بوحي وبوح القلب والحرف والروح.

بيني وبين الحبل والدلو والبير=مدة نظر على المصمم قصيره
يطير فيها طير ويطيح به طير=تبقى عسيره بس ماهي خطيره

بقلم

بـــدر المذود

نسرح ونمرح في خبايا التواريخ=ويفوتنا التمحيص عن كاتبينه
والله شرهتوا يالدجاج المفاريخ=اشوفكم من صانعه سارقينه

بقلم

بـــدر المذود

ترى الفـراق اللي يـسمونـه فراق
................... لا ودعـوا وسط المقـابـر بعضهم


وألا فـراق الحب لحظـة وينطاق
................... وأن فـارقوا لابـد تـلقى عوضهم




بدر المذود

الـروح ضاعت بين ذكراك والليل
............. بيـن الحـنـين وبيـن طيـفٍ يموني


بين الغـيـاب وبين شح المواصيل
............ تعـال طالع قـسـوتـك فـي عيوني




بــدر المذود

لي موطنٍ مابين حاجب وحاجب
..................... بين الـرمـوش وبين نـجلٍ ذوابيح


هــذا يــلاطـفـنـي وهــذا يعاتب
..................... وانــا اتـعثّـر بين الاثـنيـن واطيح




بــدر المذود

راودني الهجـر بغـيـابــه على الفرقى

...................... مـازلـت ارده ويـرجـع يطرق ابوابي



أنزل من ابراج شوقي وابتدي وارقى

....................... لـليـوم الاشـواق تـنـزل بـي وترقابي





بـــدر المذود

ثـنـتـين في حـكمـه وشـرعـه طليقات
............. وأثنين في حـكمـه وشرعه مساجين


الاربــعــه طــب الـقـلـوب الجريحات
.............. علـى وتـرّهـن يـعّـزفــون المجانين






بــدر المذود

فــيـنـي مـثـل مـافي عيـونـك مـن الشوق
................. اخــفـيـــه بــس بـحـــاجـــر الـعـيــن بيّن



يـقـسى علي واسـتعـمـل اللطـف والذوق
.................. واقـــول يــــا مــيــراث الاحـبـــاب هيّن







بـــدر المذود

تبـرى جروح وتبتدي بالهوى جروح
....................... يـعـنـي بـدالـك يـالـقديمـه جديده



نبني صروح وينهدم بالهوى صروح
....................... كل ما تـطيـب اوجاعنـا نستعيده







بـــدر المذود

يـــاليــل وش قـصـتـك في ثلثـك التالي
....................... وقّــف طـيـوفـــه دخيـلك بـس لــو ليله


يكفيني الـهــاجـس الـلـي مـشـغـلٍ بالي
....................... يسري على سكون روحي في مواويله


بــدر المذود


مجارات
محمد الصيادي



يا بدر موّالك الّلي ما رحم حالي
........... خلّاني أفرح وأددقق في تفاصيله

يا بايع المسك دائم موقفك عالي
.............غيرك بلا فكر مدمن في تماثيله

أحيان يكتب ليمدح صحبة الوالي
............وأحيان يمسح دموعي في مناديله

وبعض الأحيان يحرق شعري البالي
..........وأحيان نرقص على ومضة قناديله


ردي عليه
أضافـتـك يـاصـديـقي سكّــره حالي
.......... مثـل العـسـل لاشـفـى عـلّـة معاليله



يــا من يـبـدّل بـقـلـبٍ ســالـيٍ خالي
......... واعطيه قـلـبٍ تعـذّب من محاصيله



أجـامـل امجـامـل المرتـاح والسالي
......... وانــا حـمـولـي ثـقـيـله ماقدر اشيله



راع الهـوى لا فقد لــه واحـدٍ غالي
......... يـضيـع عقلــه الـى ضيّـع مواصيله


بدر المذود