آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 23-02-2013   #51


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي انتم هلا البلها



السلام عليكم ورحمة الله وبركاته
الاخوه الكرام
يوم الخميس 10/4/1434هـ
كان لنا موعد مع زواج البناخي فراج بن دخين الشبيب الشميلي في الرياض
وقد تخلل هذا الحفل امسيه شعريه وكنت من ضمن شعراء الامسيه
فكتبت هذه الابيات بمناسبة زواج البناخي وعسى الافراح دائمه

انتم هلا البلها !!!

لعيون من وجّه لنا دعوة حضور= بناخي عزيز ومن سلالة عزيزين
اجي واشارك واحمد ااالله مسرور=والبعد مايمنع حضور المحبين
والقدر بصدور الرجاجيل مخبور=مبطي وحنا للوفى دوم وافين
والخال ماينظر ترى قول مشكور=الخال يشكر من حضر شوفة العين
الخال ماهو ظيف والكل له دور=وبأسم البنيخي مرحبا يالكريمين
ونقول للمعرس عسى دربك النور=الله ينوّر لك طريقك على الدين
وعساك دايم مع هل الطيب مذكور=ويحفظك ربي من عيون الحسودين
ومادام لك بالطيب ساس ومنظور=المرجله متوارثه لك بجدين
وانتم هلا البلها ولا فيكم قصور=ادنى بالادنى تنطحون المعادين
تم الكلام وياهل العرف والشور=ماقل دل ونختصر بالمضامين
وياعل كل روض مشيتوه ممطور=امين قولو ورددوها ملايين


 
 توقيع : عويد المغيليث



قديم 02-03-2013   #52


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي نبي نحولهاغزل



الجديد والحصري اتمنى ان تنال القبول


نبي نحولهاغزل !!!

نبي نحّولها غزلْ والمعذره يالحاضرين=عن حُب عُذْري مانقول اللي يخدش مّن الحيا
تسمّعو تسمّعو كل شي هاللحظه يبين=والحب غربل قبلنا ناس كثيرين قُوِيا
وانا تولعت بهوى غزالةٍ من ساعتين=صادفتها يوم نزلت من دون موعد ياخويا
المشكله ماعرف عنها غير موترها ثمين=حفظت رقم الموتر اللي سايقه من كورِيا
تابعت انا سواقها بس البلا يرطن رطين=كل ماطلبته حاجةٍ يسكت وفُهْمُه مزْرٍيا
رحت ورجعت ولالقيته وين رايح هالذهين=مدري ولكن فعلته بالقلب سوت بي عيا
والحين ماباقي امل غير التوجد والحنين=وياكم طبو بالسجن ناسٍ عزيزه وابريا
ودام الفصول الاربعه تتلي بعضها من سنين=لاحد يقول ان الهوى يمشون به ناس اغبيا
الحب يدخل بالغصب والرب سبحانه يعين=وانا عطيت المختصر واللي درى خل يدريا
ماهمني من قال عني شاعر ماهو فطين =انا فقير وعشقتي ياناس من نسل اثريا
وان كان هي من نظرته تبغى تسوي لي كمين=سهمه سطا في خافقي بالعون سهمه مدميا
وانا ترى من قبل اشوفه كنت حالف لي يمين=حب العذارا مبعده ميت ومن شفته حيا


 
 توقيع : عويد المغيليث



قديم 10-03-2013   #53


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي يتمان والله ملحقين المخلاه



السلام عليكم ورحمة الله وبركاته

ابيات كيبورديه وذلك بعد ماشفت في بعض المواقع
اناس يحاولون التسلق على اكتاف الغير
فجاءت هذه الابيات اتمنى ان تنال القبول واليتمان يستاهلون اكثر

يتمان والله ملحقين المخلاه!!!

سلام يارجـال الكـرم والمـروه= سلام يااهل الطيب والعز والجـاه
سـلام ياربـع تعـز السـمـوه=والشعر لعيون الضياغـم كتبنـاه
تاريخكم واضـح ولافيـه سـوّه=ضياغم حتى العجم جـاه ماجـاه
وابن علي وسط الجبل شب ضوّه=اربع قرون وان نقص شي زدناه
وابن رشيـد الله يرحـم سمـوّه=كل القبايل حاربـه ليـن زكـاه
وشيخ الشيوخ اللـي خذاها بقـوّه=في جنة الفردوس ياعـل مثـواه
بالسيف نالو حكم ماهـو مـروه=يتمان والله ملحقيـن المخـلاه
بدري على اللي بالرخى زان جوه=اللي يحـرّف بالحقايـق ويشنـاه
هو ليه باقـي فـي زمنـا فتـوه؟=واللا يوزع بالمواقـع دعايـاه؟
يانـاس قولـو للمسيكيـن تـوه=خلـوه يهجـد لايكثـر حكايـاه
جيته مناصح لايحسبـن عـدوه=الا اليامنّـه تـمـادى رجفـنـاه
تاريخكم معـروف ماهـو مشـوّه=والشمري يفخر بكم يالقراباه
لاشك بعض الناس مهووس سوه= باع الضمير ولالقى من توطاه
جته النصيحه واعْتِبِرْها مخوه=والعلم ياصل حضرته ويتعداه


