ديوان الشاعر / أحمد الجريفاني

ما كل من غنىً يجيد الخبيتي !!!

	قلبي تعذّب حيل ساعة بكيتي=على غرامٍ حطمته المقادير الدمع يفضح غصب لوما بغيتي=صريح يرسم كل ما صار ويصير يبيح باسرارك ولو ما حكيتي=لا هل ماتمدي معاه المحاذير عرفت منه همومك اللي كميتي=الحب لازم له على الوجه تآثير ليتك عرفتي زين يومك هويتي=ان الهوى بين المسرّه وتكدير يومٍ يبيعك خلّك اللي شريتي=يكذب عليك يقول حبيتي الغير يبيك ترضين الذي ما جنيتي=ظالم ولا عنده للاحباب تقدير ويومٍ يجي خلك على ما هقيتي=الصبر زين ومن صبر يجني الخير لا تحسبينك بالحياة انتهيتي=يا ما حصل بالحب غدرٍ وتزوير ما كل من غنىً يجيد الخبيتي =ولا كل ما داج السما ينحسب طير

الموهبه مايملكه كل مخلوق !!!

	هيض شجوني سيد الهمس والشوق=حرفه تركني هايمٍ وسط الاشواق سطر يراعه قمة النزف والذوق=ينوض في خد الورق نوض برًاق توج جمال الحرف حسٍ شمخ فوق=ما شفت مثله عنده احساس دفاق قصيدها يهتز له كل معلوق=مثل الجمال لبسرة القلب سراق تفز له روحٍ وتنبض له عروق=وردٍ بعيد الحب مهدى من اعماق من دون ماتدري يخليك مسروق=سهل عسير يترجمه فكر ذوًاق يترك قليل الهم با الوجد محروق=ويشيل هم الليل عن فكر مشتاق يبعث رسايل شوق عاشق لمعشوق=كنه رسول العشق لقلوب عشاق بوح الجريح اللي شكى جرح مفتوق=نبض الغريب اللي بكى لوعة فراق لا جا القصيد بطرح ما هو بمسبوق=يمسيك دون شعور للحرف تنساق الموهبه ما يملكه كل مخلوق=نعمه من اللى صوًر الكون خلاق من يا هبه ربي جمالٍ ومنطوق=يصبح كما الألماس غالي و براق

يفدى عيونك يا اجمل الناس شعري !!!

	ليتك تحسّين الغلى جوف صدري=من دون اشوفك صرت متولعٍ فيك ومن يوم رديتي علي زاد قدري=من غير ما اشْعر قام قلبي يحاكيك ياعزوتي مابي تقولين بدري=شفقان ابي شوفك عسى الله يخليك خايف جوابك يرزف الارض حدري=ما اظن تعذيبي يسرك و يرضيك ولو تحرميني مانفذ يوم صبري =ولا تعديتك وجنبت واديك يا اللي جبينك يشفع لنور فجري=وجه السما يظلم اذا ما حلم بيك ابنتظر ماودي ازعال عمري=حتى ولو شيًب رموشي تحرّيك مابي يضيع الصبر لرضاك هدري =دامك تحبيني وانا حيل مغليك يا اللي اسرتيني تمتعت باسري=لو ضاعت الحيلات ماني بمغديك يفدى عيونك يا اجمل الناس شعري=ان ما كفاك الشعر با الروح ابفديك

الى اميرة الكلمة (اعتذار المتنبي لسيف الدولة) (ارشيفية) !!!

	اذا شك القلم با الحبر وش نحتاج للدفتر=واذا ما للادب حراس قولوا وش يبقيني اطيع العقل والا القلب اصبر والا ما اصبر= اذا تبغوني انسى لمز لامز من ينسيني وانا اقول اخزي الحاسد تريه بطلعتك يستر=مدامك مبدعه لازم تشوفين الحسوديني ثقة بنت العرب في نفسها تعمي عيون الشر=وثقة بنت العرب في نبضها زينن على زيني اميره غصب عن حاسد وعن حاقد وعن محتر=اميره قدرها ما ياصله مرضان ودويني متى ما نفرح بورده جميله في الفضاء الحر=نلاقي فيه ناس قلوبهم سوداء وفاضيني اذا سبك قليل الاصل شخص بهيئته مغتر=ماهو قادر يحرم الورد يزهر با البساتيني لنا يا اميرة الاحساس والتقدير والمظهر=لنا منك العذر والا نقول الكل مخطيني انا مثلك تعرضت لمواقف بين كر وفر=طلع لي من عجاج الوقت حساد ومجانيني صمدت ووقّف بصفي كثير لعدهم مقدر =صبرت وجالس اتحمل عسى ربي يقويني اذا شفتي شجرتن مثمره واغصانها تكسر=وترمى با الحجاره كنها وكر الشياطيني فلا تتعجبين الناس ترمي كل مايثمر=ولا اعم البشر ماهم سوى والكل من طيني ابي منك وعد تبقين خلي حاسدك يقهر =اميره طالبك باسم المحبين الشريفيني

ما للنساء قيمه بطبع الدنافيس !!!

	يكتب قصيد مكسّر ويمدحونه=حطوه شاعر والقصايد برابيس (امّي) ومتخلّف دليلك قرونه=ما داجه الماء كنّها كشّة التيس بهذل هله لين اصبحوا يكرهونه=في بيتهم صاروا سواة المحابيس مرته وعياله غدوا مايبونه=لامن دخل قالوا لفى لقطة غليس يشتم ويلعنهم وهم يخدمونه=حلومهم باسباب جوره كوابيس خبر وفاته لو (كذب) يسمعونه=كلٍ رقص فرحان في فطسة ابليس يطلٍق اهله كل ما ينصحونه=ما للنساء قيمه بطبع الدنافيس يشمت بغيره والوصخ في ردونه=ويفرح ليا منه سمع كلمة (الهيس) يحسب به ناسٍ لفوا يزهمونه=غثيث كلن قال ياكره اكا الفيس كبير لكن تجرباته تخونه=بخيل متعود على صرّة الكيس يسب من في رايه يخالفونه=رجعي مريض محاصرته الوساويس الاذكياء من دون اسم يعرفونه=من طابقه وصفي يعبي قراطيس ويبشر بردي لين يضهر جنونه=ويتوب عن سب الرجاجيل ويخيس

مبايعة لخادم الحرمين الشريفين !!!

	بـعــد الله آمـــال الـعــرب فــــي جـنـابــك=يــا خــادم البيـتـيـن يـــا مـحـقـق آمـــال يـا مــن فتـحـت لـكـل مــن جــاك بـابـك=وتوجـت عالـي همتـك فـي سعـة بــال صـالـحــت مختـصـمـيـن ربــــي اثــابـــك=فـــــي غـــــزه ولـبــنــان والــحـــق يــنــقــال هــــم الـعـروبــه دائــمـــا فـــــي خـطــابــك=فـــكـــرك ورايــــــك لـلـصـعـيـبـات حــــــلال دام الـمـتـاعـب يــابــو مـتـعــب تـهـابــك=اضرب على الكايد ترى حولك رجال أشـــــــــر وتــلــقــانـــا نـــســـيـــر بـــركـــابـــك=مـــا نلـتـفـت للـخـلـف ذربـيــن الافــعــال الـعــالــم الــواعـــي يــحــسٍــب حــســابــك=بـسـبـاب رايـــك مــاهــو بـسـبــة الــمــال قـمــة تـضـامـن نـاجـحـه فــــي رحــابــك=عـــســـى نـتـايـجـهــا تـــفــــرٍج لــلاجــيـــال يــــا ســيــدي بــعــد الالــــه الــرجــا بـــــك=يـــــا زارع الآمـــــآل بـعــيــون الاطــفـــال مــصـــاب الامــــــه يـامـلـكـنــا مــصــابــك=يــا درعـنـا عـــن كـــل طـامــع ومـحـتـال يـبــونــنــا نــقــتـــل بـــعــــض وانـتــشــابــك=يــــبــــون عـيـشــتــنــا مــهـــانـــات واذلال الله لــنـــا يـــــا عـــالـــي الـــقـــدر جـــابـــك=هــــــذا زمـــانـــك وانــــــت لـــلـــراي فـــتـــال الـخـيــر جــانــا يــــوم هـمــلــل سـحــابــك=عــز البـلـد وجــه السـعـد طـيـب الـفـال يـا زبــن منـهـوا لاذ بــك وانتـخـى بــك=لــك قـومـتـن مـنـهـا الصـنـاديـد تـهـتـال عــســـى جــهـــودك كـلــهــا واحـتـسـابــك=عنـد الولـي مـردودهـا صـالـح اعـمـال وفــــي يـــــدك الـيـمـنــى تـســلــم كـتــابــك=ويكون لـك عنـد الولـي ستـر وظـلال ويـاعـلـنـا مــــا نـشـتـكـي مـــــن غـيــابــك=حيـثـك حكـيـم وسيـرتـك سـيـرة ابـطـال

انــا عــدت يا ( حايل ) ولانـــي باحد مكلوف !!!

	جديد البريسم ما يشابه عتيق الصوف = اذا ينلبس با الصيف يحتاج له كيّي والاعمى يمني نفسه انه بيوم يشوف = وانا شوفتك هي منوتي يا بعد حيي انا عدت يا (حايل ) ولاني بحد مكلوف = سو انتي ورفعة هامتك يا غلا بيّي مانا منتظر تصريح سارق ولا ملقوف = واذا وسطوك ارجوك ياديرتي عيّي انا سيرتي (بيضاء) مانا خاين ومكسوف = واكيد ان به ناسٍ كثيرين من زيّي ابفضح عمل من خان (حبك) على المكشوف = لأجل ينعرف من كان بالمال مشريي تخفوا ورا خيباتهم سرهم معروف = سليل النزاهه ما يقارن بدونيّي انا غربتي طالت وعدت عن المألوف = ثلاثين عام وخمس ما كنت متهيّي ومن عدت لاحضانك وجودي يثير (الخوف )= توطاني الرمضاء اذا امسيت متفيّي انا جيت يا (حايل) مثل جيت الملهوف = وبي خرمة العطشان لاخانه الميّي انا جيت مطلوق الأيادي ماني مكتوف = مدام (ابو متعب) قدوتي لأنطفى ضيّي امرني ولي الامر ماحب خشم كتوف =و اقول الحقيقه لو علي نفسي وخيّي

ياشمس حايل لايصيبك كسوفي !!!

