شمر أهـل المـدح في كـل العـصور /// وشمر أهل الطـيب وافـين الشـبور ::: وشمـر اللي مجـدهـم فـالكـون نور /// وهذا كلامي وعندي عليه الدلايل

ديرة أهل المدح وأهـل الـمجد في شتى الوسايل

يـشـهـد الـتاريخ لـرجـال ٍ مـا تـأخـذ في ذممها



الـرجـال الـلي مـواقـفـها ما تجهــلـهـا الـقـبـايـل

الـرجـال الــلي فــعــايـلهـا تعــبـر عـن قـيـمها




الـرجـال الـلي تـبـيـن أفـعـالـهـم لأقــلــت حـايـل

يـفـتـخـر حـايـل بشـمـر لـن مـجـده من قـدمها




من عـصر حاتـم إلى هـلحـين وشهود المـثايـل

سـمـعـة ٍ يـشـهـد لها التـاريخ والـطـائـي وســمهـا




اسم حايـل واسـم شـمر رمـز وأمـجـاد ودلايـل

من قـديـم الـوقـت سـمعـة شمر يرفرف علمها




ذكـرهـم بـيـن الـقـبـائـل دائـم ٍ فـي راس طـايـل

الـكـرم رمـز وكـرم هـذا الـقبـيـلة وســط دمها




الـغـلا داخـل ضـمـيري كـوم ويـفـوق الـرسايـل

لن شــمر منـبع الـنـخـوات عـندي وأحـتـرمها




شـفـت ما يـذكـر بعـيني مـا رويـتـه قـول قـايـل

وترجم إحساسي بيوتٍ في هل المدح أغتـنمها




الوفـاء طـبع الرجال اللي يـعـرفــون الجـمـايـل

والـسـلـوم إلهـا رجـال يا عـسانـي ما عـدمهـا




موجـز الـتعبـيـر رمـز الـجود في شمر وحايـل

ولـو ذكرت أجا وسـلمى ذكـر شمر من خدمها