ديوان الشاعر / عبدالحكيم التويمي الشمري

ذيك السنه بالذات ولّي وراها ..

	ذيك السنه بالذات ولّي وراها=عرفت بأن الوقت والناس ضدين ماقول كل الناس لاكن معاها=اعوذ برحمن زمرة شياطين ينبيك عنها قبل تمشي عماها=عمى يصم القلب ما هو عمى عين بهيمة الانعام هي مستواها=مخلوق همّه يوم والغد بعدين اقّلها ماتقول مدري ش بلاها=هذي حقيقتها على الشين والزين صفحه ختمها واقعي من قراها؟=يامن تقول الوقت(مابين قوسين) الواقع السيئ قتلها ورثاها=الله يرحم من يحسبون حيين في عصرنا الحالي نعاتب سماها=والارض تدري وش ورى بلّة الطين الكذب يمناها وفي مبتقاها=كلٍ يبي في ظيعت الطاس تمكين الكذب والتلوين وقلّة حياها=اسباب زادت ظعف الاخلاق والدين المشكله كلن تعلم عواها=والذيب ما يدري هي منين او وين ياالذيب ماهو ذيب غرّك نداها=هذا يسمونه ضياع العناوين لو المناظر هي مخابر كفاها=لاشك صارت صورة المرء وجهين

سكّر زياده ..

	يا حادي النفس لجنون الهوى معضمه=سكّر زياده واذا اغراك به علقمي حب التملّك وكسر هيبة الجمجمه=وقتل روحٍ تهاوى جسمها مرتمي العشق دامه يبرّي ساحة المجرمه=وشلون بيده اهد الروح واهدر دمي؟ اليل ليلي وصبحي حفرتٍ مظلمه=قليل فرحي وحزني ماخذٍ معضمي لا صار اول بداية ظيعتي مبسمه=واخر نهايه تحاكي اصقهن ابكمي عاشق لقته المنايا صورةٍ مبهمه=يعني من المحتمل ميّت00بروح ادمي هذا هوى الحب لاكدّر صفا زمزمه=صعبه بعد ما تكدر لك تبي تحتمي ساحة وغا سجّلت فرسانها ملحمه=مالك شفيعٍ بها وطلابك ظيغمي في ساعةٍ ماتجود كفوفها المرحمه=يتيم يقضي حياته من-الى-ميتمي حقيقة العشق مما صابهم متهمه=كل الوقائع تشير ان الهوى متهمي

كم عطيت النفس لجلك يامخنوق..

	عذربيني وكشفي عثرة خفوق=يا حياة المسكنه والانكسار البطابي وقّف العزم الّحوق=لين شرّع في مجال الانتضار احسبني كثر ممشي امعتوق=اجهل الحاصل وبي عمر الكبار الحظيظ اللي صدق ودّه صدوق=ماهو عود استصغره لعب الصغار ما يحس البر من كان امحروق=ومن يعيش الذل لا ينطر وقار اعترف كانت بي اخطائي عروق=نبتها اثمر لي تعديل المسار ما يبرّر موقفي اللسانٍ نطوق=كود فعلٍ والعمل رد اعتبار المطالب راح يدور له حقوق=ارتجل بالطيب مدّه ثم غار شاف غيمه ما بها الا البروق=ثم عوّد لايمين ولا يسار كم لبست من الحيا وضح الشروق=لو غشتني ليلة المبلي نهار كم عطيت النفس لجلك يامخنوق=كم خويٍ احتطبني صرت نار ذلّني وجهي في كل ساعه طلوق=من بغى مني تذلّل بحتقار وان بغيته صار في وجهه شقوق=يجمع القبح المكوّن من دمار استميحك عذر يا كف السروق=ما ألومك والزمن بس لك عمار الحقيقه وبصراحه شي يفوق=وصف شاعر قد نفض عنها الغبار

نظرات عيني خايفه منك وجلا ..

	منهو يسلّي خاطري عنك وسلا؟=مادام محدٍ من جنوني خذاني ياجعل حظٍ جابني لك يبلا=صدفه مواعيد الهوى يا اماني قريت صفحاتي وللحين اتلا=ما شفت مثلي عاشقٍ بهلواني كل الكلام الممتلي حب وحلا=تحس روعة قايله في لساني شمس الغياب وعارض الغيم وعلا=وطيور تاخذني وتنسى مكاني وصف الغريب اللي له سنين يصلا=جحيم ناره تشتعل في كياني يا فاتنه جيتك من العشق اشلا=تسقيط فردي وش بقى بلمحاني سكرات موتي في خفى القلب عجلا=تسابقت في ليل ظالم وجاني سفًاح هاذا الحب ياكم قتلا=مدري وش اللي في يمينك رماني اصبحت لك نجمٍ وبالارض مفلا=مجنون فيك ادمنت نشوة جناني وانتي على مابي لك عيون خجلا=بالله قولي شي تكفى عشاني يابنت ردًيها عن القلب نجلا=بهدابها ضاع الحكي من لساني نظرات عيني خايفه منك وجلا=في صورتك ما للحلا شكل ثاني

عروس الشمال ..

	كل طاري يجيله عنّها ميّة سؤال=لا لا تسال وحايل جابها الشعر مغصوب كل عذرى شرفها يستره ثوبٍ وشال=وشفت حايل سماها شال والثوب الهبوب اسبقتني عليها يمّها لها دلال=بنت فكري ولا ادري انّها بشوقي تذوب ما وفا شوق الذاتي اعتراف المقال=لو تكلّم وعبّر في لسان اللهوب فجرها لا تبسّم تنتهض له جبال=وليلها في غروب الشمس ما مثله غروب شفتها في خيالي ليت ماهو خيال=جابها صغر سنّي والزمان اللعوب اعترف في غلاها لو هواها شمال=من عشقها عشاقه كيف ينسى ويتوب؟ ماخذ الحسن فيها كل شي للجمال=وان عطت من كرمها يصدق السان الكذوب شيخة المجد والتاريخ مضرب مثال=سيده من سياده واجبه كل الوجوب تعتلي في سماها للثريا رجال=شمّخ الروس فيهم كل علمٍ تعوب الكتابه تشابه والفعايل ثقال=مثل غيمٍ تزيده كل ساعة صبوب الحقايق ركايب نوخن وضح الجمال=الحقايق بيارق يا ملا ماهي خبوب سيفٍ اجرد تمرّد لاتورّد هوال=شذرته عقب لونه غيّره دمٍ يروب

امنيات في( 6 ابيات ) ..

	تعبت ادور للخطايا معاذير=وذنوب خلق الله على غير توبه ياليت ذرعاني جناحين واطير=احط فوق الغيم وافك بوبه وانام وحلم ما ابي اي تفسير=بس المهم احلم بهالجو نوبه اني لحالي والاماني طباشير=اكتب مرادي واستهل العذوبه اعيش واقع دون الوم المقادير=في ارض ما فيها حياة العروبه يصبح على خير ونمسّيه بلخير=والشرق الاوسط عنّنا غرّبوبه

قالت تغيب وقلت عذري زماني ..

	قالت تغيب وقلت عذري زماني=لامن تكلّم هاجسي قال له اش حتي الكلام الي يقوله لساني=القاه يسألني على أيش أو وش ترتيب اوضاعي يلخبط كياني=والوقت لاشافن عطا صورتي كش ياوي حالٍ كل ما قفيت جاني=تهديد من هو لا تكاثر يحش حش الهم والحرمان وقل الاماني=ياخي تعبت ولاعلى قدرتي عش مربا قوات النفس باتت تعاني=حصيل ذاتي من حصادي سوا الجش اتعب وغيري للاسف ما عطاني=صمصام صدري لان والقلب به هش احيد عن دربي ادور مكاني=اضحك ولاذكر يوم يا ظحكتي بش حتى مكاني عن وجودي حداني=لو يوم لعيون العمر يامطر طش ادري قدر ماني على الوقت ماني=شاره على قولة تفضّل هلا دش وقتي واعرفه زين بيده رماني=وقتٍ يحايلني على الحقد والغش انا ثلاثيني تهاوت عشاني=اموت ما مرضى الذل لو قلتلي عش هذا انا يا واقعي يا زماني=صمتي ورع ماهو على قولتك اش

بالله شفني .. ..

	لا شام راس الحيد عن ذل واطيه=ياكبر حظ الوقت ياشوق فيني انتي بدايه حب من قبل ابديه=لقيت نفسي عنك تاخذ ايديني عشتك عمر احسب لياليه واهديه=لجلك وظاعت فيك ااخر سنيني ياضحكة المغرور في فم مشقيه=يا لحظةٍ مرّت وعدّت فعيني تختال في ثوب الترف لجل ترميه=للفقر يوم اضفاك بعطفي وليني هذي اثر نارك على كف مخفيه=ماكنت اداري لجل نارك يديني اسرفت في حبّك ولاقلت يكفيه=بخلت في نومي وليلي يبيني عطيتك اكثر شي لو كنت ابعطيه=غيرك لقيت الروح تنها يميني ماهو تكلّف بس للعشق وافيه=كان الخفوق بشوق يجتاز حيني اطاوع الذله مراضاة ورضيه=حتي تكون اللي يقدّر حنيني بالله شفتي شخص لامات يحيه=طاري من الذكرى ولو يحتويني هذا انا روحي بليا مشاريه=روحي فمان والله ولا تحتريني خطاك علمني خبر كنت ناسيه=ان الغلا ماكان بينك وبيني قلبي على قبرك دفن حسرته فيه=عقبك اهني الوقت ياشوق فيني

اجمل أمل00000 .. ..

	يامن يخبّرني عن الحب هو كيف=اشوف نفسي فيه غادي فتيته تعبت اطاولها رهاة المشاريف=واقنب قنيب الذيب لامن طريته ما هو مصدقها بياض المحاليف=ولّي هنا فيني بعينه قريته الترف راعي حور جذّاب ومخيف=الموت بعيونه دعاني وجيته ماهو بكيفي سوقة الراس للسيف=ذبح المتيم في هواها لقيته معشوقتي وينه ووين التواصيف=محدٍ عليها جاب شيٍ ابّيته كل القصايد والغنا والسواليف=معسوف زينه والحلا شدت بيته لها لها عوج الرقاب المهاريف=حتّي خفوقي لو نهاني عصيته ياجنّة الدنيا ليا مرّني طيف=بالله قولي له تراني فديته قولي لطيفك ما ابي ظلم او حيف=الحيف انّي قلت ياقلب ليته اجمل امل انّك تعيشه مواليف=والحب ما يفضح ولو ذاع صيته ابي غلا غيمه زها منّها الريف=دام الغلا دربٍ لعينك مشيته انا كتابٍ ما يجي فيه تحريف=اقرا وتلقا كل شعرٍ نخيته علمتني شعري وانا قبلك معيف=اكتب وشقق كل حرفٍ سريته واليوم قيفاني رجالٍ ملاقيف=يالعنبو حي القصايد وميته يلّي عرفت العشق وتقول هو كيف=هذا خفوقي دون شوفه فتيته

موقف وجدت نفسي اكتب عنه هذي القصيده00

كنت جالس وفجأه رأيت طفل عمره 10سنوات ومعه بعض الاطفال

يلعبون وذهبو مسرعين والمصيبه ان الطفل حاول ان يلحق بهم

ولم يستطع

وعندما سألت تبيّن أنّه معاق 00

وأليكم الموقف0000000000000000

طفل الأعاقه00) .. ..

	طفل الاعاقه وقع بسباب من لا سبب=مدري تمشّيه أو هو من يمشيها يجر ساقه على الخطوه وهي من عجب=تنظر وفي شق الانفس ياصل اليها طفلٍ تهادى على هونه ولا به تعب=بس التعب نفس تشكي من يشكّيها محروم ابسط حقوق اللعب واللي لعب=ينظر لحاله وعينه انعمت فيها يعيش ليله سكونٍ يستثير الشغب =والصبح هدّه لروحٍ00 تخنق ايديها محبوس في واقعٍ مابه عفو او هرب=والنار تكبر اذا حاول يطفّيها يبكي وابكاه مسمار التوى في خشب=والنظره اللي يصبّحها يمسّيها طال انتضاره وكل موعد صدق له كذب=حتى المشاعر تكذّب من يخفّيها الله هوألاااخذ المعطي كريمٍ وهب=والنفس بين البلاء وبين يعفيها ياهل ترى من قرى صفحه بها انكتب=ياحسرة القلب بؤلها وتاليها والناس لو لك عليها واجبٍ ما وجب=من حيث ياكثر من ظيّع مباديها ياللاسف مالقيت اللي يشوشه غضب=في حين ثار الغضب في عين قاريها طفل الاعاقه قصيده قلتها من سبب=موقف طفل شاف فيني سيل واديها