يامصورين القاف يامصورينه

السلام عليكم ورحمة الله وبركاته ..... وبعد

رساله الى جميع من شارك وجاهر وتباها في حب الاجنبيه بنت الرئيس ترامب

يامصورين القاف يامصورينه = تعوذوا واقروا بعد معوذاته
تحصنوا بالدين ياعارفينه = ربع الحميه للعفيفات هاته
بنت العرب والعرب تكرم يمينه = مشيمة نفسه وتكرم صفاته
بنت العرب تبقى وتبقى ثمينه = محشمه تبدي فرايض صلاته
تكرم معزتها وتكرم يدينه = بنت الوطن متحشمه في عباته
ياللي تبي من عينة الغرب عينه = وش معجبك والا نباتك نباته
بنت الذي غرك مجاهر كمينه = بنت العروبه معربه معجزاته
ماتشرب الدخان والفخفخينه = ولادوجت مع كل تارك صلاته
متحصنه بالدين والدين دينه = والارض ارضه كرم الله ذاته
الطين يبقى طول الايام طينه = ومجاهر الشعار ومكايداته
ماخذ بنات الغرب من هايمينه = اموت ذئب بعزتي عن الشماته
مهما عطوني فوق مهره مدينه = ولو سلموني سلطة معسكراته
حتى لو اني ماملك اشياء ثمينه = ولو حققوا حلمي بيوم امنياته
ابقى على ارضي مع مواطنينه = لو الفقر حاشه وموت نباته

الشاعر/ منصور البخيتان

صح بوح منطوقك ولسانك

منصور البخيتان
صح السانك بحجم السماء
تقديري لك ثم لك

شاعرنا القدير منصور البخيتان
خالي ابو ريان
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صدقت
احسنت القول
ربي يحفظ بلادنا وبلاد المسلمين من شر الفتن
وعسى الله يهدي شباب المسلمين الى طريق الصواب
صح لسانك اخوي منصور بارك الله فيك لاهنت ...

عمي بو بخيتان صح لسانك ياحيي

الشاعر منصور البخيتان
صح السانك

يسلم لسانك وبنانك

ودي وتقديري

صدقت
احسنت القول
ربي يحفظ بلادنا وبلاد المسلمين من شر الفتن
وعسى الله يهدي شباب المسلمين الى طريق الصواب
صح لسانك اخوي منصور بارك الله فيك لاهنت ...
بيض الله وجهك يابوبخيتان

صح بدنكم جميعاً