ديوان الشاعر / عويد المغيليث

السلام عليكم ورحمة الله وبركاته
احتفل الاخ العزيز الشيخ عبدالكريم الكفش يوم الخميس الماضي في حفل زواج
ابنه فرحان الكفش وكان لنا الشرف في المشاركه في الامسيه الشعريه التي احياها الشعراء
وهم0
الشاعر محمد الجراح
الشاعر سند المطر
الشاعر حبيب العازمي
الشاعر محسن الشاهر
وعريف الامسيه اخوكم عويد المغيليث
وان شاء الله ترون كامل الامسيه على قناة صدى في الايام القليله القادمه
ومن ظمن من شارك في الحفل الشاعر الكبير ابو جمال المنيس
وغيرهم لم تحضرني الاسماء

سلام مني لأخو وطفا وتحيه

	سلام من قلبي يقوله لساني=لأهل الاحفل واللي حضر للتهاني سلام صادق مانقوله نبي شي=لاشك واجب والفكر ماعصاني سلام يابن شلاش ياوافي الاشبار=عبدالكريم الحر ذرب اليماني سلام مني لااخو وطفا وتحيه=ابن كفش والمدح لا ماكفان فعل لهم ماضي وحاضر مسجل=وصغيرهم لامد يعطي السماني كفش كفش وان قلت ياسامع الصوت=خلا العدا تنحاش مثل الحصاني فعله ينومس لابته شي موكود=وله عادة بالطيب ملئ الصياني يابن كفش ماهي غريبه يحضرون=ربعك وكل اللي لفا اليوم عاني حيث ان علمك يابن الاجواد غانم=وشلون دام الجد ذاك الحصاني اشهد شهادة حق والحق ينقال=تفخر بك اللابه بكل المعاني شيخ وكريم وفوق هذا محنك=وعن لابتك يالذيب دايم تفاني ومن بعد هذا لو سمحتو دقيقه=ياللي سمعتو كلمتي لو ثواني جينا نبارك للعريس المبجل=فرحان ندعي له بسر وعلاني ندعي عسى له من اسمه نصيبي=يارب حقق له جميع الاماني الخال ابن مرشد عريب الجدودي=راع الافعال الراسيه من زماني المرشد اللي علمهم يرفع الراس=شيخاتهم ماجات منح وحساني بالسيف والمنسف ومن ماض الازمان=ومن زور التاريخ ماله مكاني و نيابة عن صاحبي وابن عمي =اهلا هلا بالكل قاصي وداني اهلا هلا باللي حضر من بعيدي=واهل البلد والجار يوم انه جاني اكبر شرف من شفت ربعي وصدقان=واكبر فخر قلته بعظمة لساني واجمل تحيه واسمحو لي يالاخوان=ارفع عقالي ياعساهو كفاني والمعذره وان كان بالهرج قصرت=عذري مقدم كان قافي حدان

كيبورديه من الراس للكراس
والكراس هنا الجهاز لاني لم اكتبها على ورق
اتمنى قبولها كما هي

الضيقة اللي داخل الصدر ياعبيد!!!

	الضيقه اللي داخل الصدر ياعبيد=تبقى سجينه داخل الصدر للموت اخاف لاتظهر عليها الحواسيد=واخاف لايشمت بنا كل هلفوت الموت من ربع تراهم لوابيد=واحد يثبت ثم يجي واحد يشوت واحد يجيب اطرافها واخر يزيد=ويصير علمه للاسف شي مثبوت ادري يابن عمي كثير المقاريد=اللي لسانه دايم الدوم مفلوت لاشك بخفيها ولابه مناقيد=الضيقه اللي تودع القلب مفتوت دام اقرب الاقراب من دون تحديد=يبين حقده واول الوقت مكبوت ماعاد قولي ينفع الصدر ويفيد=ولابي بعد ياصاحبي فزعة بشوت بانت حقيقتهم وعندي شواهيد=شفني لحد الان يالقرم مبهوت حبيت اوضح من لبس ثوب بالعيد=الثوب ماهو له ولو فوقه الكوت واللي بغبات البحر حاول الصيد=ياعبيد ماظني ترى ذاك مبخوت مثل اللذي يحمل بظهره بواريد=الياصار مايمناه ياخذ بها القوت ياعبيد لو زادت علي الهواديد=اخوك راسي لو تعلوه بالصوت والضيقه اللي تعترض للقواصيد=ياعبيد نرسمها وتبقى على كروت

السلام عليكم ورحمة الله
ابيات ارشيفيه ايام تلفونات الكبينه ولكن حصل لها شوي سمكره
وحبيت اسدحها هنا
شكرا لكم مقدما

لاوالله الا حال بيني وبينه !!!