	يااللي كتبت من اجل عينك حروفي=وش بك على هجر الذي دلعك عجْل ارحم خفوقن يرتعد وسط جوفي=قدّر تناهيد الغلى واجمع الشمل كنت احسب انك في حبيبك تروفي=وكنت احسب انك سيد الحلم والعدل انت الغرام ومهجتي وانت شوفي=وانت الغلى والروح والحب والخل تدري احبك مانت ناقص حلوفي=وادري معي ضحيت با القول والفعل اخاف لافارقت تشقى هنوفي=ويقال لك يا بنت ما طعتي العذل وتشمت بنا العذال يا خوف خوفي=الفتنه اقسى يا الحبيبه من القتل ومن عقب ماني باولات الصفوفي=اصير عند احبابنا مثل ابو جهل وتضرب ورانا مزعجات الدفوفي=ومثل النعامه ندفن الراس با الرمل وعقب الغلى نبدأ نحب الكتوفي=ومن عقب صاف الورد نشرب من الحثل يا شمس حايل لا يصيبك كسوفي=اللي وصل با الحبل ما يقطع الحبل ان كان وجداني تقدّر ظروفي=اكيد لو لحظات بعده مهو سهل تدرين بك عندي على الناس نوفي=ردي علي (تكفين) يا قمة النبل

يخلص بحبه والمقابل يخونه (من قصائد سن المراهقة) !!!

	عزاه من قلـب تزايـد شجونـه=وعزيل صـبِّ ذابـلات جفوفـه طير يغرد بالبكا كل مـا أضحـى=ليتك تشوفه نايح فـي غصونـه خِلّه بعيد والمـلأ مـادرت بـه=العشق ما تخفيه نظـرة عيونـه وينك بعد كـل المخاليـق قـرّبْ=حبك لجى في مهجتي شاب لونه انا الذي عشت الشقى بالمحبـه=ليتي سلمت من الهوى من ظنونه ما يزعل المشتاق غيـر التوجـد=علـى غـرام بالجفـا يدفنونـه ويغيض قلبٍ يسهر الليـل كلـه=يخلص بحبه والمقابـل يخونـه يبنون قصر الحب بأول هواهـم=وان صار باكر قصرهم يهدمونـه ما يجعل دموع المحبين تجـري=على الخدود وليلهـم يسهرونـه إلا على شان الوفا خوف منهـم=يموت بقلـوب الـذي يزرعونـه الدمع يعطيه الغـذاء والتسهـر=يرعاه كنه حامله وسـط نونـه لكن حرام يقال تسهـر وتبكي =ومسهّرك يضحك على من يصونه لو في قلوب اللي يحبون رحمـه=يسقون ورد الحـب ماييبسونـه ولو في قلوب اللي يحبون رحمه=كان اخلصوا للحب ما ييتمونـه اللي يعرفون الغلى ويـش قـدره=يبنون قصر الحب ثـم يحمونـه

( ســــــــــــــؤال ) !!!

	قــالـــوا اذا مـــــا تــاخـــذ الــحـــق بــيـــدك=ملزوم تـوطـى يــا فـتـى تـحـت الاقـــدام ولا انـــتـــه بــعــبــد ولا الاوادم عــبــيــدك=والحـق حـق ويضمنـه شــرع الاســلام وش حيلتك ياصار خصمك يريدك=تسكت لو انك كل الاوقات تنظام ولا فزع لك غير راقي قصيدك =ومن البشر نقوة كريمات وكرام ترضى المهانه ياالسنافي تبيدك=والاا ترد الصاع صاعين قدام !؟ او تسمع اللي قال لا ترفع ايدك =من دون حلقك وان تجرأت تنلام!؟ صـحـيـح عـفــوك عــنــد ربــــك يـفـيــدك=فيـه الاجـر والخيـر مـن وآل الانـعـام يـحـســب بـمـيـزانـك ويــرفـــع رصــيـــدك=تــلــقـــاه قـــدامــــك اذا جــــفًــــت اقــــــــلام بــس الـبـلا يا صار عـفــوك ضـديــدك=وحطوك خايف عقب ما كنت مقدام لين اشتعـل جمـر القهـر فــي وريــدك=مـثـل (الـبـري) لاواجهه حـكـم الاعــدام