ديوان الشاعر / أحمد الجريفاني

يجرحـــــني الحزن يــــــوم ويوم اماريــــــــبه ..!!!

	لوعني الوجد عقب فـراق خلانـي =لوعني الوجد قلبي ويش اسوي به يا حسرتي كيف من حبيت تجفاني =وانا الذي دايمٍ روحي تهللي به تقول تقـدر تبدلنـي بأحـد ثانـي =وانا الاسير الذي يرضى بتعذيبه من عقب ما صغت فيها اجمل الحاني =واهديت له كامل الاحساس والطيبه تقـول عـادي اذا حبيـت تنسانـي =انا جمالي كثير اللي يغني به ما فكرت في دموعٍ تجرح اوجانـي =ولا بدقات قلبٍ يجرع مصيبه ولا زيارات حبٍ جيـت لـه عانـي =ولا خفوقٍ قضى عمره يهذري به سمعت باالغدر ما شفتـه باعيانـي =واليوم شفته قبل تاصل مناديبه ما للكذوبات امـان بكـل الاوطانـي =ولا للهوى خط واضح لجل نمشي به حـب التسللـي يجيدنًه باتقانـي =من تعشق الصبح ما تلقاه تمسي به كيف الذي يثبت الاخلاص ينهانـي =وش قيمة الحب لا صار الغلى ريبه من يجزي اللـي حفظ وده بنكرانـي =ماله بدنيا الوفا قدرٍ ولا هيبه وقلبي على شاطي الاحـزان رسانـي =يجرحني الحزن يوم ويوم اماري به مع كل هـذا انـا مانـي بندمانـي =اعيش دنياي لو كثرت عذاريبه اللي ذهلني وحطم كل وجداني =قلبٍ جرح فيه كيف يعود يغلي به !

الحكي ماهو دايم ابلغ من الصمت ..!!!

	ان شفت احد يبكي بكيت وتحطًمت=وان شفت احد يضحك تجلًت همومي وان شفت منظر موت با الليل ما نمت=لو نمت لحظه فزًعني حلومي وان اشتكى لي شخص جرحه تألمت=غرْقت مجاديفي ويبْست عزومي ولا صرت انا المخطي ندمت وتبلمت=الكذب ابد ما يقبلنه سلومي الحكي ماهو دايم ابلغ من الصمت=والصقر حجمه عشر حجم الرخومي يسراي ما تدري عني ويش قدمت=ويمناي تدري حالتي ما تدومي باسرار جرحي كل من شفت علمت=مع ان هذا شي ماله لزومي لو يزعجن تانيبهم ما تكلمت=مادمت انا واثق ومالي هدومي لو ما انا واثق تشيًمت واحجمت=ابشرك بين الرجال محشومي لكن وحق اللي بما نزًل اسلمت=الواحد اللي في عباده رحومي ماني بمتحسف على كل ما اقدمت=عليه لو سبٍيت في وسط قومي وحلفت مره ثانيه بعده اقسمت=لا اكشف لكل الناس خافي علومي بدايتي جاهل ولكن تعلمت=واللي جبان يصير ما لي خصومي الاكثريه لايقولون عمًمت=شكله صقور وداخله ديك رومي لو جبت كل العيد دام اني افهمت=بعض البشر خل المعاليق تومي

هلًت دموع عيني عند مدخل مشار ..!!!

	هلت دموع عيني عند مدخل مشار= يوم شفت الشعيب مكبلينه بسور الله اكبر على ذاك الزمن كيف دار=صادق اللي يقول ان الليالي تدور وين وقتٍ مضى حزآت كنا صغار=كيف مرتع صبانا يدٍعي با الثبور دوك دقات قلبي كنًها صوت طار=تآه فكري واظنٍي يوم صحت مْعذور (الصفاة) حفدوها كونوا له جدار=واتلفوا حصو(ثرمد)واستهانوا (بزور) يا (خضع) وش بلا وجهك كساه الغبار=وين شلالك اللي يطرب اللي يزور! وين رحلاتنا لك قبل وجه النهار=جاهمينن قبل ينشق للصبح نور خوفنا يحجزونك واهل حايل كثار=صبح جمعه تجيك الناس قبل الفطور وين ذيك الدلال اللي بوسط الوجار=والاباريق نبعدها لجل ما تفور وين الارطى ونارٍ ما تشًبه بنار=ريح دخانها يا خوك كنُه بخور وريح نعناع حايل داخل ابريق حار=يجعلك تلقط الكاسه بليا شعور ذا ولد عمٍ قريٍب وذا ولد جار=وذا ولد خال اما ذاك شخص مخبور ولا تمشيت غرب تشوف بايسرك غار=شف رضمت (الجريفاني) تحكي العصور با ايمنك كان يجلس به سليل الحرار=والدي جعل ربي يرحم اهل القبور لو سالته عن الماضي وحسن الجوار=آآه يا ليتها تقدر تحكْي الصخور ماضي الوقت جلْ الناس كانت خيار=وكان كلٍ يثمًن له مع الناس شور وقت لا سولفوا فينا رجالٍ كبار=نستمع منصتين ونفهم اللي يدور ولا ومرنا اطعنا سم.. وابشر.. وصار=نحترم بعضنا والحب ملئ الصدور التواضع كسانا يا السنافي وقار=وقتها ما حدٍ يشهد شهادات زور الله اكبر على ذاك الزمن كيف دار=صادق اللي يقول ان الليالي تدور وهلت دموع عيني عند مدخل مشار=يوم شفت الشعيب مكبلينه بسور

