وجــا يـفـلّ الستـايـر
داويــه يــوم أنّــه يـحـبّـك ولا زال=وأنتي بكيفك عـاد ( يـمّ الضفايـر ) ....!!!
وأنا أدري أن فيني / شقـى وحـزن وهبـال=وأنـا وش اللـي جابنـي للخسـايـر ...؟؟
وفجـأه ... أقبلتلـي وأنتشـى قلبـي ومـال=ومن فرحته ( عصفور الأحلام ) طاير ....!!!
ومرّت وهـي تشيـل ( شنطـه / وجـوّال)=خلّص دوام البنت / والحـظ جايـر .....!!!