مساجله بيني وبين الشاعر\ حجي الزعيلي الشمري

(( بســـــم الله الرحمــــــــــــن الرحيــــــــــــم ))


هذه قصيده للشاعــــــــر/ حجــــــي بن صالــــح الزعيلـــــي الشريهــــي يمدح التريبــــــان

ياراكب اللي يانطلق كنه الباز= شد الخواجه مــــن حديث الطــــرازي
مجهزٍمابين سفتي وهزاز =منوت غريــــــــــبٍ للمسيرامتـــــــوازي
سلّم على ربعٍ كريمين واعزاز = كرام اللحا هلاالنفوس العـــــــــزازي
تاريخهم بين التواريخ يمتاز=حـــــازوعلوم المرجله بامتيـــــــــــــازي
هم عزوتي عزّي الى كنت معتاز= اللي بهم فخري وكل اعتــــــــزازي
نالووسام المجدوالكل بـــــــه حاز = ماعانقوطرق الرداوالمخـــــــــازي
كبارالبيوت وفرشهازل شيـــــراز= تعجب بها لوكان بيتـــــــــك قزازي
ابوابهم ماسكروها بمجـــــــــــلاز= مفتوحتٍ للضيف هووالمجـــــــازي
وادلالهم دايم علـــــــى شعلة الغاز= فنجالهن يشبه لـــدم الجــــــــــوازي
ومجالسٍ مايدهله كـــــــــــــل لماّز= مدهل نفوسٍ ماوجدبـــــه حزازي
عن ربعي الدهمان مانــــي بمنحاز= لواعتزل عنهم فلاني بعـــــــــازي
طرات بالي شوفهم يابوفــــــــــــواّز = لاكن ضروفي بادرت باحتجازي
الطيب ماهوبس بالحكي ينحـــــــــاز = يقوله لاول موارث مكـــــــــازي
من يفعل المعروف للصبريعتـــــــاز= ومن لادركه تاجب عليه التعــازي
وصلات ربي عــــــد سكان الاهواز=على حبيبٍ مسكنه بالحجـــــــازي

وهذا رد الشاعر/ مشعـــل بن عســام التريبانـــي الشمـري على حجــــــي الزعيلــي الشمــري

البارحة خـــــــــط القلم يكتب ارماز = من شاعرٍ ماهو عن الشعرعــــــازي
حي البيوت اللــــــي لفتني بالاعجاز= من واحدٍ يمدح ربوعٍ عـــــــــــزازي
حجي ولد صالح بكسب الوفا فــــــاز= بالمدح والناموس والطيب فـــــــازي
من لابتٍ عندي قديرين واعـــــــزاز = امدح هلاالمحاء بعاد المغـــــــــــازي
من صلب علي اللي له امجاد وانجاز= درع الجبال النايفات النـــــــــــــوازي
اللي بحزات الوغاءلــــــــــــلوفاحاز= يوم الرماح ويوم وقــــــــت المغازي
يوم الردي للمجد مـــــا نال الاحراز = يركي على كبـــــــد المعادي حزازي
جد ك صليب الراي بالفعل يمتـــــاز = علي غريب الدار ضلــــــــعٍ عزازي
مهي غريبه منك للربع الاعـــــــزاز = هاذي سوات اللي لامجــــــــاد حازي
تمدح على المكشوف ماهوبـــالالغاز = ولازم نرد المدح للــــي يجــــــازي
واناءاحمدالله لابتـــي فعلهم عـــــــاز= حلوين للطيب للاعـــــــداءنحــازي
رفيقهم لوقال ابــا جزي مهوجــــــاز= لوجا يعزالقلب مــــــــاهوبعـــــازي
حلوين للجيران عـــــــــــزٍ للاعزاز = مثل الذهب دايم ثقيل المــــــــــرازي
سجلت في بيض الورق كــــل ماجاز = عندي على نظم البيوت احتـــرازي
اغوص فـــي بحر التماثيل واجتـــاز= واطغى على غوص المثل باجتيازي

شـاعـرنـا الـقـديــر

مــشــعــل الـتـريـبـانـي

صــح الـلـه لـسـانـكـ

ولـسـان بــن صــالــح

ويـسـتـاهـلـون الـتـريـبـان

تـقـبـل مـروري الـمـتـواضــع

دمــت بـــووود لا يـنـتـهـي

خـالـص شــكــري

وصـادق وووودي

لـسـمـو شـخـصـك

الـكـريـــم

صح السانك الشاعر مشعل التريباني
وصح السان الشاعر حجي الشريهي

امتعتونا بتميزكم الله لا يضركم

تقديري،،،

صح لسان راع الملحا وصح لسانك ياأخو الدهمان

شعراء متميزين ومبدعين بكل شي وانتم وربعكم كفو

وتستاهلون المدح والشعر ونفتخر بكم اول وهالحين

لكم تحياتي

صح السانك الشاعر مشعل التريباني
وصح السان الشاعر حجي الشريهي

امتعتونا بتميزكم الله لا يضركم

تسلم يابعد حيي

شاعرنا الكبير والقدير مشعل التريباني

أبو عبدالرحمن

صح السانك والسان الشاعر القدير حجي الشريهي
مدد بلا عدد يالعزوة

تقديري لسمو شخصك الكريم ؛؛؛

بارك الله في شعرائنا


وجزاكم ربي الجنه

جميع الاخوان الافاضل شكرا لكم على المرور والاطرى الله لايهينكم بيض الله وجيهكم الجميع منكم

مشعل لاهنت ولاهان حجي
شعار من الوزن الثقيل

وبلا ادنى شك التريبان يستاهلون واكثر

صح لسانك ولسان الشاعر حجي

على هالابدااااااااع الا محدود

صح السانك الف

شاعرنا وصح السان الشريهي