قـــصه وقصايد من الماضي

قصه وقصايد من الماضي
عسى تعحبكم
كا ن في الزمان السابق على دور شيباننا رحمة الله عليهم
كان عندنا واحد جار لعمي من اهل الجنوب وطول معنا يا شمر
وجا يوم من الايام وكان هو وعمي الشاعر مناحي الزميلي رحمة الله عليهم جميعاً
مع الابل وشافوا الخيال وقامت تبرق وترعد وهم في وادي ابو ارواث
وتهيض الجنوبي وهم كلهم شعراء واصدقاء ويغلون ويعزون بعضهم
قال الجنوبي ابي أزعل مناحي يعني مزح ومداعبات

عس السحايب تنثر ماه= وعسا الهماليل تنهلي
تضرب البريكه على مفلاه= وعساى مداهيلها خلي
الصاحب الي عجزت النساه= لاشاف زولي بي يهلي
وان جيت انا صاحبي ملهاه= يفوتاً الوقت ماصلي

قال مناحي انت ليه تبي تقلع هالسحابه للبريكه
قال علشان خلي يعني عشقتوه بكالديره
قال مناحي ممازحن خويه هالحين انت جارنا وخوينا وتاخذ سحابتنا ياشمر وتقلعه للجنوب علشان عشقتك ماهي علي كيفك سحابتنا لنا
قال مناحي الزميلي

عسى السحايب تنر ماه= وبفروع ابا أرواث تنهلي
وتنسف ذريع على يمناه= وتضرب على الجو أبو تلي
أرضاً تربع به الخلفاه= تلقا سنامه لها ظلي
وتوقيفنا بالجهق طرباه= بقران خامس لياهلي
ولا البريكه ماهي مشهاه= به العشر ياجعله للي

وســــــــــــــلامتكم

ياحلو معاندهم ويازين صفاء قلوبهم قصه من الزمن الجميل

رحم الله امواتنا واموات المسلمين

شعر على الفطره من القلب للقلب

سلمت يابو طلال على القصه والابيات الله لايهينك

أبو طلال سلمت ودمت وشكراًلك على هذا النقل والله يرحمهم ويرحم موتى المسلمين جميعاً

تسلم والله يابو طلال

قصة من القصص الجميله شاعرنا طلاع
لاهنت ياشوق البنت

ابو طلال
انت كلك حلا يابعد حيي والماضي ورجاله هم افخر ماهم رجال هالزمان قوطي ببسي خخخ

سلمت يابو طلال على القصه والابيات الله لايهينك

تسلم أبو طلال الله يسعدك يارب
قصة وأبيات جميلة جداً لاهنت ونشكرك جزيل الشكر على هالنقل الأكثر من رائع اطال الله بعمرك
ونسأل الله لهم الرحمة والغفران ولجميع موتى المسلمين آمين.
فائق تحياتي لشخصك الكريم،،،

سلمت يابو طلال علا النقل قصه ممتعه الله يرحمهم ?اللّـّ? ذكرتي بقصص العم غازي مطر ابو لافي رحمهم الله كانت له قصص مازلت احتفظ بشي قليل اابو غازي أكيد يحتفظ بقصص والده. دنيا تطول بها العناوين

اتلقى لم اتلق ارى رجل بحياتي مثل العم غازي مطر رحمه الله رغم كبره بالسن انسان ذو علم ودين وكرم ?اللّـّ? إذا تكلم الكل يصغي لسماع حديثه لايفرق لسانه ذكر الله أنجب من الأولاد أخير الرجال ومنهم ألمؤسس لهذا المنتدى الأستاذ صالح ابو غازي