16-06-2018 | #1 |
|
قصه وابيات
قـصه وابيات من الماضي
انقلها لكم متمنياً ان تؤخذ منها العبره والاستفاده وان تروق لكم . القصه جرت على (عدوان الهربيد) من السويد من قبيلة شمر شاعر مجيد واشتهر بمكارم الاخلاق والبر باهله وجماعته وعشيرته وهذه العادة عادة حميدة من عوايد العرب والواحد لازم يتصف في شي من البر ,, المهم أن عدوان الهربيد له أخ اكبر منه وكان عدوان يعزه ويغليه ومع مرورالزمن قدر الله وتوفى اخيه الكبير وخلف ولد وحيد أسمه ((جريس)) ,, وبعد ماتوفى أبو جريس اللي هو أخو عدوان الهريبد الكبير ارادت ام جريس ان تتزوج ,, وخاف عدوان على ولد اخيه من العيلة وسوء التربية وقال انا أتزوجها علشان احافظ على الولد عن لا يلحقه ظيم ويراعيه وفعلاً تزوج عدوان الهربيد من ام جريس وقام عدوان يربي ولد اخوه جريس تربية حسنة ويعتني به وكانه ولده الذي ظهر من صلبه وكونه ولد اخيه ,, المهم كبر جريس وصار رجال على امل ان يشد به الظهر وصار عمه عدوان الهربيد شايب يالله يقوم ويتحرك ولكن الغريب أن جريس بدأ يتنكر لعمه ويعاملة معاملة ماهيب زينه بس العم ماله الا ان يصبر ويتحمل أبن اخيه ,, ووجهه عدوان الهربيد الى ابن أخيه جريس هذه القصيدة التي يقول فيها :
ياجريس يامشكاي شاكن واشــاكيك = وأشوفها من يم الاصحاب ضاقه ياجريس أخذت أمك على شان تاليك = مامعجــبن زينه ولاهـي عشاقه عمــك ولــو بي تنشده كــان ينبيــك = وش حق من رباك طفــل حواقه ياما على مــتني تعـقــبت بيــديـــك = تنقــل كمـا تنقــل خطـاه العــلاقه وياما بعــدلات الشــبايـا نعـشــيــك = واعطـيك من زود الخـزيزه لحاقه بارباعى إليا ثــار حســه يشـــويـك = في ليـلةً ذوق العشــا بـــه شـفاقـه ويـوم الذي بذقون ربعـك ظهر فيك = واظـن فـي نبــت اللحـي افـتـراقه اليوم أشــوفـك يوم كـبرن عـلابـيك = جمعت مــع خبث الطبايـع نـزاقـه ولاعــاد بالــدنيـا صديـقً يخـليــك = مامن ورى عوج النصايب صداقه ياجـريس مــالى بالاداني واقاصيك = لاهــل فـوقى محـزم مـن دقــاقــه ســـبع العوذ ياجريس خلن واخليك = وياجـريس مابعيال الاخـوان فـاقـه تيسً يحطـه وال الاقــدار بيــديـك = أحـلى مـن الشـرشوح عـنـد الرفاقـه وقد سمع واحدً من اهــل بقعاء قصــيدة عــدوان الهربيـد فقـال :
ياليت بالــدنيا صديقـك يخــليــك = وكــفــاك شـــره ماتبي لــه صــداقــه ميرالبلا لا جـنب الحق ناصيــك = تــومي ركــابــه ماعــليـهــا عـــلاقــه دلى يبـيعــك بالمكاتـب ويشــريك = ويحـــط دون الله عــلــومً دقــاقـــه وسـلامتكـم . |
|
16-06-2018 | #2 | |||||||||||
|
رد: قصه وابيات
ياليت بالــدنيا صديقـك يخــليــك = وكــفــاك شـــره ماتبي لــه صــداقــه ميرالبلا لا جـنب الحق ناصيــك = تــومي ركــابــه ماعــليـهــا عـــلاقــه دلى يبـيعــك بالمكاتـب ويشــريك = ويحـــط دون الله عــلــومً دقــاقـــه صح السانك شاعرنا الغدير محمد سوعان الربيع مرحبـا بك عزيزي أهــــــــــــــــــلا ً وسهــــــــــــــــلاً كم أتمنى أن تتسع صفحات منتدياتنا لقلمك وما يحمله من عبير مشاعرك ومواضيعك وآرائك الشخصية التي سنشاركك الطرح والإبداع فيها مع خالص دعواي لك بقضاء وقت ممتع ومفيد يسعد منتدانا باستقبال من هم بمثل شخصك ليكون مميزاً بين المميزين وأنت لها فأهلا بك وعيدك مبارك وكل عام وانت بصحه وعافيه من العايدين الفايزين وتقبل تحياتنا وتقديرنا |
|||||||||||
|
16-06-2018 | #7 |
|
رد: قصه وابيات
قصة واقعية للأسف
يسلموا لنقلها لنا اخوي الشاعر السوعان |
مجتمع يرفض الطب ! و يسيء الظن في الطبيبات !! وحين تلد النساء ، يبحث عن " طبيبه " !! مجتمع متناقض ! |
18-06-2018 | #9 |
|
رد: قصه وابيات
رعـــد الشــمال
هلا بك والله ومسهلا اخوي وصديقي العزيز يسعدني مشاركتك وحضورك الرائع رعـد الشمال لك كل معاني الشكر والامتنان ,,,,,,, ما عليك زود طال عمرك . |
|
18-06-2018 | #10 |
|
رد: قصه وابيات
المهـــــــاجـــر
هلا والله ومسهلا نورت اخوي الكريم بمرورك الطيب وانت الاطيّب اشكرك على حسن المتابعه وطيب الاطراء وما عليك زود هلابك ربي يحفظك .......... لاهنت طال عمرك . |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام