قصة معشي الذيب,,,

السلام عليكم ورحمة الله وبركاته

اليوم انا عندي قصه معروفه لكن نبي نذكر فيها الناسي ونعلم اللي يجهلها طبعا هي منقوله واختلفت الروايات فيها


ملاحظه..مسلسل فنجال الدم الذي يعرض على قناة ام بي سي
يحاكي هذه القصه





معشي الذيب




ومعشي الذيب هو مكازي بن دغيم بن عبدالله بن سعيد والسعيد يرجعون للعليان من الدغيرات من عبده من شمر




وكان مكازي قاطن في الشعبه بشمال المملكه وكان ابو مكازي ( دغيم ) امير (العليان) وكان مشهور




بالشجاعه والكرم ورباء مكازي على هالصفات ويقولون في يوم من الايام سمع له




ذيب يقنب ( يعوي ) في ليله يقولون هابة شماليه وصقعه اللهم ياكافي ونشد وش بلا هالذيب ؟ وقالوا لها




هذا ذيب عود وكبير في السن وماعاد فيه شده يغير ويصيد وانه الى قرب من عند الغنم تطردهال**** فوصى خادم




له وقال راح وخذ لك خروف واربط له بعيد خله يتعشاه ( وفي روايه يقولون ان




الذيب جاي يمشي للبيت الشعر والى حول مكازي تلاقطوا بندقهم واسلحتهم بيذبحونه يوم شافوه مقبل عليهم وقال




لهم اصبروا وقام له واله ذيب مثل ماقلنا عود ومعاد يقوى يفرس وانه ذبح الخروف وقام بقطع له بشلفاه والذيب




يزرط زرط لان ماله ضروس الين شبع ) يقولون يوم جاء الصبح وجات بنات مكازي ينشدون عن




الحبل لعلهم بيجبون حطب او لهم شغل ويبون الحبال ويدورون ولا لقوه في محله الى خابرينه وينشدون الخادم وين




الحبل يافلان وقال لهم السالفه الى صارت البارح وراحوا البني الا المحل الى ربط فيه الخروف والى والله هذي جرة




الذيب وهذي الحبال وهذا مابقي من الخروف وتخبر هاليني قامن يسولفن عن الى شافنه مع بنات القبيله عند المارد




ولعلها انتشرت السالفه الا ان وصلت الى امير حايل في هاك الوقت محمد العبدالله الرشيد فقال ابن رشيد : انك




يامكازي اطيب حيث بلغ بك الكرم ان تقدم الخروف الى الذئاب ( وسمي من عقب السالفه بمعشي الذيب )

وقيل قصائد كثيره في مدح مكازي ولعل اكثره تداول انه في يوم من الايام كان ولد لمكازي يقاله شباط يمشي وشاف




له ذيب يعوي او انه يقولون انه هجم على حلال لهم فقال :




ياذيب مانستاهله منك ياذيب = فعالنا ياذيب نبي الجزابه

ابوي عشا أبوك بالوقت ياذيب= في ليلة غدرا مظل السحابه
يوم العفون مطولين المشاعيب= وكل يصيح ويستديرن ****ه




وطبعنا كثير ماتذكر هالقصه الى جاء فخر مثل قصيدة الشاعر احمد العريفي عن حائل




روحي بحايل ما تفارق جبلها ... وحبي لها عيّا على كل الاوصاف




أفرش حصاها واتوسد سهلها ... وأرقد بحضن جبال سلمى ولا اخاف




اسمح واراضيها واداري زعلها ... واشتاق له شوق الطنايا للاضياف




او شوق سمر جبال حايل لاهلها ... وجاوزت من حبي لها حد الاسراف




وعيني بأجا ما تسمع اللي عذلها ... وخشوم سلمى مثل شذرات الاسياف




قصة غرام تراب حايل نقلها ... تحكي على التالين من ما ضي الاسلاف




أجا تهضم عبرته واحتملها ... ولا هي بعادة عبرة الحر تنشاف




وحوّل على سمر الجبال ونزلها ... عن دار ذل عقب ما شاف ما عاف




وسلمى تغني له قصايد غزلها ... على الوفا والود وسلوم الاشراف




وحاتم زرع عود الصخا في جبلها ... وأوقد بشامخ ضلعها نار الاضياف




وعنتر على عبلة ركابه عقلها ... وشحوا عليه عيال سلمى بالانكاف




دار بها الشلقان صاغوا مثلها ... خويّهم شالوه من فوق الأكتاف




وقصة معشي الذيب محدِ جهلها ... يا من يعد الذيب من عرض الاضياف




وراع اللبون اللي علينا نزلها ... ترعى لبونة بالقريّة والاكناف




مالوم من روحه لحايل بذلها ... وأرخص لها قلب من الود ينلاف






قال معتاد بن روضان الوهبي الحربي بالشيخ فرحان ابن مكازي السعيد:




البارحه بالقلب شيبن وتشييب= والقلب من طريا التفاريق شابي

شدوا عربنا فوق حرش العراقيب= وقت الضحى شفت الرحايل تجابي
وقامت تهل العين دمعه تصابيب= ماهو على اللي ينقشن الخضابي
على اولاد علي مدلهين الاجانيب= مع نزلهم كثره ثلاث النوابي
قلته وانا ماني مدور مواجيب= تلقى شهودي في مثاني جوابي
من قبلهم يذكر عطى شاته الذيب= عشاه يوم اقفت عليه ال****ي
عشران للطيب ومن يشتهي الطيب= واللاش من عهد الهلالات هابي





وقال الشيخ فرحان بن مكازي السعيد رحمه الله:





الرزق عند الله ولابيه تشكيك= واليا قضى رزقك ترى الموت لاقاك

الموت لو طالن لياليك ناصيك= تعرض على العمدان والقبر ملفاك
والطيب ماهو بس بالهرج ياتيك= ياغير من ياطى على درب الادراك
في ساعتن يوم اشهب العج غاطيك= يوم ان كلن يلتفت لك وينخاك
اللي اليا جت بالمجالس طواريك= يفرح به اللي حاضرن من دناياك
ياشبت تر كسب المراجل يعنيك= ياعاد ماتدرك مراجلك بصباك





وقال راضي الربوض في قصيده يمدح بها شمر ويوضح كرمها ورجالها المشهورين:




قومن غدت وسط العرب مثل الارجام= منهم ابن سعيد رفيع العلومي

الذيب يوم انه عوى يبي الاغنام= قلط خروفه له طري اللحومي
جر الخروف وبشر الذيب ضرغام= يقول ضيفة من عنانا لزومي

والنعم بهم

يسلموا الايادي

اختي

تقبلي مروري

وقصة معشي الذيب محدِ جهلها ... يا من يعد الذيب من عرض الاضياف

هذا الكلام الصحيح
ولآ المسلسلات همهم كيف يزين المسلسل بعيد عن الحقيقه

معشي الذيب معروف بصيته
ولآ أحد سبقه عليه
الله يرحمه ويرحم امواتنا واموات المسلمين



بنت الطنايا

لاهنتي على النقل الرائع

بـــنــت الـطـنـايـا

لاهنتي على نقل هالقصة

والقصة والله ترفع راس كل شمري

والله يرحم معشي الذيب

تحيااااااتي

والله والنعم بالعليان وفيك اكثر ومشكوره على النقل اختنا بنت الطنااايا