آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 19-01-2009   #1


الصورة الرمزية عبدالله العمودي
عبدالله العمودي متصل الآن

بيانات اضافيه [ + ]
 رقم العضوية : 1267
 تاريخ التسجيل :  13 - 01 - 2009
 أخر زيارة : 26-08-2015 (11:56)
 المشاركات : 32 [ + ]
 التقييم :  10
لوني المفضل : Cadetblue
افتراضي ديوان الشاعر / عبدالله العمودي





مصافحه أولى


يسعدني ويشرفني الانضمام الى هذا المنتدى الشامخ والشكر لمن دعاني وجميع الاعضاء الاعزاء
وهذه اول مشاركه ارجو ان تنال استحسانكم





ياللي من الدنيـا شكيـت الغليبـه =اعلم ترى الاسلام هو خير الاديان
من جنب الصعبات حدر شعيبـه =مع البشر عكس البشر لوهو انسان
وصكات بقعـا لـلاوادم صعيبـه =لكن الحمل يـازاد شالـه بليهـان
ومن دور المجنا يعـرب نسيبـه =وكلام خير الخلق هو خير برهان
وانـا كلامـي للعقـول اللبيـبـه =ولااقول انا هرجي مثبت ووكـدان
كلا على ماقيـل عرفـه يجيبـه =وانا مع الشعار في نظـم قيفـان
العلم هو حمض الرجال العريبـه =وماقل دل ويشهد الشيـخ راكـان
والهرج يامنه كثـر بـه معيبـه =ويصبح كثير الهرج خايب وندمان
واللي مشا وضح النقى زال ريبـه =لاالناس قالوا به ولا قـال بفـلان
والحر منزالـه بـراس الجذيبـه =والتبع واشباهه مثل طير برمـان
والدلو لولا رشـاه وش ينبغيبـه =يموت راعيها على البير ضميـان


 

قديم 09-02-2009   #2


الصورة الرمزية عبدالله العمودي
عبدالله العمودي متصل الآن

بيانات اضافيه [ + ]
 رقم العضوية : 1267
 تاريخ التسجيل :  13 - 01 - 2009
 أخر زيارة : 26-08-2015 (11:56)
 المشاركات : 32 [ + ]
 التقييم :  10
لوني المفضل : Cadetblue
افتراضي



سيل الوادي


يوم ان أجا يم سلمى حد سيل الوادي =قالت له ابشر خذيت شوي ولك مدعابه
انا ضعيفه ومثلك دوم فيه عنادي =وانت الجبل محتمل عقده علي صبابه
قال ابشري لاجل عينك راسي ومفادي =والله لاحدره مع اديرع ولانشقابه
قالت تعزوى وسيلك رايح الانفادي =مالك فخر سيل حادر وانت شلت عيابه
قال افصحي لعنبو بيك علي الاجدادي=قالت عجب ياجبل حاتم جهلت اسبابه
قالت رجالٍ ورانا حازت الامجادي=وحنابغفله عن الغازي وصوت ركابه
قالت يمينك اليا طيبه خذوها بادي =قال انا وانتي ركيزه للبلد واصحابه
قالت بلانا عقب عنتر ولد شدادي=ياما طلع ذيبك الاسحم وهز انيابه
تاريخهم ياجبل حاتم علينا زادي =قال الثنا عمنا ولاعاد فيه اطلابه
قالت قهرمافعلنا يعجب الحسادي =قال الزمن شيّخ الثعلب وذل ذيابه


 

قديم 16-02-2009   #3


الصورة الرمزية عبدالله العمودي
عبدالله العمودي متصل الآن

بيانات اضافيه [ + ]
 رقم العضوية : 1267
 تاريخ التسجيل :  13 - 01 - 2009
 أخر زيارة : 26-08-2015 (11:56)
 المشاركات : 32 [ + ]
 التقييم :  10
لوني المفضل : Cadetblue
افتراضي



