ديوان الشاعر / عيد بجاد بن شده

ياشعيل من يبخس بنود البضاعه

	ياشعيل من يبخس بنود البضاعه=ومن يشمت النبراس والغانميني يحتاج له ياشعيل منكم قماعه=حتى يجنب منهج الغاسقيني قماعةٍ فيها من السم ساعه=تسمع بها العقال والحاذقيني وتشهد بها قيس وتميم وقضاعه=وتحكي بها العراف للجاهليني ويدلي بها رجل الشرف والشجاعه=ويبلش بها القتات والساذجيني ناسٍ تبجح بالغط والاشاعه=بياعة النرجس على الكاذبيني تطبع شراذيم النجاسه طباعه=ماتعرف الجوزاء من الفرقديني شعر النبط منهم شكا ياجماعه=الدرسعي والابجدي والهجيني الشعر جوه مدورين الطماعه=اللي سوالفهم قرين ورطيني شعر النبط جوه الضعوف الرعاعه=في ساحته ماعاد تلقا السميني كلٍ يفسر عن سواعد ذراعه=ويذكر فعولٍ تو جتهم دفيني حدب النمش والشلف وام السراعه=والخيل والعيرات تهجن هجيني والبوش الأملح يوم وقت المجاعه=ملكن لهم وشهودهم حاضريني الله يستر من رجال الدناعه=اللي بهم من سو بقعا كنيني والناس تعرف كل صنف ومتاعه=الشبل شبلٍ والحصيني حصيني

عيد بجاد بن شده

انا كلامي للحشام محشومي

	انا كلامي للحشام محشومي= ولا انت جبت الكارثه والعذاريب حطيت في عينك قوي الهزومي= وعرضتها للفاهمين الشواذيب ياما نصحتك عن طخاف الغيومي=وياما نصحتك عن رماد المشاهيب قلت الكلام اليافعي مايدومي=وقلت انتبه من طين عكر المغاريب لكن اضنك ياخزام مخزومي= ومحتار بين العايله والمعازيب واصبحت في تيار سيلٍ دمومي=وضيّعت طيرك في قوي الملاهيب واشتلتها بأمر العفون الرخومي= وغديت لعبه بين كل اللواعيب اللي تعطر بالعرام الخشومي= وتضرب بعدلات القناء والمشاعيب والهم على الشاعر كثير الحلومي= هوجٍ تخلي لحيتك كلها شيب لكن غيّر نظرتك يالظلومي =وخلك صريح وجنب الظلم تجنيب واحذر تحصل من خصومك سهومي= قافٍ تغني به جميع المراكيب خلك على ماقيل حرٍ خدومي=مالك ومال الساذجين الزواريب وانهج مناهيج الحصان العزومي= وارد العدود ام الدحم مارد الذيب وأخذ التجارب من كبار القرومي= اللي لهم منهاج في ساحت الطيب وصل الصلاة وقبل حجتك صومي=واد الزكاة وهذب النفس تهذيب

عيد بجاد بن شده

يقول عيد بجاد قولً عزازي

	يقول عيد بجاد قولً عزازي=يبدي هجوسه والهقاوي قويّه: ماله ورا الشعار بعض المغازي=اهل الوفاء والكلمه الشاعريّه: لكن انا عندي كلامً مجازي=لأهل الحداثه والعلوم السجيّه: ياهل الحداثه ينحش الصقر بازي=من عاصمة بغداد يمسي طميّه: وفي جوهر المشتاق بان النّحازي=حتى ايش لو يشرب غديّر الوجيّه: وانشد وكرر ويش دم البرازي=من يحضره للجادل الغشمريّه: الغازيه بالرنق بنت الغوازي=تلعب على الحبلين بنت العبيّه: محرزه لهل الشرف والحرازي=والوسم واضح فوق خد المطيّه: وذئب الحواء صوت لذئب الحجازي=يسرحه ويمرح بالوهاد النقيّه: والبندر المذكور فيه الشرازي=باعه ردي الحض مثل الهديه: والسيف لونه بالغوى تركوازي=عبوس دبوس النفوس الرديّه: والشاعر اللي قال ياخاز بازي=يرزف على المنكوس صبح وعشيّه: يرزف وفكره بالعلوم انتهازي=مايعرف الاكراد والشركسيّه: يذكر علومٍ صايره في خزازي=منها مصليت المساجد بريّه: رجل الكلام السرمدي انحيازي=دايم علومه بالردا سرمديّه: يعرب ويجهل في بنود المجازي=وان قلت له مسكين يزعل عليّه: جاب المشاكل والغلط والمخازي=ورتب من الاكذاب قوم وسريّه: ليته بقانون الرياجيل فازي=اللي منازلهم بقت جاهليّه: خفوا وهفوا ناقلين المرازي=حبوس الرجال اهل الوفاء والحميّه: وبانت علوم مدورين الخنازي=بياعة النرجس على النرجسيّه:؟

عيد بجاد ابن شده

تقسيم. عبدالله فضاله على العود

	تقسيم عبد الله فضاله على العود:=و لحون صوته لا تراخى و شـاله: تبحث خفا قلب(ن) من الود ملهود:=و تذكره بالماضي اللي جراله: جازت له الكلمات و الوتر مشدود:=الله لا يرحم عدوك فضاله:= منول(ن) ناسي هوى ناعم العود:=و اليــوم لا باللــه ما نيب داله: يابو سعد لا يا ذرا كل مضهود:=وعز الرفيق اللي رديه حواله: أشكي عليك الحال و الحيل مهدود:=ومثلك يقدر شكوة اللي شكاله: صدري هواجيسه مصادير وورود:=والفكر طالت سجته و انشغاله: على الذي حبه ترا ماله حدود:=غرو(ن) هوا بالي وروحي وصاله: صفة رموشه كنها صفة جنود:=والخد براق(ن) سرى في خياله: والردف شط الحايل اللي مع الذود:=والعنق عنق اللي تزايد جفاله: ريم(ن) شعاه الريح مع نايد النود:=وقفى مع البيداء وخلا عياله: لوشافها نايف شجاع ابن بارود:=ساق النياق وكل غالي حلاله: في سوقها ساق المهاهيم ياسعود:=لوكان قرم وفيه طيب وشكاله: والعود غالب عنده الحب موجود:=وفهد فهد رجل الوفاء والجماله:

عيد بجاد ابن شده

الحب بلواء ليتنا ماعرفناه

	الحب بلواء ليتنا ماعرفناه=ياهني رجلٍ من بلأه متعافي ياحضرة الشعار ليش المحاباه=طاف الشباب ومعه الابداع طافي روحة مقيط اللي يقولون ورشاه=في هظبةٍ فيها الضواري عجافي وابن الدجيما مات من حب عذراه=والمغربي جابوه والموت كافي ومجنون ليلى ضيع العقل ورداه=لاح الكنين وضاع عقل السنافي من حب ليلى جاوب الذئب بعواه=وامست على قبره تهب السوافي وجميل هام وحادي الحب يحداه=على بثينة ضاع وسط الفيافي وصلاة ربي عد من سار بخطاه=على رسولٍ. بين الحق وافي

عيد بجاد بن شده

التغطرس والتكبر مانحبه

	التغطرس والكذب مانحبه =ولانحب الكذب وعلوم هالياطي والخصيم اللي علومه مستتبه = نظرته للناس حقران وتواطي ساجعِ للنفس يكره حكم ربه =يعتريه الكذب مع كثر إنفراطي لاحضرنا له طحنا على كل حبه = لان يونس حرها بعد الشياطي نلبس البشت الحساوي وسط قبه = الذهب يقراط ماناشه قواطي والحرار الشقر دايم مطلحبه = والحقيرة ماتشابه للزراطي والسراب البلقعي جنب وكبه =والوهاد البيض مافيها شواطي وان زعلنا بالعيون نحط شبه = ماحسب للسقيطه والقاطي

عيد بجاد بن شده

على الذي تشبه رنا بنت صدام

	ياوصل ياويلاه ياذيك الاعوام= اقفى ربيع القلب واقفى شبابي على الذي تشبه رنا بنت صدام =مصيونتٍ ماقصرت بالثيابي عين الوحش عنق المها دم الاروام= حبه سطا بقصى الضماير وصابي هرجه لبن بكرٍ رعت عشب لزام=بين العروق وبين جو الخوابي في ديرةً طلع الزهر وسطها اكوام=والديدحان مع النفل بالروابي والردف شط حوارتٍ شطها زام=على ثلاث شيب جرد الرقابي تشرب رهاء من در حنزاب مرزام =مع ذود مصلاحٍ يحب الركابي ودي بها يازبن من جاه من ضام=يامكرم الضيفان ذرب الجوابي على النقاء ياوصل ياسم الاقزام=قبل المشيب وعصر وقت الشبابي

عيد بجاد بن شده

،،،،،،،،،،،،،الرد ،،،،،،،،،،،،،

ياعيد ابن شده توجد ما تلام= وتذكر زماناً فات وقته وغابي
سبت هنوفاً رسمها من هل الشام= تاخذ اقلوب امتعبين الركابي
العين تشبه عين حراً اليا حام= حراً تعلا فوق رؤس الهضابي
ما يعشق الا زين نفحات الانسام= وجول الحباري ذاق منه العطابي
والهرج هرج اللي على الملك عزام=اللي كلامه مثل ضرب الحرابي
يحكم على من خالف امره بالاعدام =ويفك مرسومه سجين الرقابي
وضحتلك بعض المزايا بمرسام= تعبير عن راع الوصوف العذابي
ونكان يابن ابجاد فارس ومقدام=وتقدم على حوت البحر ماتهابي
اصمل وموعدنا على الدرب قدام= والله يوفقنا طريق الصوابي

( وصل الله العالي)

اي والله انا غدير الشعر يصفي لي

	اي والله انا غدير الشعر يصفي لي=لاغثبر الجم ناسٍ فيهم اهبالي افتل بيوت النبط مع كل حلحيلي=ولا المساكين ما تطري على بالي عاقل وفاهم واوجه نور قنديلي=واترك دروبٍ سلكها كل ختالي واعرف عيون الثمد واشرب شهاليلي=واترك ردي النهيلي واشري الغالي واعرف نقاريشها من صافي النيلي=ونقريز صاف التفق لا ولع الصالي واللي يغني مع الشله تماثيلي=يذكر لي اسمه وابوه ومنسب الخالي وان كان يقدر ردي الراس تعديلي=يلعب معي في بحور الشعر موالي والله لا كحل عيونه لان يهدي لي=سيفه ودرعه وبشت الصاحب الغالي والثلب مع فاطره تسرح محاميلي=والقرمزي يلبسه والرنق والشالي

عيد بجاد ابن شده