ليامن نامت عيونك انا كني شبعت رقاد ..!!!

	ليامن نامت عيونك انـا كـنـي شبعت رقاد=ابسهر بس من شانك ونامي يا نظر عيني يا ليتك تمكنين الجرح في وسط الخفوق ازداد=تـري جـرحـك اذا مـا طـالـت الـمـده بـيفنيني تمنيتك بكت روحي تخيلتك بعد ما فاد=متى شفتك عشان اتخيلك يا كل غاليني حبيبة قلبي اطلب منك طلبه والجواب مراد=ابـي مـنـك اذا خانتني الـدنـيـا تراعيني ابي منك وصل عشاق يقتل غيرة الحساد=ابـي مـنـك بليا( نـت) بـاحساسك تدفيني ابي منك انا وانتي نسطر صفحة الامجاد=ابي منك غرامن ينتهي با القرب رسيني وابي قلبك معي دايم وابي وصلك على الميعاد=ابـيـك بـجـنـبـي اتـهـنـى بـقـربـك لا تـخليني انـا مـن ناس لاجاء ذكرهم قالوا رجال اجواد=ما اخون اللي حفظ ودي وعندي لك براهيني انـا لـي سـيرتـن بيضاء مـع الـمـداح والـنـقـاد=مهو مدحن لنفسي بس ابي منك تعرفيني تعرفيني بعيد عن القشور ونزوة الافراد=متى ما تعرفيني زين اكيد انك تحبيني

هذه القصيدة من ارشيفي ولا يُقصد بها أحد هنا فقط أوردتها للاطلاع أحبتي

ماقصدت الجميع (من ارشيفي ذكرتني اياه قصيدت اخوي طلاع)!!!

	يدخل المنتدى كتاب بـا المستعـار=مالهم قصد غير اذواقنـا يفسـدون نية الشر فيهـم مـا عليهـا غبـار=ولا يفيد العتب فيهم ولا يستحـون للاسف عندهم صار التآمر شعـار=والنظام المطبق جا على ما يبـون بعضهم مرسلين وبعضهم باختيـار=بعضهم حاقدين وبعضهـم يلعبـون يطبخون المقالب من ثقيـل العيـار=ومن الاشعار ازيدك بيت ويشجعون لا طردهم مراقب عودوا با قتـدار=كله اسمن بداله اسم وش يخسرون كل واحد له الفين اسم والفيـن دار=لا هويه ولا عنوان مثـل البـدون يسرقون الذي تكتب بوضح النهـار=والمصيبـه اذا وبختهـم يزعلـون وان جلبت الدليل تظن يشعر بعـار=قام يشتم ويلعن تقل صابـه جنـون يبتدي يدخل باسمـا غريبـه كثـار=يمتدح في جنابه من يـرده يمـون يحسب الناس ما تفهم ولا تستثـار=يحسب الناس عميا قلب عميا عيون ما قصدت الجميع هناك ناسن كبار=يتقـون الالـه بكـل مـا يكتبـون بدل اسمه مخافة يخدشونه صغـار=يستبيحـون مقـداره ولا يعرفـون يا ادارات فيه اشيا تحـاك وتـدار=وينكم غافلين عن الـذي يفرحـون لا وقع منتداكم مثل وقعـة جـدار=انتم اللي خسرتوا والدبش يضحكون وابتدوا نقوة الكتاب بـا الانحسـار=غادرن مبدعات وغادروا مبدعـون ويوم تسال يقال المنتـدى بانحـدار=الخمللـق تبلونـا ولا يـردعـون منتدى ما يحدد له نظـام ومسـار=لا تلوم الخشاش بقشهـم يرثعـون جملتن با المثبـت مكتسيهـا غبـار=ما حدن يلتفت له ليش ما تفهمـون اعرفوا كل من يندس خلف الستـار=نبي الاسم الحقيقي يا فتى لا تهون نحفظه عندنا حيطه اذا شي صـار=ما تخلا طليق وكلنا با السجـون

ديرتن ما تضمك مابها نور عين ..!!!

