ديوان الشاعر / أحمد الجريفاني

عاشقك شمري خاله يصير سهلي ..!!!

	لاصفا لي ودادك خلي السهر لي=واهتني في منامك واتركيني اهيم اعرف انك تحبيني وتصخين لي=واعرف انه بوسط القلب حبك مقيم عذبيني بحبك واسرفي واجهلي=جنة الناس عندي في غيابك جحيم صاليتني على نار الموده صلي=ماتمنيت لوني من غرامك سليم سوي اللي تبينه بي ولا تسالي=آ ه ياحلو سهمك صابني باالصميم انتي اللي تنور جيته محفلي=بين ذوقن رفيع وبين شكلن عديم وسعي خاطرك باالحيل واتدللي=كان ماعطيتك الدنيا فلاني كريم اركب الغيم عند مشاهدك واعتلي=وارفع الراس بين الناس كني زعيم ياعنود النفود ارجوك لا تجفلي=من اسيرن خذا عقله تعزال ريم بك سلوم الشماليه وريحة هلي=يا زهور الخزامى لاطرقها النسيم تشرب الروح من حبك ولا تمتلي=يبستها عواصيف الزمان العقيم لو كسا الغيم حبك لازمن ينجلي=المطر ما يجي يا شوق من دون غيم ما زهى لي هوى من دوروا مقتلي=صادق اللي يقول ان القديم النديم عاشقك شمري خاله يصير سهلي=من رجالٍ تماناهم جميع الحريم

مثـــــــل بنــــــــت الــــــــبلد ما فيـــــــــــه ..!!!

	لا يغرك خداع مكبرات الـردوف=والنهـود الصناعيـه بحفلـة طـرب الشعر صنع لندن والخـدود معـروف=نفخوها وسـط باريـس للـي تحـب لجـل فستانهـا يثبـت بليـا كتـوف=فصلوا له قبـل تطلـع تغنـي خشـب يوم شفته على الشاشه صفقت الكفوف=قلت ياليتهـا حظـي كليـت المطـب صوروها بعينك ياالمغفًـل هنـوف=ولو تمقلت عينه شفـت شيٍ عجـب صابغينه با الاسود تقل كشًة خروف=قبل تبـدا تغنـي ركبـوا لـه هـدب الاضـاءه عثت فيها تصيـح اوف اوف=ساح مكياجها والكحـل كـوًن شنـب لو نظرته من قريٍب تولاك خـوف=وين ذاك الجمال اللـي لعقلـك سلـب دام لك عين عميا وين عقلك يشـوف=كل من شاهده عن قرب نـزُ وهـرب عفت باسبابها ساره ونـوره ونـوف=بعت سحر العذارى واشتريت الجـرب ضاعت العشقة اللي مسكنه وسط جوف =كيف ضيعتها من شـان كومـة كـرب لو تحسفت ماتغنيك كثـر الحسـوف=الغبي يحسب ان البحر ميًه عذب مثل بنت البلد مافيـه مهمـا تطـوف=ما ينولك من التـدوار غيـر التعـب بنت متربيه في حال زوجـه تـروف=به جمالين شكـل وروح وايضـا ادب اسال الشمس يا جاهل بسر الكسوف=تعرف اش قال من حاول يطول العنـب

ما يـــــــــــكتبون الشـــــــــــعر لكن (يعانون)!!! ..

	ما يكتبون الشعر لكن يعانون=لو يكتبون الشعر ذابوا قصايد الليل يمضي باكمله ما ينامون=محدن يلوم مسهرين الوسايد لو فيه حل اليا بكوا كان يبكون=ذبلت محاجرهم بليا فوايد الحب خلى حالهم دون في دون=جرح الغلى لاحرم الوصل كايد حيين لكن كل لحظه يموتون=يموت جرح ويخلفنه جدايد ما يقبلون اللوم لو يزعل الكون=العذل فيهم والحكي ماهو فايد ما فيه حل الا انهم ما يحبون=لا يسمعك من صار قلبه وقايد ما يكتبون الشعر بس يتحدون=كل الظروف وباليات العوايد العاشق المذبوح لو بات مطعون=ما يلتفت لاشوار كل البدايد يطيع قلبه لو تقول انت مجنون ؟=يرد من حطك لجرحي سنايد! انا طعني با القفى سهم مظنون=اما انت خلك يابن الاجواد نايد انا جنوني عندي اعتبره فنون=عن قيس لا ناقص ولاني بزايد

هذه مجموعة من قصائدي بالصوت في امسيات رالي حائل الدولي

مجموعة قصائد بالصوت !!! ..

بساتين الغلا :
http://www.alsh3r.com/voice.330.html

حائل :

http://www.alsh3r.com/voice.329.html

حكامنا :

http://www.alsh3r.com/voice.328.html

رد على ( ناصر القحطاني ) :

http://www.alsh3r.com/voice.327.html

مثل الجبل :

http://www.alsh3r.com/voice.326.html

ودعتني ؟ :

http://www.alsh3r.com/voice.325.html

يوم العذارى :

http://www.alsh3r.com/voice.324.html

انشودة الحزن :

http://www.alsh3r.com/voice.323.html

الضيم والذل :

http://www.alsh3r.com/voice.322.html

الشايب :
http://www.alsh3r.com/voice.321.html

البحر :
http://www.alsh3r.com/voice.320.html

كويــــــــــتني واخـــــــــــفيت عني عـــــــــــلاجي !!

	طلبت عين الشمس عودٍ من الضي=في حلكة الظلماء يولِّع سراجي قالت لي ابشر ثم غابت عن الحي=وانا لعين الشمس مازلت راجي لا مر عامٍ قلت ابنتظره شوي=ياعل صبري ينتهي بانفراجي عشرين عام انطر ولا شفت انا شي=غير الظلام وحيرتي واحتياجي عشرين عام ومهجتي جرحها نيء=اكابد الحسرات شربي هماجي الناس قالت وشلك بطرد مقفي=ماطعتهم و اليوم صعبٍ خراجي حكَّمت قلبي واثري القلب مخطي=الفوت فات ولا يفيد احتجاجي حفرت قبري ياهل العرف بيدي=يوم اتبع المقفي لموتٍ مفاجي رحت ابي اعالج قالوا الجرح مبطي=العالم الله كآنك انسان ناجي وبدأ يبيع الياس فيني ويشري=وضاقت يعيني واسعات الفجاجي وجيت ابي اقوم وعيّت الرجل تمشي=كني سجينٍ حال دونه سياجي وامسى نديمي كسرة سراج مطفي=لاليلي انصفني ولا الصبح باجي عزاه من خلٍ ذبحني واناحي=سكناي الأرض وهو سكن برج عاجي حسيبك الله كآنك اسرفت بالغي=كيف العزيز يصير برضاك لاجي ياما دعيتك ريم وخشيف وظبي=ولا هقيت انك تعكّر مزآجي تركتني في قاعة البير مرمي=ولعبت بي لعب الطفل بالعياجي آخر علاج العله الخافيه كي=كويتني واخفيت عني علاجي

الى شقيقتي الغالية بعد عام عل فراقها..!!!

	ما نزل دمع يشفع لي بوقت المصاب=با العزا ما به احدن قال عني حزين مبتسم تقل ما با القلب طعنة حراب=راودن شك بان الحزن دمعات عين قمت اهوجس وادير الفكر وشلون غاب=عن عيوني هذاك القبر واللي دفين قبل (برزان) في (صديان ) حفر التراب=عقب (برزان) في (صديان ) لبنه وطين مدري شلون جيت ومدري من اي باب=مدري شلون رحت ومدري عن اي شين المصاب الجلل ينسيك ما با الكتاب=ربي اغفر وسامح غفلة الغافلين زل وقت المواسى حل وقت العذاب=عقب ما الناس تقفي كل مابي يبين ادري اني بعاني لوعة الاغتراب=كيف وانتي غلاي ومهجتي والظنين يام عبدالسلام القلب بقفاك شاب=في غيابك يشيب الطفل في ساعتين عشت معك الطفوله والجهل والشباب=عشت معك الرجوله والولع والحنين قاصرين و يتامى زادنا الاحتساب=كسرة الخبز نقسمها الي وجبتين يمضي العيد ما نلبس جديد الثياب=ما طلبنا سوى المعبود ربي يعين ربنا قال من يصبر بامره يثاب=يا الهي رجيتك ثبٍت الصابرين ماحدن وجه لوجهك سواله وخاب=طالبك تجمعن به يرحم الراحمين انت رب البريه رب يوم الحساب=اسكن اختي جنانك يا القوي المتين

مرثيتي للصديق الامير طلال الرشيد (يرحمه الله) !!! ..

	مـن اللـي يعـزّى فيـك ياسيّـد الشعـار=هلك او هلـي او كـل مـن قـال ياطيّـب أعزي مزون الغيـث والا قريـب او جـار=( شبية المطر )، يبكيك ( أجا ) دمعه يشيّـب ولو شفت ( سلمى ) دمعها جـارين مـدرار=تشوف الدبـش بتلاعهـا صـار متسيّـب وحزنت لك ( السمراء ) مع ان الجبال احجار=تعرف ان من تحت الثـرى شهـم وقريّـب تأثر جبـل شمّـر لفقـدك وصـاح وثـآر=بـدى حايـرن مذهـول وجـلٍ ومتهـيّـب شكـى غيبتـك حاتـم فقـد شبتـك للنـار=وحتـى ( قليـب الشيـخ ) بغيابـك قليّـب تعال أمش ( لتوارن ) مع ان الجبـال كثـار=تشوف ان واديهـا غـدى عقبـك شعيّـب بكـوك اليتامـى والمساكيـن والخـطّـار=بكاك الكرم والطيب (وركان ) (وشطيّـب) بكـوك الفقـارى وهملـت دمعـة التجـار=لانـك لكـل النـاس متواضـع حبـيّـب ولانـك سليـل المجـد والمرجلـة والكـار=سليـل (الطنايـا )حافـظ السّلـم ومغـيّـب دلالـك تبهّـر هيـل مابهـرت مسـمـار=ورآسـك رفيـع ولابتـك علمهـم طيّـب وبالليلـة الظلمـا تـرى تفقـد الاقـمـار=طلال انت حاضـر لـو يقولـون متغيّـب لك الطلـة اللـي تسعـد القلـب والاعمـار=ولك ريحة العنبر ولـو مـا أنـت متطيّـب علومك وذكـرك يالبناخـي علـوم اكبـار=ولا احدن وجد بـك خصلـتن يمكـن تعيّـب عسى الله خـلاق البشـر كاتـب الاعمـار=ينجيـك والله لادعــي مـاهـو يخـيّـب

الحدث با الجنوب وشاب راس الشمال (رثائي لشهيدات حائل) !!! ..

	أظلم الكون واهتزًت رواس الجبال=شققت جيبها (سلمى) و(أجأ) له عويل علم يوم الاحد ماهو للاجواد فال=ساعة الصبح (سبع) وكنها (سبع) ليل الحدث با الجنوب وشاب راس الشمال=(الجدي) قبل كل الناس عزا (سهيل) غادرن حضن حايل وافيات الخصال=حسبنا الله رب الكون نعم الوكيل فيهن الحامل اللي تنتظر له عيال=زوجها وافي الاشبار نعم الحليل وفيهن اللي تمنوها خيار الرجال=وفيهن اللي خطيبه شخص ماله مثيل وفيهن اللي مدللها ابوها دلال=كل ما ودًعه لازم دموعه تسيل يوم قالوا توفت صاب عقله هبال=طار من مجلسه مذهول مثل الخبيل من يلومه وحايل حالها غير حال=وحمل سكانها با الفقد حملن ثقيل يا الله اني طلبتك يا عظيم الجلال=يا الكريم الرحيم المستعان الجليل ترحم اللي لفنًك من بنات الحلال=رحمتك يا ولي العرش ماله بديل ما لجينا لغيرك با الرجا والسؤال=صبٍر قلوبنا يارب صبرًا جميل

ما كل زول يعوْض في عشرته زول !!! ..

	تسمعي يا الناشده ويش ابا اقول=من يجهله سر المعاناة يوحي انشر قصيدي ما تسلفت منقول=يللي دخلك الشك في نبض روحي وش تقصدين بكلمتك(غيرمعقول)=ان كان شعري ما يناسبك روحي انا مع الاحزان وافي على طول=يوم فهمتني صادقتني جروحيِ اللي معك يا بنت با الياس مقتول=نور الفرج عيا لعينه يلوحي من عقب ماهو شامخٍ مثل (ابا الهول)=عجزت عزومه لا تنال السفوحي فكره غدى من عقب الاوناس مشلول=يشرب كدر عقب الطرب و المزوحي ما له ونيس مدهور الفكر معزول=تنزف شرايينه ودمه يفوحي وش ينفعه لو قالت الناس يحًول=ما دام وقته با السعاده شحوحي عين القهر لاصرت مذموم ماكول=وامسى مصيرك عند نذلٍ بجوحي الوقت لامن صار ناويك بنزول=ينسونك ابواب الامل والطموحي من غاب خلٍي ما تمنيت مجمول=ولا همني من يطربه كثر نوحي ما كل زول يعوْض في عشرته زول=والا مثل نور الشمس تلقى وضوحي لا داعب اذني صوت دافي و معسول=ذكرت صوتك يابعد روح روحي

الوقت هذا صار وقت المشالح !!! ..

	اذا غلطت وقلت غلطان سامح=افضل ؟ او ان رديت ماني بغلطان؟ احيان تغلط وانت قصدك تمازح=ما جا ببالك يفهم المزح حقران المزح لو جا بعض الاحيان جارح=لازم نعدُه بيننا زلًة لسان اللي يحبك مايدوٍر مصالح=تلقاه لا شاف الخطأ يصْلح الشآن يحكم على النيه وصدق الجوارح=ماهو على التخمين من دون برهان وش يكسب الفاسد ليا قيل صالح=ما يلحقه يا كود خيبه و نقصان ياكثر من جربت ماهوب فالح=الزول كشخه لكن الفكر تعبان لامن مسك له سالفه طار فارح=عمره كبير ولا حكى حكي بزران لاذاق حالي قال با الحيل مالح=ولا شاف ناقص قال ذا اكمل انسان الوقت هذا صار وقت المشالح=ولًى زمان اللي لهم هيبه و شآن من يلبسه يمدح ولو كان طالح=مصدرغناته غسل مال وتمسكان حظيظ من با الآخره كان رابح=وحظيظ منهوا قابل الظلم باحسان