ديوان الشاعر / عبدالرحمن الغيثي

مصافحة اولى متواضعة بين روائعكم
اتمنى ان تصل الى جزء من ذائقتكم

ياكبر صبر القلب .. ..

	ياكبر صبر القلب مع جور الايام = صارت له الايام ذكرى اليمه وعزاه ياكف تعب مسك الاقلام = يكتب ولكن شاف كتبه جريمه حاولت امضيها بضحكات الاوهام =لاشك نفسي بالشدايد عظيمه آهات حزن القلب في وقت الاجرام = عجزت اقول انه علومٍ عقيمه حاولت اقول انه خيالات وافلام =والنور يظهر مع ظلام العتيمه لوحه وزينها بالألوان رسام =كنه هنوفٍ بالمحافل وسيمه خده رقيق ولايتحمل للأوشام = ويسقط على المكياج دمعٍ يضيمه دارت بي الدنيا وانا مالي اخصام =ولاشقيت نفسي بالخصيم وخصيمه كف العطا يحرم تحيات الاكرام = وتنهان نفسٍ له بالأوضاع قيمه يالوقت قلي وين تحقيق الاحلام = هي بالخيال او بالفعول الوخيمه ماخبر من يرضى على الذل مقدام = والعيب ماهو بالنفوس الكريمه ذمه ولابيعه على كل من سام = لو قالوا الاخلاق موضه قديمه مر الشهر واسبوع واليوم والعام = وين القلوب الصادقات الرحيمه اصبر واقول ان الوعد مثل الإلزام = مدام بي للصبر قو وعزيمه وعزاي تال الوقت مترٍ من الخام = ولادام بالدنيا الجحيم ونعيمه بس الوكاد الجور ذقته بالايام = صارت لي الايام ذكرى اليمه

جــــــرح القصيــــــــد .. ..

	كل مـاغمّضت عـيني جـيت يــاجرح القصيد =تستثير اقسى الجروح وتندفن فيك القصايد لو تعرف اني لياشفتك بدا العمر الجديد =ماتغيب من الحضور ولو يغيبون البدايد والهنوف اللي لـها بالقلب منزالٍ شــديد =من عرفته له ورا الاضلاع مرسوم وشهايد مـــاتغيـب الا تجيب ولا تـريد الا تصــيد =وان وقف قدامها راع الهوى ماهو محايد فتنة العصر الجديد وقمة الذوق الفريد =والكواكب لو بغتها صـارن بجيده قلايد ان مشت قايد جيوش وياوقفت مهرة عقيد =وان تمــادت تاخذ القـايد ومحصول الفوايد شـرقها تمر الخلاص وغـربها الطلع النضــيد =ومن شمال ومن جنوب الدر والياقوت سايد مــايذوب الثلج يـامرت يذوب اقـوى الحـديد =كيف قلبٍ من لهيب الشوق تغريه الوعايد والقصــايد لـو سمعته شدّني جرح القصيد =يستثير اقسى الجروح وتندفن فيه القصايد

قلتي هذا مستحيل .. ..

	قلت لك لايأخذونك =قلتي هذا مستحيل قلت يمكن يبعدونك =قلتي لايمكن يصير آآآآه ياكثر السوالف =بين قال وبين قيل قلت لك لايأخذونك =قلتي هذا مستحيل وين راح المستحيل =يامواثيق العهود لو تكرمتي تعالي =وافتحي للقلب باب عاتبيني واسمعيني =واحرجيني واسأليني وقولي مايطري عليك =من سؤال ومن جواب ليه غبتي واختفيتي=والسبب قولت حقود ليه اشوفك من بعيد =في خيالك تسرحين هكذا غبتي ورحتي =هكذا عني رحلتي يعذلوني عن هواك =ويبعدوني عن غلاك كرهوني في خصالك =وارهبوني من وصالك ماسمعت هروجهم =وعن نصايحهم غفيت وجوك في كلمة بسيطة=وانتهى الحب ببساطه يمكن انك تمزحين =ودك تشوفي غلاتك هذا من قلبي لقلبك =واسألي قلبك بعد ولو تكرمتي تعالي =هذا لو ودك تجين بس وين المستحيل =يوم قلت يحاولونك وقلت لك لايأخذونك =قلتي هذا مستحيل بسألك دامك رحلتي =وين راح المستحيل

ابيات متواضعه اهداء إلى النقيب : ماجد بن حمود العبيد

هذا الرجل الذي لايمل من فعل الخير ومساعدة الآخرين

جدك عبيد اهداء للنقيب ماجد العبيد .. ..

	قطفت من شعري نواوير وزهور = وغلفتها تقدير راع الجماله للشعر عندي قدر واحساس وشعور = والمدح مايركب بليا دلاله ومن يفعل المعروف يمدح وماجور = الطيب والتقدير كله زهاله ياماجد بن حمود ماجيت بقصور = اغرقتني بالطيب قبل الجماله حرٍ ولد حرٍ ومن ماكر صقور = صيداته الجزلات هام وقواله لو يعتذر ماهو عن الطيب معذور = متعمقٍ مابين عمه وخاله وجدك عبيد اللي مع الناس مذكور = ياجا مجال الطيب جابوا مجاله من يوم في بقعاء بساتين وحيور= نماه مايذخر لسوق وبقاله للضيف واللي مر بالدار معسور = يقلط على خف النفوس بسهاله ودليل قولي للاجاويد مخبور = جيران جدك خاشروه بحلاله ياقيل بقعاء قالوا عبيد به نور = يجلا ظلام الليل مابه جهاله والطيب ماياتي على هرجت الزور = ولا يدركه من هو يشح بحلاله والمجد قمه دونها شوك وحفور = تبي عزوم رجال تعشق نواله والا الردي لو هام عاجز ومثبور = تفتر عضوده مايحقق وصاله فداك ياماجد هل الغدر والجور = اللي يحبون الجهل والنذاله وعساك تسلم من صواديف ودهور = والله يحفظك يارفيع الاصاله طيب ومثلك يالمواقيف له دور = دون الخوي تاقف بعزم وبساله وليانخاك اللي من الوقت مقهور = تشيل حمل اللي تردّت حواله والختم يبو حمود مشكور مشكور = احرجتني بالطيب قبل الجماله

يا بنت !!! عفواً..!!!

	يابنت عفواً كان قصدك تسلين = ماني على خبرك بي انكاد واحزان ادري جمالك يستثير الكثيرين = وغيري منك لحظه تخليه طربان وانا لو اني شفت مدعوجة العين = جازيتها عن غمزة العين نسيان من العام وانا داخل القلب جرحين = اقاسي الحسرات وجروح الازمان اسهر وكل الناس بالليل نيمين = واجامل اصحابي ولو كنت طفشان اكتب غزل من شان مااجرح عزيزين = واقول للعشاق هايم وغرقان ماهو على شان البنات المزايين = المترفات اللي لهن بالغلا شان خذيت منهن في زماني مضامين = وقطفت من ورد البساتين بستان وليالقيت العاصية بالميادين = واللي جماله للمخاليق فتان روضتها ترويض مهرة سلاطين = حتى تطاوع لي بلا قيد وعنان على الشرف ماهو على درب عاصين= وعلى العوايد مانتعدى وننهان واليوم مالي بالعذارى عناوين = خذيت من كل العناوين عنوان ورضيت واللي يعطي الله يرضين = ولاني على شي من الوقت ندمان