	لاوالله الا حال بيني وبينه =مدر القدر واللا ضروف الطبيعه يامن يريح القلب ويقول وينه=تكفون جيبو لي خبار سريعه ان كان عايش بالمحبه ندينه=بيني وبيينه ماتجوز القطيعه يقدر يكلمني بهاتف كبينه=واللا يرسّل بالخبر من يطيعه خبري بها بالحيل كانت فطينه=وغيابها لو يوم قلبي يليعه وان كان ميت راح قلبي رهينه=لاوالله الا راح معها وديعه ودي يجيني العلم زينه وشينه=كل الصحف ياليت حالا تذيعه من عقبها كل الليالي حزينه=صارت حياتي ياجماعه فضيعه حبييتها باخلاص ياجاهلينه=حب على وضح النقا مانبيعه ونخلده بابيات تو كاتبينه=ابيات تحكي غيبة له شنيعه

السلام عليكم ورحمة الله وبركاته
من الارشيف
القصه في احد المواقع الالكترونيه كانت اخت لنا عضوه معنا وحاطه صورة
رمزيه لطفل صغير وتوقيع يحمل صورة الطفل وكلام لااذكره الان ولكن يتكلم عن
حرمان او حول هالموضوع المهم راسلتها قلت هذا الولد هل ولدك قالت نعم
قلت ليه حاطه كلام او ابيات تتكلم عن الحرمان قالت لاني محرومه من ولدي0
قلت كيف قالت كنت متزوجه شخص وكنا على حب ولكن القدر اخذ مني هذا الزوج
نعم توفى زوجها وترك لها هذا الطفل تقول اختنا كنا ساكنين بالشرقيه ولما توفى زوجي
رجعت لحايل عند اهلي ولكن شقيق زوجها اخذ ولدها منها وقال لن ترين ولدك
ان لم تتزوجيني قالت الفتاه انبهت وقلت له انت لاينقصك شي ولكن انا لايمكن اتزوج بعد
زوجي فلان فقال لها عم الولد انتي اختاري اما تتزوجيني او تفقدين ولدك0
طبعا الاخت علمتني هذه القصه من خلال الرسايل الخاصه 0
فوالله بعد ماقريت الرساله عجزت لاانام وافكر كيف هذا الرجل يحاول يجبر زوجة اخيه على الزواج منه وهي ترفض الزواج كليا0
المهم وبنفس الليل كتبت هذه الابيات واليوم الثاني نزلتها بنفس الموقع00

قصة الانثى الجريحه !!!

	الدموع اللي على خديـن انثـى وأرملـه=شفتها ماشفتهـا مار والله مـن سنيـن زوجها في ذمة الله شوف كيف المشكلـه=موت زوجه والمصيبه فارقة معه الجنيـن عندها طفل صغيـر تـو عمـره باولـه=عامه الثاني تعدى ليت ايامـه تزيـن كان شمعه كان ورده منور البيـت لهلـه=بس خساره جاه عمه واحرمه هذا الحنين واشترط شرط برجوعه كيف بس تتحمله=قال لازم بنتـزوج كـان تبغيـن البنيـن صاحت الانثى بحراره بس لا0 لا تكمله=انت أخ وأنـت غالـي لاتزيـده حبتيـن قال هذا اخر قراري والولد لـك ارسلـه=وان بغيتي غير هذا شوفتك ابنك تحرمين ياجماعه كيف هذا شخص انانـي مهبلـه=تحت تهديد الامومه قال لازم تخضعيـن قلت هاالقصه العجيبه والقوافي تشعّله= يمكن الشخص الفلاني يوم يقراها يلين يمكن يراجع حسابه ثـم ينهـي المهزلـه=يمكن يحس بحقيقه صوت انثـى تستعيـن والله اني من عرفته حيل حالـي مبهذلـه=ويش بيدي غير شعري يوم اخطه باليمين جيت ابوجز ماسمعته مـن فتـاة مبجلـه=قصة الانثى الجريحه واطلب المولى يعين هو نسى ربه وتكابر مـادرى الله يمهلـه=بس له موعد ضروري يظهر الحق ويبين يوم مشهود وموثّق فـي جبينـه يحملـه=وتعرض اعمال الاوادم يوم كلن له قرين

ولكن هل تعلمون ماذا حصل؟
بعد قراءتها للابيات ارسلت لي رساله قالت هل القصيده قديمه او كاتبها على شاني
قلت لاوالله كتبتها بسبب اللي حصل معك
قالت والله ان القصه من وحي الخيال ولاهي صحيحه واصلا انا غير متزوجه
وهذه صورة ولد اختي 00000
المشكله كنت ناوي اخذ عنوان شقيق اخوها واخذ معي كم رجال على شان يعدل عن قراره
بالزواج منها واخيرا طلعت السالفه مفبركه او خياليه
طولت عليكم ولكن هذا ماحصل حول موضوع القصيده ولها اكثر من عشر سنوات تقريبا
تحياتي للجميع

قصيدة لها موقف وموجه للزميل الشرق أسئله عن الزميل الشاعر الضحى

يالشرق !!!

	يالشرق وين الضحى يالشرق=قل لي عسى مابه خلافي بالقطع ماظنتي به عرق=مار البلا كان متجافي وان عودت للشعر والطرق=ترى الضحى يالله الكافي شاعر محنك ويفرق فرق=عن غيره بشعره الصافي وغلا الضحى وانت مابه فرق=والكل منكم خوي وافي لاشك غايب واحس بحرق=بالقلب لوكنت انا غافي وان كان غنى حمام الورق=ادر الضحى بخير متعافي ابغى الخبر يالخوي كالبرق=ولاباس لو رحت له حافي

هذه الابيات من الارشيف اتمنى ان تنال القبول

قلت العبي يابنت لكن على مين !!!

	بعد غيـاب ايـام عـادت سعيـده= تقول بارك خطبتـي قبـل يوميـن ظنيت تمزح قلـت هـذي مكيـده=قلت العبي يابنت لكن علـى ميـن قالت اقـول ارجـوك لا لاتعيـده=انا كلامـي جـد ماقلـت تخميـن قلت اسمعي يابنت هذي القصيـده=ودي اسولف ماحصل ياريش العين قالـت ترانـي بنـت والله عنيـده=ولي موهبه بالشعر من عدة سنين احذر ترى الابيات تبقـى شهيـده=وكم شاعر(ن) بالشعر خلد محبين قلت الصحيح انتـي فتـاة وليـده=وانا شويب مار مجبـور بالزيـن قلبي تولـع فيـك بلـوى اكيـده=وكنت احسبك مثلي لشخصي تودين عسى السعاده في حياتـك مديـده=وانا عسى ربـي لخيـره يجديـن خلاص درب الحب ماعـاد اعيـده=الشيب طب الراس وانتي تعرفيـن وداعتـك قولـي عويـد فقـيـده=وتذكـري ايـام كنّـا عشيقـيـن بالقلب حبك ليـن قطـع وريـده=واليوم عفتيني ولادري على ويـن

ملاحظه في قولي شايب
اقصد بعد عشر سنوات اصير شايب هههههه
اما هالحين توني شباب ههه

لسلام عليكم ورحمة الله وبركاته
ارشيفيه اتمنى تنال القبول

يابنت ياللي صار حبك للاموال !!!

	يابنت ياللي صار حبك للاموال=انا فقير وعزتي راس مالي لكن لك الله ماترجيت رجال=واعز نفسي عن كلام الخمالي تمر علي ايام مابيدي ريال=واصبر عساها تنجلي ياحلالي يابنت مشكوره على كل ابو حال=انا لقيت اللي تسر القبالي بنت الكريم اللي مجرب بالافعال=من روس قوم ساكنين الشمالي يابنت والله شوفته تطرب البال=والله كريم نشوف منها العيالي لو عشت انا وياه في وسط الارمال=حبه حقيقي ماتحب الخيالي ولافكرت تزعل على شان جوال=ولافكرت بالمال اول وتالي على الطبيعه ماتبي زين ويزال=الله مزينها بكل المجالي متربيه في بيت قرم ومدهال=ذكره مع اهل الطيب يابنت عالي مثله ينومس والشعر فيه ينقال= تفخر عيالي ياذكرت الخوالي والهرج واضح مايجي فيه مدخال=بغيت اوصل فكرتي بالكمالي ان ماوصلك العلم نتْهمك بهبال=تمعني يابنت في هالمقالي والخاتمه خلي كلامي على البال=مثلك ابد ماتستحق السؤالي

السلام عليكم ورحمة الله وبركاته
من الارشيف القديم ارسلت هذه الابيات الى الاخ العزيز عباس عسل

من الارشيف القديم ارسلت هذه الابيات الى الاخ العزيز عباس عسل

	الله من سهم سطا بين الاضـــــــــــــلاع= ومن سبته ماشفت راحة بدنيـــــــــاي اشكي على عباس من كثر الأوجـــــــاع=جيتك ترى من الحب ياخوك شكـــاي ياصاحبي خلك معي دوم فــــــــــــزاع=ابغاك تفزع لي وتقبل بشكــــــــــواي أنا طريح الحب بالحيل ملتــــــــــــــاع= تكفى يابن صياح تهتم بدعـــــــــواي حيثك فهيم وعارف كيف الأوضــــــاع=وأبوك قرم رجال ماهو بنســـــــــاي من لابة بالطيب والمرجله سبـــــــــاع=وفيكم وفا معروف مع حكمة الـــراي افزع لخوك الحب ولع بـــــــــه اولاع= ومن غيرك أشكي له ويوصف لي دواي انته بدرب الحب ياصاح لك بــــــــــاع= واشكي عليك الحال ياكبر بلـــــــواي ياخوك بعض الحب يعرف بالأطماع= لاشك حبيبي غايته يكسب رضــــاي قضيت أنا وياه ياخوك مربــــــــــــاع= واليا لفيت الزين يفرح بملفـــــــــــاي يلبي الطلب ياخوك وان قلت له طــاع= بسفينة العشاق حطيت مرســـــــــاي وان زاد حملي ادفنه داخل القــــــــاع= ولا علّم العذال تشمت بي اعـــــــداي بعض الاوادم بالنميمات مذيــــــــــاع=هذاك مالي به ولاهو بمبـــــــــــــداي في مظهرة تلقاه دايم تميـّــــــــــــــاع= هذاك عفن رجال ماراح غـــــــــزاي أنصا رجال تنطق الحق بإســـــــراع=يابن عسل حطيت شرواك مركــــاي السر بين ثنين ينقال له شـــــــــــــاع=وأنا أعرفك بالسر مخلص وشــــراي لالاحشا ماصرت في يوم بيــــــــاع= أيضا ولا انته بالمخاليق حكـــــــــــاي أنا برايك يافتا الجود مطــــــــــواع= اخو عزيز وترفع الرأس بالــــــــراي واقبل تحية مخلص شاف الاطــباع= يهديك باقة ورد واقبل بالاهـــــــداي