[align=center]
القضيه



ان جيت ابشكي قالوا الناس لي عيب=وان قلت عندي راي قالوا عسى خير
وان قلت اعدي نايفـات المراقيـب=قالو يابن حمـدان لاتخلـف السيـر
قلت القضية عاجله ياهـل الجيـب=فكوا حصـار الغاليـات المخاميـر
قالوا نبي بكرى نشـب المشاهيـب=والوضع مايحتاج لحظـات تاخيـر
قلت العدوا شمات وانتم اصاحيـب=وشلون لو بيحت سري على الغيـر
لو نعرض القصه على الزير وكليب=كان اتضح مايخفـي كليـب للزيـر
قلت اتركوني والرجاء بعالم الغيـب=منجي ولد يعقوب من مظلـم البيـر
القلب يامشكـاي لـولا المحاديـب=امداه في عال الخضيرا كما الطيـر
ابي اتكل واقـول ويـن المناديـب=مندوب لوهو من حساب المسابيـر
ربعن بوقت الضيق عندي محاضيب=ماهمهـم كثـر العنـا والمشاويـر
دام الضحيه والولي عنـده الذيـب=هيهـات يالـدوار ويـن المداويـر
على عجل مادام يوجد هل الطيـب=نلقـاه لاصكـت علينـا المعاذيـر
نطق باب وبـاب حتـى المعازيـب=شيوخ الجهام اللي تقـود الطوابيـر
فـي شايـه الله والليالـي دواليـب=نلقا الـذي يجيـب علـم التباشيـر
ولاباس لو هو من الرجال الاجانيب=شعره تفيدك مـن جلـود الخنازيـر
نقطع بها الخمسه ونجلا بها الريـب=ويعود ماء هداج من عقب ماضيـر


 

قديم 27-04-2009   #4


الصورة الرمزية عبدالله العمودي
عبدالله العمودي متصل الآن

بيانات اضافيه [ + ]
 رقم العضوية : 1267
 تاريخ التسجيل :  13 - 01 - 2009
 أخر زيارة : 26-08-2015 (11:56)
 المشاركات : 32 [ + ]
 التقييم :  10
لوني المفضل : Cadetblue
افتراضي يادار حايل




يادار حايل







يادار حايل من سكن فيك يغليك=الحضر والبدوان درعك وعونك



شمر هلك يادار حضرك بواديك=اهل الجبل يادار دره عيونك

_

دار الكرم يوم الليالي مهاليك=ويصعب نصاب الطيب يكمل بدونك

_

شمر هلك يردون حوض المداريك=نموت دونك والعدا مايجونك

_

وباالطيب ياذيب الخلا من يعشيك=بديار شمر لاتعوي يكرمونك



واللي حكى يادار قصده يناحيك=حناعمى يادار منهم يبونك



يادار حاتم ساكنين روابيك=ولاضنتي يادار واحـــــــد يخونك



عبده والاسلم في جنوبك وشرقيك=وزوبع شمال وغرب تحمي ركونك



 

قديم 03-05-2009   #5


الصورة الرمزية عبدالله العمودي
عبدالله العمودي متصل الآن

بيانات اضافيه [ + ]
 رقم العضوية : 1267
 تاريخ التسجيل :  13 - 01 - 2009
 أخر زيارة : 26-08-2015 (11:56)
 المشاركات : 32 [ + ]
 التقييم :  10
لوني المفضل : Cadetblue
افتراضي مساجله بيني وبين الشاعر سعيد العمودي



اسمحولي ان اضع هذه المساجله بين ايديكم لو اني كثرت عليكم








ياراكب اللي تو يدرج مع القار=من المانيا حسب الطلب جيب تصدير
من مصنعه مخصص مجهز للاسفار=يحرق وقوده كل ماشده بقير
يرسي مع اللفات مادق له طار=ويزيد مشيه يابعدن المشاوير
من الجبيل حرك متجه يم الاخيار=يحمل جوابامرسله للمناعير
ضهران والدمام حطه على يسار=وبقيق والهفهوف ماشاف له نير
عبر طريق خريص مع وقت الاسحار=والعاصمه عداه مع نهضه الطير
ومع مبتدى السيدين ثبت له الطار=يم القصيم مواصلا وجهه السير
ومن ديره القصمان يم الجبل سار=وذعذع هواء حايل وهلل بتكبير
ملفاه قرما قوله اهلين له كار=يلفي على سعيد زبون المسايير
تلقى دلاله جاهزات على النار=بالبن والهيل المعطرز مباهير
وليا وصلتوا عند شغموم الاحرار=مدوا له المكتوب من دون تاخير
يالقرم فكري صار هايم ومحتار=يقبل ويقفي بين ورد ومصادير
عديت بالمرقاب من جور ماصار=واضن حضي يالسنافي معيثير
شوفه حبيبي يافتى دونه اخطار=واخاف من قولة وقع بالمحاذير
صبرت لكن طول الوقت صبار=من زاد عن حده يقع بالمخاطير
ياسعيد والله وقتنا صار غدار=تظهر مواريه ولايبشر بخير
شربت يالمنعور كاسات الامرار=والحل عندك يالسنافي ولاغير
شكيت لك يالقرم لوعات الادوار=وعانيت من صكات بقعا المعاسير
ياسعيد لي شف بداري ولاصار=مالي جدى يالقرم كود التعابير
صابر وكني يالسنافي على نار=عسى الفزع منكم يجيبه تباشير
يفداك من يلبد لياجوه زوار=يصك بابه مايحب المخاسير
وصلاة ربي عد هتاف الامطار=على نبي دمر الشرك تدمير





