ديوان الشاعر / نهير النمش

الــعــنــود !!!!

	العنود اللي شكت بعض الحبايب=ليتها ياليتها غضت نظرها النشايب ماتجيب الا النشايب=والصدور تضيق من زايد كدرها البسيطه تنتظر وبل السحايب=والمنابت بشرت ميت شجرها ان تعدت للوجه تبرك ركايب=وان تمادت بالغلط بيّن خطرها ياعزيزه ياذليله من مصايب=بينت معنى الكرامه في خبرها علموها للوجاهه والطلايب=واتركوها تختلس شيمة قدرها لوعوها واجهدوها بالكذايب=ماعطوها فرصته تضرب وعرها ياهل المعروف ظلم الوقت شايب=والخطايا والمثايل من بشرها ماورى صدر السفيه الا الهبايب=ولاورى صدر الحكيم الا دررها الضلوع اليا كضمت تخفي لهايب=والدموع اليا ذرفت يصعب قهرها اعذروها لاجفت كل القرايب=واذكروها لاعبرتو من بحرها والعنود اللي نست كل الحبايب=ليتها ياليتها دارت ظهرها

نهيّر النمش

الله يرحم والديك اخي الكريم ابو غازي على الموقف النبيل
واسأل الله ان يرحم ابن العم ثاني عقلا الحسيني
وبنت العم نفلا مناحي الحسيني وان يحسن مدخلهم
وان يحفظ الطفله ريف في كنف اجدادها وعمامها وخوالها

ويعلم الله ان الموقف اقوى من الشعر بكثير المصاب جلل

ماغمض الجفن ياريــف ..

	البارحه ماغمض الجفن ياريف=والنفس ضاقت من بلاوي لهدها يافاقده حضنين واغلى مواليف=الحكم للمعبود محصي عددها ياريف واويلاه ماينفع الحيف=ماودي الأيام تسرع نكدها توك صغيره في زمان الغطاريف=وسود الليالي كسرن لك عمدها شيٍ يوصف يالضلوع المهاديف=قصة ألم واحزان يرعد رعدها رحماك يارب الضعوف الملاهيف=يارب تكرم نزلهم في رغدها ياخالق الاجيال شايف ولاشيف=عالم بجل امورنا في وعدها يارب يارحمن يامكون الطيف=يارب تحمي ريف وتكثر سعدها

الـهـيـافــا..

	هات القلم واكتب من الشعر بيتين=اكتب من الخاطـر ورتـب مقالي وجه سلامـي للربـوع العزيزيـن=واحشمه عن قول الخطاء والهزالي سلم على جمـع الهيافـا ملاييـن=سلـم علـى شيبانهـم والعيالـي ابن سند والدوح ومفلح مسميـن=شيوخ الهيافا من قديمٍ وتالي وكـل الهيافا ملحقين المخلين=جميعهـم وافيـن عـز وكمالي اعلومهم تملاء اصـدور الدواويـن=هـذا الصحيـح ولايبيلـه جدالـي ربعي هل الطـولات اول وهالحيـن=مزبان من ضاقـت عليـه الليالـي زبن الجـلاوي لاحـدوه المعاديـن=ماكنه الا .. بين .. عـــمٍ وخـالـي عز الدخيل اللي شكا لوعة البين=ربعـي مـلاذه مبعديـن المدالـي ربعي رفيعيـن المكانـه سلاطيـن=يرسون مثل مشمرخـات الجبالـي زحول الهيافـا بالملاقـا ضريريـن=لاصاحن الخفـرات ويـن الرجالـي يردون حوض الموت سطوه وصلفين=رجـال باللقـوات مثـل الجمالـي غوش الهيافا مرجحيـن الموازيـن=ياحظ من حطـوه ضمـن الغوالـي ننسى العوايـد والقيـم والقوانيـن=لاطوحن بالصـوت سـود الشيالـي نسكر عيا بالكون نقلـب شياطين=ما يهمنا مـن خصمنـا مانبالـي نقلب كيان القوم حكمـة وغاوين=فينا سطر فينـا جنـونٍ خيالـي فينا طناخة روس بالطيب وافين=الضيف نكـرم شاربـه بالجزالـي وقت الرخاء لاصحابنا دوم رحبين=الاجنبـي كنـه رفيـقٍ مـوالـي قصيرنا قدره على الـراس والعين=نصيرلـه مثـل القـراح الزلالـي واختام قولي ياعرب قولـوا اميـن=ياعل اخو عمشـاء بـدار المعالـي اسس ضبيعه للجماعه دواوين=وتجمعـو فيهـا بزيـن العمالي وارجو السموحة والعذر يالكريمين=ما كامـل الا وجـه رب الجـلالـي

((الوضح)) ..

	الوضح وردت صدّري يالمجاهيـم=واحلى ظنوني شح فيهـا زمانـي عمر الاوادم مأعتلو هامة الغيـم=وعمر البحر مايشتكي يالموانـي ماتهين نفسي ياقليـل المفاهيـم=لو طالـت الدنيـا تعـود انانـي اخـذت بالدنيـا دروس وتعاليـم=وحشمت نفسي عن ردي المعاني جربت انا اللوعات والهم والضيم=يكفي زماني ماخـذا مـن أمانـي الذيب صاحي ياولد والردي نيـم=لو جارت الدنيا على المودمانـي ياكثر مابالنـاس نـاسٍ مظاليـم=احدٍ شكـا همـه وأحـدٍ يعانـي وللناس ربٍ يقسم الرزق تقسيـم=وانا ولي الكون رزقـي عطانـي والوضح وردت وافزعي يالمجاهيم=ويالله تعيد أيـام بـأول زمانـي

نهيّر النمش

حنا الطنايا ..

	ياهوه حنا لابـتٍ مابنـا جـدال=فوق الجدي وسهيل نملك نزايـل حنا الطنايا ياولد طيـب وهبـال=لنا مكانـت عـز بيـن القبايـل وحنا الطنايا ياولد شيب وعيـال=كم اعتلينا فوق قـب الاصايـل وحنا الطنايا شرنا ضد من عـال=يازغرتاً بالصوت شقر الجدايـل وحنا الطنايا علمنا يسعد البـال=ناطا على الموت الحمر والهوايل وحنا الطنايا دوم مضرب للامثال=تضربنا الامثال بيـن الحمايـل وحنا الطنايا للعدو رعب وجفال=تاريخنا يحكـي علـوم ودلايـل وحنا الطنايا شربنا عـذب وزلال=نشرب من الطولات قول وفعايل وحنا الطنايا بقمة المجد نختـال=الله خلقنـا للفخـر والجمـايـل وحنا الطنايا لاطرت كل الافعـال=افعالنـا بالطيـب كلـه جلايـل وحنا الطنايا لاحكو كسب الانفال=عز الله انـا كاسبيـن النفايـل وحنا الطنايا وكلمة الحق تنقـال=فينا شموخ انفوس ماله مثايـل وحنا طنايا عقولنا توزن جبـال=عاداتنا شيـل الحمـول الثقايـل وحنا هل الطولات في كل الاحوال=شمر زحول رجال تشفي الغلايل وياشين شمر طفلهم بألف رجال=فوق الجدي وسهيل نشعـل فتايـل