 
 توقيع : عويد المغيليث



قديم 15-04-2013   #54


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي اصبح وجودي للاسف وانعدامه



السلام عليكم ورحمة الله وبركاته
اعتقد انكم تعرفون سبب غيابي وهو مزاين ابل قبيلة شمر
واخبر اللي يجي من المزاين يجيب قصيده حول الموضوع
ولكن انا جبت هالبويتات وخليت قصايد الحفل لليوم الكبير ههههه
وانا اعلم هناك قصائد في المنتدى يجب علي زيارتها ولكن ان شاء الله
يزين الجوال ونتابع الجميع
يسعد لي جميع اوقاتكم بكل خير ومسرات

اصبح وجودي للاسف وانعدامه!!!

صحيح غبت ولا عليّا ملامه= شريحتي راحة وراحة بها ارقام
واليوم اشوف الزين قل احترامه=ولاعذر من كان يsهر ولانام
من شاف حالي قال هذا علامه=وشفيه يسهر والمخاليق نيام
وانا سبب بلواى بنت الزعامه=اللي تناستني لها عشرة اعوام
واليوم جبت الرقم وابغى كلامه=لكن خساره طنشت بنت الاكرام
عدت اتصالي لين قل احترامه=وجوالها تعطيه للشايب شمام
اصبح وجودي للاسف وانعدامه=سوى سوى والحب من عندها اوهام
وش غير المجمول نسْيَت هيامه=نسْيَت وعوده وانتهى حب مادام
ياهل ترى من جد تنسى غرامه=واللا تبي تعذيب منهو بها هام
في الحالتين القلب مامن سلامه=مادام انا محكوم من عندها اعدام
قولو لها كل شي الا الكرامه=عند الكرامه ينقلب حبنا اجرام


 
 توقيع : عويد المغيليث



قديم 19-04-2013   #55


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي يالابتي ياهل الركاب



السلام عليكم ورحمة الله وبركاته
مشاركتي في مزيان قبيلة شمر في تربه حايل
وهي بالشيخ جديع اللغصيم

يالابتي ياهل الركاب !!!

يالابتي ياهل الركاب=شمر مروضة الصعاب
هذي عطايا الله لفت=اليوم جمعه للصحاب
عسى التجمع فاتحه=ياهل العقول الراجحه
واليوم يتلا البارحه=ياللي تعتقون الرقاب
العرض هذا شمري=ارفع بصوتي واجهري
واقول هذا منبري=وراسي تعلا بالسحاب
واقول من هذا المكان=اجمل تحيه وامتنان
للي سعى فيها وبان=وانتم تعرفون الجواب
شيخ ولد شيخ وفي=اليا وعد دايم يفي
الشيخ خالد يعرفي=يحميه ربي من العذاب
لعيون شمر جابها=مبطي وهو يسعى بها
نسل الذي يهقى بها=مثله يهيِّب مايهاب
قال الطنايا حقها=وانا ابنها ماعقها
لو كان يكبر شقها=انا لها وانا الزهاب
هذا ترى هو الصحيح=جابه ابو وجه فليح
ابن اللغيصم مو شحيح=حكيم كل قوله صواب
قال المزاين بتربه=باسم الطنيايا نكتبه
هذا ترى اول مطلبه=حاسب لها مية حساب
باسم الثلاثه سجله= والاسم محد يجهله
عبده والاسلم ياهله=مع زوبع كمل نصاب
وصلو على الهادي الامين=اللي بعث للعالمين
يالحاضرين السامعين=شفيعنا يوم العقاب


 
 توقيع : عويد المغيليث



قديم 11-05-2013   #56


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي انا وراع البرمجه



السلام عليكم ورحمة الله وبركاته
الاخوه والاخوات
اعتذر لكم عن غيابي الخارج عن الاراده وربما يطول الغياب وذلك لأسباب
عده ومنها تغيير مقر السكن ولايوجد هناك نت في الوقت الحالي الا اذا تغير الوضع
ولكن اعد الجميع انني لن اضيع اي فرصه تتاح لي بمتابعتكم 00
اليكم اخر ماكتبت وتجدون اخر الابيات التفاصيل

انا وراع البرمجه !!!