وهذا ردالشاعر سعيد العمودي







سرياقلم خذلك مع الشعر مشوار=نبي يجي للشعر قيمه وتاثير
اكتب وسجل ماتمليك الافكار=طوع عصيات القوافي على اير
واسبح ببحر الشعرمع ضمن شعار=وحرر قصيدي تو واكتب تقارير
دام الرجا بالنافع الواحد الضار=سبحانه المعبود وال المقادير
وخلاف ذا بعني الجيب فكسار=جديد في حله جديده وتطوير
كنه عريس ضيقوبه بالانوار=الناس في جون وهو عالمه غير
فكره مع اللي بعدوبه عن الدار=راحت ولا حطت للخله معاذير
واليوم عرسه والبلا وش بالاسرار=جامل هله لوكان عرسه تعازير
ماودي اسرف بالوصايف والاذكار=خايف يطول الشرح والقاري يحير
وصل حروفي قبل مايبرد الحار=ماعادلي بالصمت عذرن وتبرير
اللي زهمني بالقوافي والاشعار=اقف علي شانه تحيه وتقدير
شاعر وله في عالم الشعر مسبار=كل القوافي وقفتله طوابير
يشكي زمانه ضايق الصدر محتار=عقب الجبال السود بحر ومخاطير
فوق السفينه قاطعن كل الابحار=مابين صرخات الهوى والمعاصير
تزفك الدنيا علي كل مضمار=شف لعبة الايام ماله محاذير
يامسندي والله عليم بالاقدار=اللي خلق للناس نار وزمهرير
كفيل يفرج كربتك عقب الاكدار=وتزف لك دنياك احلى تباشير
وانامعك يمناك في كل الاخطار=وافي معك في كل حال وتغيير
تامر وترخصلك علي طول الاعمار=افداك باللي تطلبه دون تقصير
والرزق يطلب تضحيه وانت مغوار=ماهد عزمك في زمانك معاثير
علمتني وشلون بكون صبار=عطيتني شورك وانا اليوم باشير
كيف نتعلم من غريبين الاطوار=كيف ابني الامجاد واكون واصير
وانا معك واللي تبي يعتبر صار=ولاتحسب دامني حي للغير



 

قديم 06-06-2009   #6


الصورة الرمزية عبدالله العمودي
عبدالله العمودي متصل الآن

بيانات اضافيه [ + ]
 رقم العضوية : 1267
 تاريخ التسجيل :  13 - 01 - 2009
 أخر زيارة : 26-08-2015 (11:56)
 المشاركات : 32 [ + ]
 التقييم :  10
لوني المفضل : Cadetblue
افتراضي شهامة الطوعان صارت عناوين





قم يانديبـي وصـل العلـم بالحـال=وصل سلامـي للرجـال العزيزيـن
سلم على الطوعـان رجـال رجـال=رجالهـم يسـوى رجـال كثيريـن
من اولاد صقر مهديـة كـل عيـال=وافيـن بالميقـاف بالعسـر والليـن
متوارثيـن الطيـب والحـق ينقـال=ولاهي غريبـه بالرجـال الوفييـن
طبع لهـم مـن دور زامـل ولازال=وحمود بن طوعان ضمن البراهيـن
ماحدأ فعل فعله علـى مـر الاجيـال=مـار انصفـوا يامولفيـن الدواويـن
ياعارفين اهـل النـوادر والابطـال=شهامة الطوعان صـارت عناويـن
ماللمواقـف غيـر حلحيـل حـلال=والموقف المحـرج يبيلـه سلاطيـن
والطيب والمعروف في ضيق الاحوال=والا الرخاء كل يبـي يوفـي الديـن
بيضاء لابن طوعان في راس ماطال=تاح على ربعـه وفخـرا للاقصيـن
سطر ثلاث وبرهن اقـوال بافعـال=حقـه بشـرع الله وبالجـار ثنتيـن
من غير حب خشوم والارجـا مـال=لله ثــم لله عــدل الـمـوازيـن
الله يفك حمـود مـن كـل غربـال=ويعوضه فـي فقـد غاليـه غاليـن
شمر تفاخر في فعـل طيـب الفـال=وقدرك يابن نايل على الراس والعين



 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:27


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام