ديوان الشاعر / ضاري الزوبعي

مداعبة شعرية لاخوي عبد العزيز بن حشيان

	عبد العزيز يقول لا تكرر القاف =هذا خلل في نظم شعرك وقافه مسموح يا شعري ولا منك خلاف =لو كان كل الناس ...تفهم خلافه الشعر ما جبناه من ..عند عراف =ولا جيت اوضح ..غايته واعترافه اللي كسبته من تواريخ الاسلاف =لو جاك من يحتاج عطه استلافه الي يجيك بدون حاجات ينعاف=لو كان نفسك عارضت لا تعافه من عادتي ماني خضوع وخواف =الا كلام الله... نفسي ...تخافه وان جيتني جيتك على الورد قطاف =واهدي ورود الشعر حين اقتطافه في منتدانا ..يجذبك شعر واشراف =على النقى والطيب ما من كلافه

يا سالم الجينات تلعب دوره

	يا سالم الجينات تلعب.. دوره =وابياتنا...ماهي تجي مكسوره مثلك عريب الساس فعله واضح=فيك المعاني بالفخر ....محفوره غالي علينا من غلاة جدودك=الشمس ما يخفى علينا نوره سلم على اللي صبحهم فيروزي=والله يرحم طاري.. الشحروره وان جيت بيروت الجميلة سلم =على الصبايا وخوذ لك قزدوره من شارع الحمرا ..لحد الروشه=صيف معاهم واركب الشختوره اصحاب كنا ..والوفا يجمعنا =من قبل لاتقبع بدراي ثوره اللي ..يدور تفرقتنا.... يبطي =ما يدري انا ما تبعنا..... شوره ومن باب تلطيف المعاني جيتك=هذي نصيحه بالشعر.. مسطوره اليا رماك الحب سهم وروح =لا تعشق الا ...فاتنة فرفوه اللي جديله مثل ليل.. العاشق=واليا اقبلت هبت عليك عطوره ما جيت اوضح بالشعر ابداعي=للشعر ناسن تفهمه من صوره لا لاح لك بالفيس شعر ل تركي=انا اعتبرني من ضمن جمهوره شعره جزيل وبالمعاني وافر=وابيات شعره بالعطا موفوره وان شفتني..والشوق لاعب فيني=خل السوالف بيننا...... مستوره

لو سمحتي كان تعطيني مجال

	لو سمحتي كان تعطيني مجال =انسي اللي راح وانسي ما حصل ما يموت الشوق لو طال الوصال=ولا طلبت الا من طيوفك وصل استبيحني ..غلا ..فوق الخيال =دام نبض القلب عندك.. متصل ناعمه فيك الغنج......فيك الدلال=وشامخه بالفعل من اصل وفصل اطربيني بالغلا ..وقولي ..تعال =واذبحيني بلا سيوف ولا نصل في عيونك سيف وافين الخصال=وانت اللي فيك من حسسنك خصل راحت (بتل كوشر )سنين وليال=في دياري والهوى يمك وصل من قرايا (زوبع) ..وحتى الشمال=متصل شوقي ولا هو منفصل

اسرار النهاية

	البداية ..لكل شخص ..لكن اسرار النهاية=الوفيين استمروا ..وراحوا اللي عابرين يا صديقي في طريقي كم عابر كم تايه =كم شفت واعترفت الوفا شيء ثمين يا سخافات الحسايف..لكل عابر من ورايا =كم طعنت وما استعنت الا برب العالمين لكل ماضي كان فاضي واعتراضي منتهايه=كم تجيني تعتريني كل ضيقات السنين احتويت ..واكتويت ما نسيت اللي معايه=و ما انكسرت وكم عذرت وخبت يالعذر السمين الوجيه اللي تجيني ما لها بالطيب غايه =والوجيه اللي نسيته مالها قدرن ثمين انت واحد منت شاهد وانتعاهد ...يا غلايه =يا بدايات الاماني...يا نهايات الحنين اهتمامي واحترامي في كلامي والحكايه =كلها قصة مشاعر ..والمشاعر تستعين بالقصايد والفرايد من قصيدي من عنايه =في حروفي سر جوفي اكتبه مدري لمين استوائي واحتوائي وازردائي يا منايه =للعقارب مو اقارب ابعد من اللي تهقين انثريني واجمعيني ..من شذا عبق الروايه =واكتبيني سطر واحد كان يمدي تكتبين استبدي واستعدي ..كان ودي يالمرايه =المح بوجهي عباره صادقه عبر الانين استقري فوق جمري واحضنيني يا هوايه=يكشفوني من عيوني واضح السر الدفين البداية ..كانت اوضح من تفاصيل النهاية=وبالنهاية ما يكمل معك ناسن عابرين

ياشعري الدنيا علامات ورموز ||واللعب عالحبلين ماهي شطاره

	يا شعري اللي ما مدح ساعة العوز=يا شعر عرف لي حديث الجساره يا شعري الدنيا علامات ورموز=واللعب عالحبلين ما هو شطاره يا شعر رمحك داخل الصدر مركوز=وشلون فاتتني هذيك العباره ارخصت بك ياشعر في مدح اراقوز=من ساس جده وارثين الحقاره ردي طبع وداخل النفس مهزوز=وحايز على وصف[الردي] بجداره يا شعر ماني من ورى القاف ملزوز=مير استلم واعطيك فيه استعاره اللي يشب النار في عيد نوروز=ماهو مثل من شب للضيف ناره والخلوة اللي من ورى دينها دروز=تنعاف دام الدين ..حدد مساره والضيعة اللي من ورى ضيعة الكوز=من ضاع به ما ضاع يلقى دياره والضيقة اللي من ورى ذلها لوز=فازوا به اللي شايلين المرارة بعض البشر خسارته مكسب وفوز=وبعض البشر مكسبه اكبر خساره