نهيّر النمش

قصيده : مسنده لشاعر { نهير بن نمش الحسيني الشمري } صفق الهواء

	يا بو نمش

يابونمش الوقت قام يتلوى=قام أيتلوى يانهير تلواي
ياكثر ما سوى وسوى وسوى=وقتً يروح وقتً بعجته جاي
دنيأ لنا قامة سيوره تطوى=مثل الحنيش اليا طوى صيده أطواي
احد (ن) بها الدنيا بحياته تكوى=واحد (ن) تجنب كنها تقول له باي
تضحك له الدنيأ ومعها تغوى=من صغرسنه عايش بعالمً هاي
ياليت أبونا (أدم) و ألأم (حواء)=ما طاعو الشيطان اغواهم اغواي
كان ابن (ادم) عند ربه تبؤى=وبجنة الفردوس ما يعزف الناي
ياكل وينعم وبكل روض (ن) تهوى=وأنهار ما يعرف لبنها من المأي
وملائكه بأ مر الله من حيث نوىْ=ولو يطلب النهرين ساقي وسقاي
عسل وخمر يشرب منه ما تروى=من سلسبيل يشرب ماهي قوه وشاي
وبنات حور والجوى ياويش جوى=مالذى له وطاب دواك ودواي
برحمة الله ولا فيه ذيبً تعوى=ولافيه صرافه ولا شي اب مخباي
ولازوجةً توذيك وعليك سوىْ=ولا تشيل هم عيال نازل ورقاي
حكمة اله الكون با الله تقوى=ويا لله حسن الخاتمه واقبل ادعاي

	الشاعر / مـــــــا جــــــــد مـــــطر الحسيني الشمري

هذا ردي على قصيدة ابن العم الشاعر ماجد مطر الحسيني الشمري
ابو نمش

((يابو فهد هذا زمان القصوّى)) ..

	حييت ياقافٍ لفاني على اوّى=من شاعرٍ يبغاء مردي ومعناي يامرحبا مليون واهلاً هلوّى=اعداد مايذكر كرم حاتم الطاي يابو فهد هذا زمان القصوّى=فيه انحناة الراس يامحكم الراي فيه الحصاني صار مجده علوّى=والا الذيابه صار مجده تذّراي اطلب من الله يارفيقي رضوّى=منه النجاة وغافر لكل خطّاي هو جاعل الصعبات بأمره رخوّى=هو دامح الزلات عالم سواياي بامره يكون الكون ستر وهدوّى=والناس في حكمه مهرول ومشاي الموت حاصل بالبلد والسعوّى=والدايم الله والبشر دوم نساي لاشك نطلب رحمته مانتشوّى=بأمره يزيّنها ويخفي رزاياي اللأدمي يمشي زمانه سهوّى=في غفلتك ماتفرق الصبح وعشاي دنيا دنيه ياعساها تلوّى=كم راح فيها يافتى الجود حكّاي ابليس دايم للأوادم عدوّى=في خوة الملعون يحداك حدّاي الوقت ماياتي لنا بالمنوّى=عقب الحسايف ماتبدل خطاياي يارب تجعل بالمنازل مضوّى=رحماك يارحمن تدمح دهاياي انت الكريم وعاليٍ في علوّى=اجيك وكتابي اشيله بيمناي

نهيّر النمش

اللهم ارحم عمي مناحي جازع برحمتك واسكنه فسيح جناتك
وجميع موتانا وموتا المسلمين يارب العالمين
0
0

((راح عمي والعزاء بالعيالي))..

	لا إله الا انت ياذا الجلالي=عالم الظاهر وعالم خفاها خالق الدنيا بأحسن كمالي=خالق الأجيال ومحصي نماها رحمتك يارب يوم الهوالي=زيّن الأعمال وادمح خطاها جاك ضيفٍ عندا حيل غالي=يارفيع الملك جمل نباها انزله في منزلٍ ماينالي=انت ربه كافله من صباها عمي مناحي كريم السبالي=شّد من دنياً كثيرٍ غثاها اكرمه يارب بدار المعالي=واجعل الفردوس هي مبتغاها ثبته يارب عند السؤالي=واحم وجهه من لهايب سناها الفروض الخمس في كل حالي=مايتأخر لاسمع في نداها ودايماً للجار حسّن المقالي=ماشّتكو جيران بيته لغاها وعادته للضيف رحب القبالي=يقدم الترحيب ويكرم لحاها راح عمي والعزاء بالعيالي=يحملون لسيرته من وراها وكم عانينا بتآل الليالي=وكم به غالي وربه خذاها وكم غالي فارقه شوف غالي=هذي الدنيا ودورة رحاها وكم فقدنا يالهيافا رجالي=والجميع الله يحسن عزاها ورحمة الله فوق كل احتمالي=كل مسلم يرجي الله عطاها وفي ختام القول ياذا الجلالي=اكفنا شر الشرور وبلاها