	كان انا اخطيت عمري طالب المعذره=انتي اكبر من الاعذار في كلمتين يعلم الله عن اللي با الخفوق اضمره=كان ما تلمسين الجرح لا تسالين الذي في بحر عمرك تسمى مره=لو فرقتي عن سنين الجهل بسنتين اقدر احلم واقول الغاليه ما دره=بس لي قلب ما يفتح على وجهتين همي انتي ولا مره همومي سره=عبري مثل ما عبرت لا تسكتين روح مضناك ماعمره لحي صبره=الغلى مايبي تفكير لو تسمحين ادري انك على كتم الغلى مجبره=وادري اني معك دينن يناطحه دين يا منالن تعثر لي سنين انطره=انفضي عن سما وجدي غبار السنين ما اذكر ان الدموع لغير عينك جره=ولا اذكر اني حضنت بمهجتي درٍتين انتي العمر كله لو فقدت اكثره=قبل ميلاد حبك كنت عايش حزين ليلتن ما تشوفك ما يبين قمره=وديرتن ما تضمك ما بها نور عين سامحي من عنا لك طالب المعذره=يكفي انك غلاي ولا لحبك وزين

احدى مرثياتي العشرين لزوجتي (يرحمها الله) ..!!!

	مضى علي عامين مجروح وجدان=من يوم ما فارقت غالي حلالي يومي عذاب وليلي دموع واحزان=الدمعة الحمراء تبٍهر دلالي غريب دار مكبًل الفكر تعبان= اكابد الحسرات واعزتالي اصبحت انا والحزن با الحيل صدقان=همي رجح في راسيات الجبالي مرت سنين معذًب الروح تلفان=يا خوفتي يا ناس قرب هبالي يرحمني اللي ما ملك قلب انسان= ويرحمني اللي ماشكى فقد غالي ويرحمني اللي من عنا الوجد سهران=يبكي لحاله ما له اليوم والي وترحمني طيورٍ تهنت بجنحان=وترحمني الخفرات وسط المفالي محدٍ يوازن با الغلى غال الاثمان=ولا احدٍ من الحلوات غيره زهى لي غابت بدون انذار وامسيت وجلان=غابت وخلتني وحيدٍ لحالي لو قلت له لمقابلك حيل ولهان=في جنة الفردوس ماله ومالي ولو طالبوني جملة الانس والجان=على اني انسى قلت يا هملالي انسى حبيبة مهجتي نور الاعيان=توقفوا با الله انا ابخص بحالي يا الله يا خلاق يا عالم الشان=تجبر عزاي بغيبة ام العيالي وتجعل سكن خلي بساتين وجنان=وتغفر ذنوبه يا عظيم الجلالي وتفرج لعبدٍ تايه الفكر حيران= ما غير يصفق با اليمين الشمالي

البنت لامن خاب ظنًه بهلها..!!!

	من يسمح إن إخته يهينه بعلها=يا عنك هذا الشخص ماهوب رجال لو نترك الفرصه لوآطي سفلها=تفاخرت بفعولها كل الأنذال البنت لامن خاب ظنًه بهلها=من تنتخي به لأقبل الدمع همًال البنت أمانه حظ منهو حملها=ماهي بضاعه يشترونه با الأموال إن ما قدرت تعزًها في جهلها=ما إنته مدللها ليا جابت إعيال كان إنت عاجز لاتقدٍر زعلها=اسمح لي إنك شخص فاشل ودجًال قبل تزوجها تموت إبغزلها=ولو ما عطوك إياه بيًن بك إهبال الدرًة اللي مابه أحدٍ وصلها=خذيتها حيله ولا زلت تحتال مدحت نفسك صدٍقت من هبلها=وإنته رخمتٍ عقبوك ألف فنجال رح دوٍر أللي ترقص بكل ملهى=ماعمرها لبست فنيله وسروال با العار والخيبه تحنٍي قذلها=لاشطٍبت بين المداميغ تجتآل ما حصلت غير الرقص من فشلها=مثل الذبيحه بين شاري ودلال

قلبي سبنًه مرهفات الغدافي..!!!

	قـــلـــبــــي ســـبـــنــًــه مـــرهـــفــــات الـــغــــدافــــي=مـــاهـــو عـــلــــى كــيــفـــي خـــذنــًــه نــهــآبه تــحــاشــكــنـٍـي لـــــيـــــل والـــــنـــــور طـــــافــــــي=وبـــــــــدن يــحــاكــنـٍــي بـــلـــطـــف وحـــبـــابــــه حـــلــــوٍ نــبــاهـــن مـتــرفــاتــن لــطــافـــي=كـــثــــر الــــخــــدم زوًد حــــلاهــــن مــهـــابـــه قـــالـــت حـــداهـــن بـــايـــن انــــــك ســنــافــي=الـشـخـص هـــاذا مـيــن حـضــرة جـنـابــه كان انته احمد فانت امير القوافي=اســـمـــك يـلـعــلــع مــــــا حـســبــنــا حــســابـــه دوك الــرقــم وان كـــــان مــاهـــو بـكــافــي=ابـــشــــر بــــعــــزًك يــــــــا مــضـــيـٍــع شــبـــابـــه قــلــت اخـبـريـنــي وش نـهــايــة مـطــافــي=طــايــح بـكـنــز او ضايع بــوســـط غــابـــه قـــــالــــــت غــــزلــــنــــا نـــتــْـقـــنـــه بـــاحـــتـــرافـــي=غـــــزلان شكل وبـــــا الــمــلاقــى ذيـــابـــه مـــــــن مـــــــا يـطــاوعــنــا نــخليه هــــافــــي=يمسك مـحـلـه مـــن جـلــس بـــا الانـآبه وامسيت انــا منـهـوب رغــم العـوافـي=وقـــــت الـخــطــر كـــــل النتايج تــشــابــه قبل ثواني هرجهن كان دافــي=والحين وصلني لحد الكآبه تخيلني شـخـص جـايـع وحـافـي=ولا اعرْف اميٍز بـــــــيـــــــن مــــــــــــــاه وســـــــرابـــــــه مــــا يــــدرن ان الــحــس عندي خــرافــي=وان الــتـــوضٍـــي مــــــــا يــــزيــــل الــجــنــابــه

بـــــــــــــــوح الــــــــــــــجروح ..!!!

	يـــا نـاشــدن فـــي تـــال الايــــام عــنــي=هرجن بصدري من يطيق استماعه حــديــث مــجـــروح الـعــواطــف يـعــنــي=وشـلـك بسمـعـه يــا عـزيـز الجمـاعـه بــــوح الــجــروح الـدامـيــات امـتـحـنــي=لـو مــا حكيـتـه نــازف الـجـرح ذاعــه مثـلـوم قلـبـي مـــن عـنــا الـهــم جـنــي=عجزت لاخلـف خافقـي عـن طباعـه مانـي مريـض فـراش بـا الليـل اونـي=بـيـنـي وبـيــن الـهــم قـــرب ورضــاعــه الــحــزن هــــو دمــــي وفـنــجــال بــنـــي=سـفـيــنــة الاحــــــزان قــلــبـــي شـــراعــــه دمـعـي نـزيـف الــروح كـنـت امتهـنـي=قبـل انولـد يـامـن شـقـى فــي متـاعـه يـقـبـل عـلــي لـيـلــي بـسـهــر وتـجـنــي=ويبخـل علـي يومـي بلمحـة شعاعـه ويـقـبــل عــلــي مــيــلاد حــبـــي وفــنـــي=بـشـمــوع طـفـتـهــا سـنــيــن الـقـطـاعــه كـنـت احـسـب الدنـيـا طـيـورن تغـنـي=لــلــحــب لـسـنــيــن الـــوفـــا والـــوداعــــه ولا بــيـــن خــلانـــن حــروبـــن تـشــنــي=والــنــاس زاده بــــا الـحــيــاة الـقـنـاعــه والـــلـــي يــغــيـــب ايـــــــام لازم يــحــنـــي=كنـت اعتبـر غـدر المحبـيـن اشـاعـه ولا فـيـه منـهـو يـسـرق الـفـرح مـنـي=ولا يضـيـع العـمـر فـــي ربـــع سـاعــه ولا هـــدايـــا الـــحــــب يـــومــــن تــمــنـــي=ولا يــفــرق شــمــل عــقــب اجـتـمـاعـه لا والله الا خـــالـــف الـــوقــــت ظـــنــــي=صــار الـوفـا يحـتـاج حــب وشـفـاعـه ويــــن الــمــلاك الـطـاهــر المـسـتـكـنـي=الــلــي حــلــف بــــا الله لـيـلــة وداعـــــه انــــه عــلــى الـعـهــد الـقـديــم امـتـثـنــي=يـخــونــه الله كـــــان لــمــســت ذراعــــــه راح ونسى عهد الهـوى غـاب عنـي=ســار بطـمـان الـقـاع واهـمـل رفـاعــه شــرى القـصـور وكــل حـلـمـن يـمـنـي=زيـــف الـحـيـاة وصـافــي الـــود بـاعــه ضـــاع الـــذي يـمــه هـمـومـي دعـنــي=يــا لـيـت قلـبـي ماسـمـع لــه وطـاعــه يـاقـلـبـي انــســه وش يـفـيــد الـتـمـنــي=مـــادام عــنــدك يــــا دلـيـلــي شـجـاعــه مــاكــل حــلـــون فـــــي مــذاقـــه يـهــنــي=ولا كـل مــن غـنـى يطـيـب استمـاعـه