شمر غنيه عن مديح الملايين

(( شـــمر غنيه عن مديح الملاييــن ))

يامــرحبا يا حمــود واعـــــداد ألفيـــن = وما تــضمـر المعــروف بيـــض النــوايا
واعـــداد ما تسجد اصفوف المصليــن =بارض الحــرم يرجــون دمـح الخطـــايا
واعــداد ماتـرمـش مــع جفنـها العـين = واعـــداد مـاســالت اشـــعاب وشـــــغايا
ردك وصــلني يـاســـليل الشــريفيـــن= حيــــث المشـــاعر بالمـــــوده مـــــلايا
غـــالي يابو نايــف وربــعك عــزيزين= وشـلون تــرخص وانت ربـعك طنــايا
انتــم عليـــنا يابــــن الاجــواد غاليــن= قـــول وفــعل ياحمود مـــاهي حــــكايا
منــكم صنـاديـــد الرجــــال المســمين = اللـــي فـــعايـــلهم بــــــكل الـــــــنحايا
حــقايقً مــن دون شــــكً وتـخميـــن= مثـــل القمـر ياحمــــود مــابه تـــــــهايا
بالبـــال حــاتم طـــي رمــز الكريمين=مــا يــعطي الا غــاليــــات الشــــــرايا
ماله شــــبيه ولا يجيــــــله امباريـن= بالجـــود حاتـــم طــــي ســوى ســـوايا
ومنـــكم ابو خـــوذه اكعام المعاديـن= مســــواط بــقعا مـــا يــــهاب المــــنايـا
خــلايف الجــربان ربـــعه ســـلاطين =ريـــف الضعيـــف ليــا ابلتـــه البــــلايا
عبـــد الكــريم اللي ابنـــوعه قليليـن= زبـــن الدخـــيل ومـــا لـجـوده نـــــهايا
هــذاك يعطـي فـــوق خيــله بعـــارين = وســمٌوه ابــو خـــوذه لكثــــر العطــايا
وزودً علــى هــــذا يفــــك المساجين =ودايـــم علــى الفــزعه اعــزومه قـــوايا
ومنــــكم سـند وآل الرشـيد الميامين =وهايـس واخــو صــلفه تـخوت الســرايا
وضــاري له التــاريخ سطر عنـاوين =مشــهود لــه مـن بــدوهــا والشـــــوايا
وابن الشــلاجي لاغدا الجمع جمعيـن =كــــفوً لـــها أغـــريب وفيـــــه الكفـــــايا
دخــيلهم فــي راس عيطا عن الشين = وحـــريبهم تــكثـــر عليــــه ,, النـــعايا
سـلمى واجــا واطـويق بحثولهن شين = وســــنجـار عنـــده غامــضات الخــــفايا
فـــعايلــن بالكـــون عليـٌـــه بـــراهين = وهــــــــذي عــوايـــــدهم اكـــــرام اللـــحايا
ادنـــاهم احــــلاهم ولا هـــم رخيصين= واعلـــومهم تشــــهد بــــروس الحـــجايا
شمـــر غنيـــه عـــن مـــديح الملايين= فـــوق المـــدايـــح والمفـــاخـــر نــــقايا
لكــن مـــجال الهــــرج جالـه تزاميـن = ولانـــي بـــحال الحـــاقــديــــن الــــردايا
هـــذا الوكـــاد ولا بهــــرجـي تخامين =هـــذا الصحيـــح ولا نقــــــوله هـــــقايا
وابي الســــموحه ماذكــرت الكثيـرين = ومــــا قـــل دل وللســــــوالف بــــقايــا
اعلامـــكم ما تنـــحصـي يالشريفيــن =والعــــذر منــــكم يا اخيـــــار البــــــرايا

أخــــوكم : مـحمد بـــن ســــــوعان الربيٌــــع

الشاعر القدير محمد بن سوعان الربيع
أهلاً بك بيننا وأسعدنا كثيراً إنضمامك لقافلة شعراء وشاعران نشامى شمر
محلك يالعزوة ونشامى شمر بيتك الثاني
أبو فهد
بيض الله وجهك وصح السانك يالنشمي
خالص التحايا لسمو شخصك النبيل

أخوي محمد صح لسانك بكلمه مابه من قدرك شيء وجزاك الله خير وبيض الله وجهك أنت راع المعروف يالغالي حيث اللي يحفظ المعروف ويقدر الرجال ويظهر فعولهم انا شخصياً أعتبره هو راعي المعروف حفظك الله من كل شر ودمت بخير والسلام ,,,

محمد الشميلي ابوطارق
السلام عليكم ورحمة الله وبركاته
الله يسلمك اخوي ابو طارق ولا عليك زود
مازلت ولم ازل احفظ لك مكانه مرموقه
قائمه بالاعماق في ثنايا القلب النابض بالود والوفا
لك عزيزي ابو طارق شكري وتقديري
على مشاعرك النبيله الطيبه
دمت بود وكرامه
مع وافر تقديري وجل احترامي

بهلول الزميلي الشمري
انه لمن دواعي سروري وابتهاجي ان انضم الى منتداكم الغالي
ويشرفي ان اكون احد اعضاءه بكل فخر واعتزاز
من اللي يمل من خوة وعشرة الطنايا
والنعم ملاييييييييييييييييييييييييييييييييييييييييييييييي ن
ياما يرضى وجه الله
تقبلوا تحياتي ووافر تقديري
اخوكم/ محمد الربيٌع العنزي

صح لسانك يا ابو فهد
وبيض الله وجهك
تقبل مروري وتحيتي لك

طلال الاحيوي
هلا والله وغلا
نورت الف مرحب بطلتك الغاليه
اشكرك كثير الشكر والامتنان
ولا عليك زود يالذيب
دمت بحفظ الرحمن
اخوك ابو فهد

الاخ الشاعر الجزل القدير / محمد سوعان الربيع

اولاً ياهلا بك والله انه شرف عظيم لنا انظمام اللي مثلك شرواك

ثانياً مليااار نعم بك وبلابتك الويلان فأنتم نبراس للطيب والمرجله

ثالثاً صح لسانك مدى الحياه وجمل الله حالك وفالك وطاب ذكرك

رابعاً المحل محلك انت المعزب وحنا الضيوف وسعداء بتواجدك

تقبل مني كل الود والتقدير

الشاعر القدير محمد بن سوعان الربيع
اولا ارحب بك اجمل ترحيب
وسعداء بهذا الحضور الجميل
حضورك يشع بالنور
وبيض الله وجهك على هذه الراعه
والرائع لايأتي الابالروائع
صح لسانك يالغالي
وسلم بنانك
ولاعليكم زود يالوايلي
تحياتي وامنياتي الطيبه لسموك

نهير النمش
لاهنت ياهب الريح لاهان منطوقك
وما عليك زود يسعدني حضورك المتميز والرائع بروعة اسلوبك
والكلام الطيب ماياتي الا من الطيبين شرواك
واسأل الله ان يجملنا معكم ويلهمنا من امرنا رشدا
لاندعي بالكمال فالكمال لله وحده ولكن نسعى اليه
تقبل تقديري واحترامي ووافر مودتي
اخوكم ابو فهد