نهيّر النمش الجازع

هذه ابيات وماهي جديده حبيت اهديها لكم بمناسبة الشهر الفضيل
واسأل الله ان يجعلكم من يصومونه ويقومونه ايمانأ واحتساباً 00

(شهر الفضايل)..

	شهر الفضايل واصلك عند الابواب=تعاونو في كسب الافضال والجود شهرٍ فضيل وفضله رب الاربـاب=والله يعلم ناقص الامـر والـزود لاتفوت الفرصه على فعل الاسباب=العمر فرصه وامكن العمر بالفود يالعبد لا تنسى مواعيد الاطـلاب=موعدك يومٍ لك مؤقـت ومحـدود لا تشغلك دنياك ياعرب الانسـاب=لابد مايحّدك زمانك علـى الكـود في موقفاً ماينفعك كثر الاصحـاب=ماينفعك ياكود ركعـات وسجـود افطن لوقتك والليالي له حسـاب=احسابها عند الولي شي معـدود رحمتك يارحمن ياخيـر وهـاب=يامصرف الاقدار ومسيـر النـود ياخالق الدنيا بلا عمـّد واطنـاب=رحمتك ياغفـار ياخيـر معبـود وصلاة ربي عـد ماخـط بكتـاب=على الرسول اعداد ماتزرع اورود

نهيّر النمش

ابيات من ارشيفي وقديمه وحبيت اضعها لكم هنا وعليها
بعض الطلبات من بعض الأخوان

عكس المرايا ..

	آه يافرحان من دمح الخطايا=تجرح الاحساس والذمة برية في خفوقي دكت خيول ومطايا=ضيعتنا قولت النية مطية يزعل الرجال من بعض الحكايا=وتجري الأيام والخيرة خفية ليت همي ما سكن بين الحنايا=وليت لي صدرٍ مثل نجد العذية شفت يافرحان في عكس المرايا=فعل حاضر بالحروف الأبجدية كل ضحكت سن تبديلك نوايا=وكل غلطة وان حسبته مطبعية من ورى حايل لياسبت العلايا=والبشر غاياتها ماهي سوية كل قرمٍ يارفيقي له مزايا=والنوايا البيض عند المقدرية وآه يافرحان لو بعض السوايا=مرت الأحساس والذمة خلية

روس المعالي.. ..

	قال الشمالي يعتزي بالقبيله=وقول الشمالي علم يفهم ومعلوم من لاتعب للطيبه والجزيله=ملزوم يسقط والهزيله له رخوم راسي علي امتون عزي تشيله=الله خلقني حر والحر له زوم ماني من اللي يجلبون الفشيله=ربعي هل الردات لمواجه القوم اهديب شايل للحمول الثقيله=من عادته شيال حملٍ وزيزوم ربعي طنايا كاسبين النفيله=عدونا نسقيه مرٍ ومسموم للعز نرقاء ماندور بديله=روس المعالي نزلنا دايم الدوم لاكبرت القالات حنا كفيله=باللحق حنا وطالب العق مهزوم وياسعد عينٍ لالفتنا دخيله=عند الهيافا تهتني في حلا النوم العمر يفنى والليالي طويله=وماقره المولى على العبد مقسوم كلٍ على ماقال عقله دليله=وكلٍ على ماقيل يصبر على اللوم من لاكسب للعاليه والجليله=يموت عايش بين الأجواد مهضوم والقول يعرف جازله من هزيله=وكل العرب عنده تقاليد وسلوم والنعم بالأجواد عن كل ميله=الحق بين والقبايل به قروم وصلاة ربي عد وابل هميله=على الرسول اعداد ماتنشي غيوم