خالد جدعان اللغيصم ونخوة حربي له من أهل الحفر

يا شيــخ أنا ماشي مع فجــــة النـــور=ماشن من الباطـــن على روس الأقــدام
متوجهن يمك من الضيــــم مقهــــور=وأنت دخـــيلك يا لتجى فيــــك مانظـــام
متخيرن بيتك من بيـــــوت واقصور=بيــت اللغيصـم غـــايتي دون الأنـــــام
يا خالد الجدعان ما جيت مســـــرور=بس السرور إن صرت في كـفي احسام
لي خمسة سنين ٍ من الـــدين مقبـــور=والمقبرة ضــاقت على جثــــــــة أغـلام
الشرطة القشـــــــرا مع ألف ناطـور=قـــــــدام بيتي كــل يــــــوم ٍ لها ارزام
حتى عجوزي خاطره دوم مكســـور=كني سجينٍ ٍ حاكمينـــــه بالاعــــــــــدام
بالطيب والنوماس حصدت أنا الجور=وهذي ضريبه للكـــرم يابن الاكــــــرام
مامات ابو خوذه من الـــدين مفقــور=بين العــــــرب ذكـــره على مـــر الايام
وكريم سبـــــلا من زبن فيه منصور=الاســــــلمي بالطيب تُــرفع له اعــــلام
وخالد الجـــدعان طيبه له جـــــــذور=متـــوارثه ما بين خـــــــاله والاعمــــام
شيخ ٍ ولد شيخ ٍ على الطيب مفطــور=ماهي بشيخـــة سهم أو شيخـــــــة أرقام
الشيخ شيخ ومن زبن فيه معــــــذور=واللي زبن بالشيــــخ ماهـــــــــو بمنلام
كنت انتظر جيتك ياعـــــــالي السور=ظـــلك ولا ظل المعـــافن والأقـــــــزام
بنيت لك في خاطري سبعة قصـــور=اقصور هقــوة طيب ماهي بالأحــــــلام
ما دام بيت الشيــــــخ للعز معمـــور=ماظنتي أرجـــع بــــلا ثوب وإحـــــرام
يقولها حـــــربي من الدين محـــشور=عجـــز الورق من شيل همــــه والأقلام
نخيت انا خالد وقـــــــدام جمـــــهور=نخوة بـــدو ماهي ســــواليف واوهــــام
اليا عطى تخضّر في عيني البـــــور=وينام جفنن خمســــة ســـنين مانــــــــام
له عادة ينخي يفـــــزع بلا شــــعور=واليا طلبتـــــه حاجة ٍ قـــــال قـــــــــدام
وأنا نخيته من عنا الوقت مجبــــــور=ولا ظنتي ايخيب من حطــــه حــــــزام

وهذه على اليوتيوب

والحربي صاحب القصيدة الآن هو في سجن حفرالباطن بسبب الدين

الله يفك سجنه

منقوووووووول

والف نعم بابن لغيصم

عزالله كفو ولارايح ايقصر بحول الله

الله يفك عوق هالمسكين

ابوعادل
تسلم يمناك يابعدي

والله ونعم بالاجواد

ما قال هالأبيات الا على ساس

اسأل الله العلي القدير ان يفكـ اسره

واسر كل مأسور

تسلم يمينكـ اخونا القدير ابو عادل

وجزآآكـ الله خير ع النقل الخّير

هدف سامي

تحيآآآآآآآآآآآتي

لشخصكـ

اسأل الله العلي القدير ان يفكـ اسره

واسر كل مأسور

لاهنت بعد حيي

الله يفك أسر هالأجودي إن شاء الله

والشيخ خالد جدعان اللغيصم
ونعم الرجل وبحول الله مايقصرون شيوخ شمر

القدير أبو عادل

سرنا انضمامك لقافلتنا المتواضعة بارك الله فيك ولنا الشرف بزمالتك
لاهنت على النقل يالعزوة


تقديري لسمو شخصك الكريم ؛؛؛

لاحول ولاقوة الابالله

قام الله في عون الرجل

تسلم ابو عادل

مشكوووووور والله يعطيك الف عافيه
اسال الله الكريم يفك اسره

والله يابو عادل قصيدة الحربي تهز الجباال كان الله بعون ابن اللغيصم وفك الله اسر الحربي

مشكور يابو عادل على النقل الجميل

دمت بالف خير

نقل رائع اخي ابو عادل الله يعافيك

والحربي زبن على جبل وبأذن الله

الله يعين ابن لغيصم ولكن من نصاه ماخاب

اسأل الله له التوفيق

الشيخ خالد بن جدعان اللغيصم
هواهل لها

تسجيل اعجاب