يا مشعل الغفيلات للشعر قيمة

	يا مشعل الغفيلات للشعر قيمه//=ما هو من اللي نكسبه.. بالوسايط والشعر حاجة في زمنا عظيمة//=يرسم مواقف مثل رسم الخرايط والنار ما يكويك باقي هشيمه// =لا صار جلدك في لهبها تشايط وبعض الرجال من الرجوله عديمه//=مثل اللبن ينعاف لا صار شايط بعض المديح اليوم صاير ظليمه//=قصوا على باب افتتاحه شرايط كل شي بالتصوير حتى العزيمه//=متناقله عبر الصور والوسايط قمنا ....ندور بالرياء الغنيمه// =بكل الامور اليوم ..صرنا نهايط والشعر باعوا شرهته في وليمه//=يصعب على اللي مدورين البسايط وانا ابتلشت..وما انغرمت بغريمه//=من يسترق للفهم من فوق حايط كل ما مدحت من الرجال الحشيمه//=الله وكيلك ابتلششش بالسقايط

اشباح تسكن في زوايا مدينة

	اشباحنا تسكن زوايا المدينة/=اللي رحلنا عنها قبل عامين وارواحنا في ماضياته سجينه/=بين البيوت اللي خياله من الطين كل الشوارع بالمدينه ..حزينه /=تخفي ملامح شوق بين المحبين كان الشتا ..يرسل علينا حنينه/=قصة وعد ما بين اغلى حبيبين برد العصر ..والليل قصة دفينه/=فيها كتبنا ..للمواعيد ..سطرين من قبل نشعر بالوله والسكينه /=واليوم تسكن في خيالي شياطين ومن قبل كانت امنياتي ثمينه /=واليوم مدري امنياتي على وين حلمي طفل ضايع بلا والدينه/=توه صغير ولا يدل العناوين يا حميد تذكر ما مضى في سنينه/=يوم القصايد ..طعمها غير هاللحين كان الشعر ..فيه البيوت الرصينه/=نشعر بها من قبل نكتب بويتين كان الشعر ..خيل الشعر معتلينه/ =ننظم بيوته..مثل نظم القوانين كان الشعر ..مثل الوطن محتمينه /=واليوم صار الشعر شرع المجانين كنا.. نتسامر والغلا ..خابرينه /=في ربعتك والناس بالناس لاهين كنت الفقير اللي بذل في يدينه/ =ما لا بذلوه اهل الغنى والملايين اودتك ..كانت للثقافه ..خزينه/=فيها تعلمنا ..الادب ..قمة الدين لو انها من طين ..يا زين طينه/=تقطر ليا جاها مطر في كوانين يا حميد هذا الوقت عسره ولينه/=والعسر ورثه ..يا اشقر العين يسرين انا ادري المشتاق لا ضم عينه/=يلمح خيال الماضي اللي من سنين اشباح تسكن في زوايا مدينه/=بين البيوت اللي جداره من الطين

طيور شلوى

	اشتياقك ..كيف ما يبليك بلوى =وان طريت اليوم في بالك تخطن وانت دلوك من ورى بيري تدلوى=والنوايا ..واضحه ..ناوي تشطن من تحدر دون عذر وما تعلوى =كان يمدي بعالي ظنونه يحطن ان قدرت اسلى واهاجر واتسلوى=من يجي غيري وسط قلبه توطن كان قصده ...بالمعاذير يتغلوى =ما فهمت القصد يالحكي ..المبطن من يدس السم ..ويغطيه حلوى=ما كلينا حلوته ....لو هي تقطن الجلاوي ..لو لقى ديره ...تجلوى =والفضايح لو لقن ستره.. تغطن من جهل شمر عرف بطيور شلوى=ومن تناسى فعلنا اليووم يتفطن

الكرسي اللي خدعنا فيه جمهوره

	فيك انخدعنا على ماقيل من صورة=وجيتك وماضي السنين المتعبه خلفي ويا دار منتي على الحالين منصوره =لا تقطعين... النسل يا دارنا خلفي جناتك اللي خلت ..يا دار من حوره =دام الكذب محكمة وش فايدة حلفي وما دام هذي رقاب القوم منحوره =يا كيف ابظفر وخانوا بالوعد حلفي والشمس يومي فقدت النور من نوره=ماني مدور وراك وانشدك يا الفي ولا تنشد اللي تنخوى بأسم : من نورة..؟=مير انتظر من وراها لدارهم يلفي والكرسي اللي خدعنا فيه جمهوره=يا كم طوابير فوقه ماخذه سلفي

صوتك يبيله كاس شاي وزقارة

	ضمن اللباقة واختلاف المفاهيم =لذة غرامك مفعمه بالجسسارة ورغم المسافة ما جهلت الترانيم=همسات صبحن بك يجدد نهاره يا لذة العدل بعيون المظاليم =ويا دمعتين اللي بكى في وقارة يا فرحة الصحراء اذا يحضنه غيم =يروى ضمى قاع كوتها الحرارة صدري مدينة حرب ليل وتعاتيم =فيك انفرج بعد انتكاسه حصاره بيت طرالي بالشعر فيه تصميم =فكرة نفضت من الدفاتر غباره (سولف وانا بنسى عنا الوقت واهيم =صوتك يبيله كاس شاي وزقاره)