بوحي وبوح القلب والحرف والروح.

ماجيت افتش عن غيابك والاسباب=جيت اتحمد رجعتك من غيابك
ادري بقلبك جرح للحين ماطاب=اشوف بعيونك ملامح عتابك

بقلم

بـــدر المذود

الطف من النسمات واجمل من الورد=طيفٍ يمر أخر دقيقه من الليل
اصحى وانا عيوني من اطلالته شرد=واقول تو الليل مشتاق لك حيل

بقلم

بـــدر المذود

جيتك وانا راضي بحكم المقادير=ومشيت مالي بالمقادير حيله
فكرت فيها لين شبعت تفكير=لقيت كل حلولها مستحيله

بقلم

بــدر المذود

الشعر فن ابداع فكره وتصوير=يشوفه القارئ على شكل صوره
اما تحبكه زي حبك الشواعير=والا بلاش يضيّعنك بحوره

بقلم

بــدر المذود

اذا كرامة نفس الانسان ضاعت=وش بعدها ياللي سلبت الكرامه
انكان نفسه للولا ما استطاعت=مالك على نفسٍ كسرته ملامه

بقلم

بــدر المذود

الشعر شعر الداهيه بندر اسرور=والا***ي والهاجري لاشدوبه
ارقد ترى ماطيّر الصقر عصفور=حرفك ركيك وعايشٍ لك كذوبه

فيس بوكيه ولها مسبباتها

بقلم

بـــدر المذود


لا اعرف سبب اختفاء بعض الحروف
قد تكون برمجه لاتقبل رغم انه
اسم عادي مافيه شي

يبرى جديد الجرح والا مايبرى=ماعاد تفرق كلي اطعون وجروح
كني بقايا من شتيلا وصبرا=الفرق قلت لطاعن القلب مسموح

بقلم

بــدر المذود

راحت وناسة خاطري يوم راحو=وانا اتوقع توهم مايروحون
حتى لحقي بالوداع استباحو=قاسين وانا ماتوقعت يقسون

بقلم

بـــدر المذود

ياقربك اقرب من رموشي لعيني=ويابعدك ابعد من نجوم الثريّا
عيني تشوفك بس وش في يديني=حكم القدر على المحبين عيّا

بقلم

بـــدر الشمري

لولا الرموش العكش وعيونه السود=والتوتتين الي وراهن لمع برق
ماصار صبري بين قوسين محدود=وتحرقني اشواقي على شوفته حرق

بقلم

بـــدر المذود