يوم الثلاثاء بالعقاريه صدفت النايفه=بغيت ابرمج هاتفي لكن فقدت الذاكره
انا وراع البرمجه امورنا متخالفه= كل مانهرته قربت قالت علامك ناهره
قلت المعفن مثل منتي يالعزيزه شايفه= خرب لي الهاتف وانا ماغير عيني تناظره
قالت لي اهدأ تر انا توي عرفت السالفه=وشهو يفيدك لو زعلت وقلت كلمة قاهره
قلت امري لو طال عمرك هالخساير كالفه =حتيش لو ان الرصيد وماملكته خاسره
يكفيني ان قلوبنا من شوفتك متوالفه=وانا اشهد انك يابعد حيي فتاة ساحره
انا مسير للحفر واسكن ترى بأطارفه=وامشي بعد بكره صباحا في تمام العاشره
قالت تؤجل سفرتك شفني تراني حالفه=هذي ارقامي واتصل انا تراني ناطره
قلت ابشري ثم ابشري لعيون عين النايفه=قالت تحياتي وانا ياصاحبي لك شاكره
ومشيت انا من عندها وقلوبنا متهاتفه=وعيني على رقم الفتاة اللي مميز اخره
حفظت رقمه قلت ابي يوم الخميس اهاتفه=ويوم انتصف ليلي توقعت الغزيل ساهره
دقيت اكثر من خمس مرات وشهي السالفه؟=قلت احسن ارسل له مسج ياعل باقي ذاكره
قلت اسمعي انا فلان اشفيك كنك خايفه=اليوم موعدنا عسى يابنت منتي ناكره
بعد الرساله قلت ادق مادام اسمي كاشفه=الو نعم قال المباحث يم جنابك حاضره
ازعجتنا وابلشتنا والنوم ماني عارفه=خلاص حددنا مكانك والجنود تحاصره
اثر الخبيثه ملكعه ماضن فيها عاطفه=تبي تجرجرني وانا صدقت هرج السافره
لكن وكاد الحادثه خيال قصه هادفه=ماهي حقيقه والعذر ياهل العقول الفاخره


طبعا القصه هي خياليه تماما وهي من نسج الخيال وش حدني لااعلم ولكن
هي اتت كما ترون
تحياتي للجميع


 
 توقيع : عويد المغيليث



قديم 31-08-2014   #57


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي كلن يقول الطيب عندي هنيا



السلام عليكم ورحمة الله
التقصير حاصل لامحال
ولكن والله اني جميع المنتديات ماادخلها
نظرا للظروف والان لما حسيت اني ارغب الكتابه
لم اجد امامي سوى
نشامى شمر
والابيات مهداه لمن يستحقونها واكثر
الزميل عيال الازمل الطنايا
وتحيه لكل من مر هنا
واسف لااستطيع التنسيق
لاني داخل من الجوال


كلن يقول الطيب عندي هنيا

لاشفت رجالين والكل زحزيح= وكلن يقول الطيب عندي هنيّا
ترهم زميل العز من دون تلميح= ذولا الطنايا شايلين الخويّا
احبهم من قلب ماهو بتمليح= من شيخهم حتى الصغير الصبيّا
ومن لامني في حب ناس مفاليح =ماهمني والله شاهد عليّا
وحبي لهم ماجا بدعوه وتصريح= فطره من المولى ولابه خفيّا
وعبرت ماكنّه ولاحتاج تصحيح= من واقع التقدير وايضا الحميّا
يقوله اللي ماكتب حرف تجريح= عبدي شريفي جاك اسمي كذيّا
واختامها للي يبي زود توضيح=عويد رحيٌم جابها سامريّا
وصلاة ربي عد ماهبت الريح=على رسول الله واشرف نبيّا



عويد رحيّم المغيليث الشمري


 
 توقيع : عويد المغيليث



قديم 01-09-2015   #58


الصورة الرمزية عويد المغيليث
عويد المغيليث متصل الآن

بيانات اضافيه [ + ]
 رقم العضوية : 2138
 تاريخ التسجيل :  09 - 06 - 2010
 أخر زيارة : 26-07-2023 (11:04)
 المشاركات : 3,434 [ + ]
 التقييم :  163
 الدولهـ  Saudi Arabia
 الجنس ~  Male
 اوسمتي
درع التميز وسام وسام وسام الوسام الذهبي 
لوني المفضل : Blue
افتراضي شيلة ورع مع والد فقير | كلمات الشاعر عويد المغيليث | آداء المنشد عتيق السويعد



شيلة ورع مع والد فقير | كلمات الشاعر عويد المغيليث | آداء المنشد عتيق السويعد


 
 توقيع : عويد المغيليث



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:55


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام