❀❤ ➹ ❀ودي اعرف بغيبتي وش تسوين ❤ ➹ ❀

يعني افترقنا ماتجي عنك اخبار ** ودي اعرف بغيبتي وش تسوين

ودي اعرف لضحكت القلب وش صار ** وش لون لمى لسوالف تحنين

للحين ضحكاتك نواوير وازهار ** للحين بسماتك بها برد تشرين

للحينها عيونك بها برق وامطار ** بعدك الى منه طرا البعد تبكين

للحينها تجري تحت كفك انهار ** للحين وسط المحفظه صورة الشين

بعد الوساده تكتنز كل الاسرار ** بعدك تصلين الشفع ولا تنامين

هي بعدها يدينك بها نور واسوار ** هو بعدها الدولاب بحزن الفساتين

احمر شفاتك تضل في لونه النار** اذا بهت مثل الزمن لاتقولين

بعدوه الشدو يعمل على عينك احصار** باقي حزينه بكلتك والتلاوين

باقي الحمام الي على ليل واجدار ** للحين يبكي لك وانتي تغنين

باقي عصافيرك على نفس الاشجار** في نفسها الركوه ونفس الفناجين

للحينه باقي لي معك اي تذكار ** عطري بقايا ساعتي والدواوين

شفتي افترقنا وين ودتنا الاعمار ** شفتي كبرت وصار عندي بزارين

ماعدت ادور لجل اراضيك اعذار ** ماني مصدق صار عادي تغيبين

الله يسهل لك مشاوير واسفار ** تفتح بوجهك وين مانتي تروحين

قولي عشقني بس خانته الاقدار** ولا اتركيها واسكتي لاتقولين

لحظه ذكرتك طاح عن وجهي استار ** قمت اتذكر ضحكتك من تمرين

افراق عادي ماابي غير الاخبار ** نفسي اعرف بغيبتي وش تسوين


كتبتها من انشوده راقت لي


الشاعر عارف سرور

تسلم يمينك
كل الشكر يافاضله

يسلموا الايادي هايدي
خالص التحايا لك

سلمت يمينك


تحيتي

بانتظار جديدك

اقتباس المشاركة الأصلية كتبت بواسطة عساف نجد تسلم يمينك كل الشكر يافاضله

ويمينك خيوو العفوو

اقتباس المشاركة الأصلية كتبت بواسطة المشرف العام يسلموا الايادي هايدي خالص التحايا لك

واياديك

ربي يسعدك

اقتباس المشاركة الأصلية كتبت بواسطة نداء الغيداني سلمت يمينك تحيتي بانتظار جديدك

ويمينك ربي يسعدكـ

منور

شكرا يا الغالية على الموضوع

العفوو نورت احمد

رائعه هيوده .
إنتقاء جيد ... خآلص تقديري
لروحك الطيبه .. يارآئعه