محكمه لا ظلم بها

بسم الله الرحمن الريم

الشاعر \مشعل عسام الشمري

(محكمة لاظلم بها)

الا يا عزيز الجاه يالواحد المنّـــــــــان = ياوزنة الاعمال ثقّل موازينـــــــــــي
يارب انا ارج العفو والصفح والغفران = يارب من سطوة عذابك تنجّينــــــــي
في ساعةٍ ماينفع العـــم والاخــــــــوان= تحشربها الاخيارهم والشياطينـــــــي
حفاتٍ عراتٍ غرل تسأل عن اللي كان = في محكمة عدلٍ بليا محامينــــــــــــي
يحكم بها اللي عالمٍ خايــــــــن الاعيان = اللي بعدله كوّن آدم مــــن الطينــــــي
على سراطك نجّ عبدك من النيـــــران = ارجي ثوابك يالولي لاتخلينـــــــــــــي
في ساعةٍ فيها البشر شخّص الاذهــان = الى دنة شمس الضحى قدرميلينـــــــي
في يوم يلجم بالعرق ناقص الايمــــان = يارب من ســــــــو الخواتيم تنجينــــي
في يوم تشهد به على فعلي الاركــــان = ماسوّت الرجلين تشهد به ايدينـــــــــي
يومٍ يبين الصدق ويبيّن الخـــــــــــوّان = تبين السرايرفيه مايختفي شينـــــي
يارب ترحم ظعفنا ياعظيم الشــــــــان = في ساعةٍ غيرالعمل مـــــن يسلينــي
الى فقدنا الاهل والمال والجيــــــــران = ورحنا من الدنيا بمقدارمترينـــــــــي
يالله عساني مع هلا الخيرلـــي مسكان = يارب من جيرت هلا الشرتذرينــــي
ياواحدٍ من لاذ بحماك ماينهــــــــــــان = عسانا من اللي مع هلا الخيرماشيني
امين يااللي عالمٍ بالخفـــــا واعــــــلان= عسانا على سنّة رسولك حريصينـي
ياعاصمٍ يوسف من الذل والخــــــذلان= يامهلكٍ فرعون منجي هلا الدينـــــي
ياكافلٍ موسى ببيـــت اكبـــــــرالعدوان= ومليت لأم الطفـــــــل لا لاتخافينــي
لاتحزني وابنك تحــــت رحمة الرحمن=) ولابد مايبلغ مقـــــــــام السلاطينــي
اعوذ بك والجى لعفــــوك عن الحرمان = يارب جنبني طريق الشقيينــــــــــي
وصلوعدد مالاح برقٍ ومزنــــــه بـــان = على نبيٍ كمّل الله به الدينـــــــــــي

في ساعةٍ ماينفع العـــم والاخــــــــوان (3) تحشربها الاخيارهم والشياطينـــــــي

صح لسانك يا أبو عبدالرحمن ...

قصيدة معبرة ,,,

عليه افضل الصلاه والسلام

صح الله السانك والله يا قانا وياقاك يا ابو عبدالرحمن قصيده رائعه فيها من الرهبه والدعاء

تقبل مرورى واحترامي

اللهم صلي وسلم على نبينا محمد

شاعرنا الكبير الفاضل مشعل التريباني
صح السانك مدد بلا عدد

تقديري لشخصكم الكريم ؛؛؛

صح السانك شاعرنا المميز
التريباني مشعل

تقديري لك

شكرالجميع الاخوان والاخوات على الردود الذي نتشرف بها ولايستغرب منهم ذلك الله لايهينكم جميعا

صح لسانك يابو عبدالرحمن وإستجاب الله دعاءك آمين.

وصلى الله لى نبينا محمد وآله وسلم.

اللهم صلي وسلم على نبينا محمد
شاعرنا الكبير الفاضل مشعل التريباني
صح السانك مدد بلا عدد
تقديري لشخصكم الكريم

الاخوان والاخوات الافاضل والفاضلات شكرالكم جميعا على الاطرى الله لايهينكم

اللهم صلي وسلم على خير البريه وعلى اله وصحبه الى يوم يبعثون

اللهم امين

نهر الشعر العذب ومدرسة العقل الراجح

ابو عبدالرحمن

صح لسانك على هالابتهاليه الي نقلتنا لاجواء الروحانيه والايمانيات

نص لمؤمن شامخ لا تزيده حاجته الى الله سبحانه الا علوا ورفعه وشموخ

هنا يكتب ابو عبدالرحمن كعادته بوعي وجزاله واتقان وتفرد وايمان ونضج

الله يطول عمرك على طاعته ويختم لنا على مايرضيه ويظلنا بظله يوم لا ظل الا ظله

تقديري