رد الاخ الشاعر عباس عسل بهذه الابيات

	يامرحبا باللي لفا يشكي اوجـــــــــــــاع=بالخط واللي مرسله يطلب الــــــــــراي ترحيبة البدوان في وقت مربـــــــــــاع= ترحيبة بإعداد بايع وشــــــــــــــــــراي يامرحبا باللي شراني ولا بـــــــــــــاع= دايم على باله ولاهو بنســـــــــــــــــاي أنا خبير فيه للطيــــــــــــــــــب زراع=وأيضا وفي وللقفا حيل حمــــــــــــاي ماكان له في خوتي بعض الاطمــــاع= والوصل بالخوة ترى زاد مبـــــــــداي يابو محمد تشتكي بعض الاوضــــاع= وسفينتك وقفتها عند مرســــــــــــــاي ويومي سمعتك جيتك اليوم فــــــزاع= بمالي وجاهي والمواساه والــــــــراي إن كان أبوها يافتا الجود طمــــــــاع=ابذل له الأموال وافي بمبـــــــــــــداي وإذا يبي زوره وللجاه مطـــــــــواع= أجي له بجاهي ووجهي ورجــــــواي وان كان تبغي الشور وللراي سماع= تبغى علاج الحب يالقرم شكـــــــــاي أن كان خلك وافي لك وملتـــــــــاع= ولاطاع في حبك حكي كل حكــــــاي وكاتم لسرك لاطرا لـــــه ولاذاع= وحافظ لبيتك وانت تفهم لمعنــــــــاي ولاهو بلا كاذب ولاهو بدنــــــــاع= ولارافع صوته ولارايح جـــــــــــاي ورضيت في حسنه وبزين الاطباع=عجل عليها واقطع الوقت ســــــّراي ولا تحده للعواذيل ينصـــــــــــــاع=عجل بوصلك للقضي واقطع الــداي من قبل تندم يوم تلقى القضي ضاع = وتقول ياويلاه يافرحة اعـــــــــــداي وأحسن دروب الوصل ياوافي الباع= وصل على ألسنه وللبيت بنـــــــــاي هذا جواب من مجرب وملتــــــــاع= أنا درسته يالسنافي بدنيــــــــــــــاي درس تكسر له قويات الاضـــــلاع=لاكن مشيته ماتكابرت بلــــــــــواي ونصيحتي خلك جسور وجــــزاع=خلك جسور بالمحبه وغــــــــــزاي ولا تخلي للعواذيل مرتــــــــــــاع= ولا تطيع بوصلها كل نهــــــــــــاي وصلاة ربي عد ماتنبت القـــــاع= وإعداد مايسري من الناس ســراي على محمد والصحابة والاتبــاع= واللي على المنهج صباحي وممساي

السلام عليكم ورحمة الله وبركاته
من الارشيف اتمنى تنال القبول

يامهرة على النهر

	يامهـرةٍ علـى النهـر=جذابـةٍ مثـل الــدرر جيت اقترب من حولها=عيِِـا يقربنـي القـدر قلت اقربي يمي اقربـي=روفي بقلـب يحتضـر قالت انـا مثلـك انـا=صارت حياتي في خطر ورحنا على جال النهر=واحلامنا غيـر البشـر مانطلب المال الوفيـر=ايضا ولانبغـي قصـر ولانطلب الجاه الكبيـر=ايضا ولانبغـى السفـر نبغى نعيـش لوحدنـا=في كوخ او بيت الشعر احلامنـا هـي قـدنـا=بأحلامنا شي مختصـر نبـي نحقـق حلمنـا=خلاص ملينـا الصبـر مشوارنـا تـو ابتـدى=يامهرتي كوني بحـذر مادام بـوش ودولتـه=غصب حكمو منك العذر جهادنـا حنـا وجـب=والحمـد لله والشكـر اما نمـوت مجاهديـن=واللا نعيش بكل فخـر يامهـرتـي بغـدادنـا=الشعـب لازم ينتصـر وبغداد تبقـى شامخـه=وكل شخص خاين ينثبر ونوحد الكلمـه سـوى=ونصلي بالقدس الفجر وانرجع الهيبه لنـا=وعدونـا بـذل وقهـر امـة محمـد مـاتـذل=عزيزه تبقى بكل عصر ونبقـى نـردد كلمـةٍ=الموت او عز ونصـر

السلام عليكم ورحمة الله وبركاته
من الارشيف اتمنى ان تنال على استحسانكم

لاتشعلين النار بالقلب يابنت !!!

	لاتشعلين النار بالقلب يابنت=الله وامانه جرحي العام فيني اضحك واسولف مادرى فيني الا انت=واللي تفنن في عذابي نسيني حدتني همومي على عالم النت=عساني انسى ساعة من سنيني المشكله باقي انا مثل ماكنت=لو قلت ناسي في منامي تجيني دمحت له زله وزلات وايقنت=ماغيرها لو شفت صده يجيني من كثر ماتخطي لك الله انا ادمنت=وغديت اردد ياغلاي ارحميني مدري عشق ياناس واللا تجننت=اثري الهوى مافيه يمه ارحميني تدرون لو اني لكيع وتشيطنت=حتى قساوتها بلحظه تليني لاشك صادق طول عمري ولاخنت=وكنت احسبه طول الدهر تحتريني واليوم راحت والحقيقه تطمنت=انا وفيت وهي ماترتجيني وخذيت درس العام يوم تيقنت=والحين درب الحب مايهتويني والحمد لله من هواها تحصنت=وعرفت بعض الحب يمكن يهيني ومن قال ترجع قلت يكفي ولاهنت=غير القهر ماشفت يالسامعيني