ديوان الشاعر / ناصر الذرفي

السلام عليكم ورحمة الله وبركاته

اخواني اخواتي اضع بين ايديكم هذه الابيات اتمنى ان ترتقي الى ذائقتكم الشعرية

الموت يامنصور

	الموت يامنصور ماله قوانين= ياجا وعد نفسن غزاها وتله نوبن يجي عوداَ بسن الثمانين= ونوبن بزر مافات له عشر اهله ونوبن يهجد الناس والناس نيمين = ونوبن يباغتهم على جال دله يفوت بعض ارواح ناسن مريضين = ان كان خلاقه مهو كاتبن له ويسطي على ارواح العباد الصحيحين = لو انها ماتشكي ادنات عله لكن طلبت اللي يغيث المساكين = انه يثبتنا على خير مله وانه يمشينا على منهج الدين = ويضلنا يوم الحشر تحت ضله سبعت بيوتن وانشرو يافطينين = لجل نفطن واحدن مافطن له

اخوكم / ناصر الذرفي

السلام عليكم ورحمة الله وبركاته


قصيدة بعنوان ( النفوس انواع )

النفوس انواع !!!

	النفوس انواع بـه نفـس لوامـه = وفيه له نفسن على العكس مرضيه نفس فيمـا يرضـي الله قوامـه = ونفس فيمـا يغضـب الله مبليـه ونفس في فعل النواميس هوامـه = ونفس مال الطيب عنـده اهميـه ونفس للخيرات والبـذل روامـه = ونفس عنده حب ذاتـي وانانيـه تفرق الخامات من خامه لخامـه = خام تقليـدي وخاماتـن اصليـه والزمن نفس الوفي نكس اعلامـه = والضروف اليا بغا حاجتن عيـه تذبح الرجال وتكسـر عضامـه = والحمول اتثقلـه لوهـي اشويـه كم غلامن نيتـه بالفخـر هامـه = لين خلتهـا الصواديـف وهميـه حطته صكـات بقعـاء بدوامـه = وده اوده وضـاعـت منـاويـه

ناصر الذرفي الشمري

اخواني اخواتي في منتديات نشامى شمر

السلام عليكم ورحمة الله وبركاته

لاعلم ان كان هذا القسم المناسب لموضوعي وهو عبارة عن شيلة دويتو بين منشدين

اتمنى ان تعجبكم

يالله عسى المرزم اللي لاح براقه !!!

	يالله عسى المرزم اللي لاح براقه = اللي من اعصير وعيوني تراعي له نون بروقه بوسط المزن شعاقه = مخايله تجذب العشاق ويخيله عساه فوق الجزيره يرخي اشناقه = بمر الولي فوقها ينثر هماليله يركز عليها لياما يعلن اغداقه = من حد جيزان لطراف العويقيله ياما يقولون فيه المملكة ضاقه = على جميع البلاد ارخى مخاييله من بعده الدار كله تخضر اوراقه = تعجبك شوفه خزاماها واكاليله تفرح به اهل الدبش قنايه الناقه = ان جاه علم الحيا تعلن محاويله والذود من وسط شبكه تعلن اطلاقه = يازين بالروض ياشرت مخاليله وتفرح به اللي لشوف البر مشتاقه = ناسن غلا البر وسط اعماقه تشيله مالوم نفسن لحب البر عشاقه = البر نفس الشقي يجلا غرابيله نفسي على الخايع الممطور تواقه = عندي هواء البر ماشين يحالي له انا اشهد انه هوى قلبي وترياقه = وهو طب روح الهواوي ياغشى ليله معي رجالن لحب الطيب سباقه = كل ابلجن يانطق تطرب تماثيله زين المهيل يامن الغشمري ساقه = من دلتن كيف راسي من فناجيله هذا مرامي وكل انسان واذواقه = وماقدر الله على المخلوق ياتي له

ناصر الذرفي

اسعد الله جميع اوقاتكم

اضع بين ايديكم جديدي قصيدة بمناسبة مرور 100 على حكم الملك سلمان بن عبدالعزيز ال سعود