ديوان الشاعر / متعب الشمري

هذه القصيده تحكي عن واقع مرير تعيشه الامه العربيه والاسلاميه
كما تحكي عن قضايا داخليه مثل العنصريه القبليه وغيرها
هي قديمه شوي لكن ..
اتمنى ان تنال على اعجابكم

انقلابة فكر .!! ..

	يـالـلـيــل روّح نـــــام والـســهــره عــلـــي مـــــاراح أنـــــام=دام الـحـكـي ظـيــفٍ عـلــي نـــــــوّخ عــلــى روس ركــبــه مـجـبـور ابـذبــح لـــه واعّـــزم أذانـكــم يـأهــل الـمـقــام=قـدامـكــم كــبــش الــكـــلام وعـنــدكـــــم شــحـــم ذنــبـــه إيـــه اقـلـطـو يـأهــل الـعـقـول الفـاهـمـه هـــذا الــكــلام=والـصـمـت ابـــد مـاهــو ذهـــب إن كـــان مـاعــز عــربــه الـيا مـتـى نـركـض ورى أنـثـى ضايـعـه وســط الـظــلام=والـمـشـكـلـه عـشّـاقـهـا لــجــلـه يــحـف إلـــهــا شــنــبــه تــطــبـــخ لـــنــــا واطــبــاقــهــا والله يــانـعـم الــــهـــدام=لــو كــان ابــن لـوجـي عـلـى النـيـه فـجـــــاب العـيـد إبـــه هـــذي وغـيــره والــغــزو لـعـقــول مــــن عــــاف الـمـنــام=دايــــــم سـيـاسـتـهــا خـــفـــا لـعـقـولـنـا وســـط عـــربــــه والـيـا بـغـت وضــح الـنـقـاء تـاتــي وهـــي راس الـسـنـام=حـسـنــاك يــــارب الـعـبــاد انــــك تــشـــــل مــن عـصــبــه (هِيِ) (كِيَّ) (رم) (إلا) (هدَح) (تملا) (تِايالو) (لا) هدام=اقــولـــهـــا وأعــيـــدهـــا والــــلــي فـــهـــم لا يـــقـــربـــه عـــزّلـــه انــه ضــيــعــت واحـــد يــضــيـــع بــالــزحـــام=يـــــوم الــركـــون الـثـابـتــه هــــــدّت ركـــونـــه وخـــربـــه مـــن عـقــب الأول صـــار ويــنــه والجماهـيـر الـحـشــام=كــنــا كــــذا بــعــد كــــذا ثـــــم(ن) كــــــذا مــابـــه شــبـــه ماكنت أبي احكي ليـن حطتنـي تحـت بطـن الحسـام=والــنـــار تـصــلانــي لــهـــب وأقــــــوم وأزيــــــد حــطــبــه عنـدي كـذا ســؤال يــدور مــن الضـحـى لـيـن الـظـلام=فـــــي راســـــي الـمــفــرور لـــكــن الإجـــابـــات هـــربـــه لــيـــه الــمـــوارد مــاتــشــح الا مــــــع الـــحــق بـكـلام=ولــيــه الـغـنــي كـــــوّع عــلـــى مـال الـيـتـامــا وسـلــبــه اوضـاعـنـا نــحـن الــعــرب دشــــره وضـيــعـه وانـفـصــام=وبـهـمـالـنــا بالله كــــــم قـــولـــو غــدت مـــنــــا رقـــبــــه لاهـيــن خـلــف المـغـريـات وخـلــف شـهـواتــن حــــرام=والــلــيــل وعــلـومـه وضــيــعــات الـــشــوارع وســبــبـــه والــــدردشــــه والــقــرقــشــه وعــــلـــــوم يالله الــــســــلام=ذي الـحـقـايـق مـــــن يـخـفـيـهـا عــلـــى مـــــن يـحـسـبــه نـظـرت فـــي عـيــن الحقـيـقـه شـفــت مـعـنـى الانـهــزام=مـنــهــو شـــــرب فـنــجــال حـــــق إلا حـقـيـقــه مــشــربــه والــعــنــصــريــه والــتــعــنــصــر داء فــــتـاك الأنــــــــام=كــلـــن يــشــوتــه واللــعــب هــــاك الــخــبــر ولا جـــبـــه كـنــا بـعـصـرن جـاهـلــي والــيــوم فــــي عــصــر الـنـظــام=نــبـــي نــتــقــدم مــانــبــي نـــرجـــع ورى وإن شـبـشــبــه ذكـرنـي الـوقــت الـجـديـد بـوقــت مـاضــي لـــه عـــوام =الـــوقـــت رجــعــهـا لـنـا غــصــبــن عـلــيــنــا وكــتــبـــه وقـــت المهـلـهـل يـــوم اخـيــه كـلـيـب بالـكـبـر اسـتـهـام=وجــســاس لــــولا هـالـجـهـل مـاشــال رمـحـه وضــربـــه والــزيـــر ســالـــم اضــحـــكن بـحـكـايـتــه فـالانــتــقــام=لــــو هـــم قــرايـــب وانـسِــبـا ابـلـيــس فــاهـــم ولـعــبــه لــو انقـلـب فـكــري عـرفــت انـــه رقـــاء فـــوق الـغـمـام=والاصـبــع الـســادس لــكــم جــــاب الـحـقـايـق وسـكـبــه يالـيـل !! لحـظـه لــو سمـحـت الظـاهـر إنــي أبـــي أنـــام=مــــادام هـالـضـيـــــف انــســـدح بستغفــــــر الله واطلبه

تقبلو تحيات اخوكم // متعب الشمري

(( مدخل ))
لحدٍ بيفهم غلط لاقلت مع حـــالي
............... ماني من اللي حضوره يشبه غيــــابه

قصيده تحكي عن نفسها حدني شخص على كتابتها
لو هي قديمه ارجو تقبلها

اعرف سلوم العرب ..! ..

	ماني من اللي حضوره يشبه أغيابه=لاغبـت غـاب الجسـم والذكر يبقـــالي أما شمــوخ ألمعـزه فـوقي ارقابه=ولا وطيـتـه برجـلي وارمـي عقـــالي اعرف سلوم العرب واصلي تربّـابه=ماعيـل لاكنــي انطح كل من عـــالي الــدرب لامـن تبيـن لـي بـه ومابه=تحسب علي خطوتي ممشي على فــالي امشي بدربٍٍ بيان وعــارف اتـرابه=نفسـي عـزيـزه وتـرفض قِيـلٍ وقالي وبالشعــر أنا مـاتفـوّه مالك ابـوابه=لانـي بالأول ولاني جـــايٍ التـــالي برق القوافي بصـدري بانت اطنـابه=ينشـي مزون السحـب وتصـب همـالي سيلٍ تحـدر شعيبـه يجـرف أهضابه=وبعـون ربــي لاينبت عشبه قبــالي اوطيـر حـر ٍ كفخ مـن يد قضابه=صـاب الفريسـه ونظـراته تبي تالي أنا المعاني معي سيفه مع أنصـابه=لامنـّـي احتجتهـا عنـدي وفي بالي

....................................( مخرج )

ســـــــــلامتـكـــــــــــم

هذا القصيده كتبتها في مسابقه شعريه
وبفضل من الله دخلت القصيده قائمه العشر قصائد الاولى المرشحه للجائزه
لكن لم يحالفنا الحظ في مركز متقدم
اتمنى ان تنال اعجابكم

صدري وسيع ...! ..

	يقولون العرب صدر الشمالي مايضيق بساع= وانا اقول الصدور اليوم ماعادت شماليّه ماضن احد جهل هالبيت هذا لمصــدر الابداع= هذاك اللي اليامنه كوى ينجض لك الكيّه ابو موسى وهو سبعن تسلسل من ظهور سباع= نَعَم !! بالشعر وبغيره قليل بهالزمن زيّه اجاري بيتك وقلبـي حزيـن وضــايق وملتـاع= سبب فعل الحقير اللي بدا يظهر خوافيّه يدس السم بغيابي ويلبس في لقـاي قنـــــاع= منافق كــاذب وبانت بما يخفي مبـاديّه لوني حارفه مبطـي ماظن لهالقصـيـده داع=لكان انهيته بسرعه ولا كبرت هقــاويّه انا مأثر علي مثلــه ولا هـمـن ردي اطبـاع=ولكن كيف سواها الهديفه لعنبـــو حــيّه وانا باقي كذا شامخ ولي مثل الصبح مطلاع=اخفـّي ليله المظلـم وطفـي نجمه وضيّه صحيح نضيق لا كنّا حقيقه بالصدور وساع=وكل ضيقه تدوم الا مع صدورن شماليّه وانا صدري وسيع ولا بعد قسته بعرض القاع=ولاهمن هذاك الخبل وعلومه وطــاريّه لو اني بنزل لنفسه بجيب من الكلام انــــواع=لكنّي برتفع وارسـل سؤالي لزمـن ذيّه علامك يازمــن ليه انت بالصـادق قليّل باع=وليش الكذب راعيّه يعيش ويخلف النيّه

لمن لايعرف الداهيه ابو موسى // هو الشاعر خلف المشعان
وسلامتكم

مصيــر الايـــام .. ..

	ياصاحبـي خيـل فكري راح يسرابك .................................................. عجـزت لفـهـم عليــك ولـعّـــــرف لكيفك منـتــا بـالأول ولا هالـحـب لـحـبـابك .................................................. تغيـــر الحب شكله زيـــف مـن زيـفك أول تحـســب الثـــــوانـي يوم بغيابك .................................................. واليـــوم طـولت بالـغـيـبــات يـاحيفك تغيرت صـوبك أطبــاعي من اسبابك .................................................. هــذاك مبـطــي تغيـب أنتا على كيفك يـــوم الهــوى بيننـا لاغبت لي جابك .................................................. أصحـى حبيبـي رحــل هالحب مع طيفك ابعد وأنا ارجوك تطوي صفحة كتابك .................................................. ذكـــرى الليـالي ومابـه مـن سـواليفك لكـن تـذكّــــر كــــلام اللي قـفــل بابك .................................................. تَرَك وحيــــــد وتعيـش بمركب مخيفك الموج هايج وسط المــوج مركــابك .................................................. بحساســــك اللي تخـــادع به مواليفك لابــــــد يـعـــــــدم وذا مــــر وتعدابك .................................................. مصيـر الأيـــام تكســــرلك مجـــاديفك

إعجــــــــــــــــــــــــــاب .. ..

	مابين ثــورت شعــر وشعور يصفق داخلي مستثير=قلت لحــروف الشعـــــر تقلـط وأنـــا زهبت فنجالها كسرت صمت المشاعر والشعر مبطي ولا له هدير=يــوم القـريحه لها شهــرين من صـومه علـى حالها قلت ارحبي ياهـلا ولا الضمـيـر محكمين الضمـيـر=مـانـي بـشــاعــر يـقـول الشعر زيف ويعقد حبالها السـالـفـه كـلهـا بـأم الـدلال ام الـرمــوش الـحـــريــر=اللي تسمت على ريم الفــــلا مـدري عـلـى فـالـها العـام جـتنـي تـقـــول انـه معه موضوع جدا خطير=فـي وقـتهـا ماسئـلـتـة واختـلـفـنـا بـه عن أحوالها واليـــوم قلت اسئله لكنـهـا قـامت مـعـي تـستـدير=والله مـاكـــن مـوضـــوعـه بـربـي مــــر في بالها تدخل بموضوع !! (واادخلّه) وتطلع لي بمـوضوع غير=عـجـــزت لفـهـم لـهـا لكـنــي اذكر لــه من أقوالها تـقـول أنـا (معجبـة) بشعـارك وشعـرك بـعيـنـي كبير=سئـلـتـها مـنين!! قالت لي من (أبيات) ومن امثالها راحت ولا كنت عارف عن مويضيعه سوى انه مُثير=فعــلا هـي إعجـــاب مدري يابو تـركي ماعـرفنالها ماكـنـت أنا يـمـهـا دنـيـــاي وقـتــه مـشغلتني كـثـيـر=لــو إن ( سارا ) بذاك الـوقـت جـتـني مافـضـينالها والـيـوم هيـضنـي المـوقـف عسـى بالأمر يالله خير=لكن مـدام غنـت لـي طـيــــور الصبــح موالها أبـتـــرك الســالـفـه مـــادام غبتـهـا بـها واستـخـيـر=مـالـي ومـــال العـلــوم الخــافية وهـي بـعـد مالها

شوفو كبر شرهتي :
تدرون منهي (سارا) : هي ملكة جمال العالم

اتتني هـ كذا

روحي فمان الولي !! .. ..

	روحي فمـان الولي في يـوم هالجمعه=مـادام حضـي قسـى والوقت ماطاعك اقلــوبنـا بـاقيـه بالحـب مـجـتـمـعـه=في داخل إضلاعي وفي داخل إضلاعك مــادام الأيــــام به فرقا وبه جمعه=مؤمن وقلبي تركته لك من أتباعك مهما يمـــر الزمن مانخضع لقمعه=لكِن قبــــــل انتفــارق لدي إسماعك أرجوك لأشوف عينك تنثر الدمعه=طالبك تنهينها لو بأطرف اصباعك مقسى من دموعك إلا روحت السمعه=لاشافني عاذلي عندك بمرتاعك قبل انتظرتك يوم ان الوقت في لمعه=واليوم ماعاد باقي لي سوى وداعك ضو الأمل مابقت منه سوى شمعه=ماودي ارجع بعد وجدد أوجاعك روحي فمان الولي في يوم هالجمعه=وتذكري شخـص لاخانك ولاباعك

ودي للجميــــــــــــــع

كتبتها في سيدي خادم الحرمين الشريفين الملك عبدالله بن عبدالعزيز
بعد خبر سماعي رجوعه الى ارض الوطن سالم في هذه الايام ..

ثورة غلا ..... .. ..

	ذاعو وصول الملك بالصوت والصوره=وغنيت ( ثورة غلا ) في طاري حضوره اهلاً هلابه اليا طب الوطن راجع=في ساعة(ن) يسطع بأرض الوطن نوره الحمد للي شفاه ورجعه سالم=وشاع الفرح وانتشر في كل معموره ياسيدي والغلا بالقلب محتلـّه=فأن قلت مسرور نفسي صدق مسروره لنك ملكت بالبشرفي طيبك وعفوك=لا ما ملكته بغصب وقلت ما موره عز الوطن شوفتك مع شوفت اخوانك=وجودكم فخرنا ياعيال اخو نوره والله يرحم معزي لاطرى ذكره=اللي وضع للوطن نظام دستوره تبي الصراحه يا ابو متعب بلا أدله=شعبك تراه الحقيقه يتقن الثوره ماهي بثورة غضب ياسيدي لا لا=إلا ((بـ ثورة غلا)) ويقول جمهوره ان كان طوّلت بغيابك يا ابو متعب=حنا نجيك بمكانك مابه مشوره

الثلاثاء 19 ربيع الأول 1432

السلام عليكم ورحمة الله وبركاتة
اولاً اعتذر من ادارة هذا المنتدى الغالي علينا جميعاً
ومن الجميع منسوبي هذا الصرح الشامخ
عن الغياب بالفتره الماضيه
وقد تشرح هذه القصيده بعض هذه الأسباب .

وحوش الغابة !! .. ..

	حضرت وغيابي بعد اسبابه=وابي العذر منكم قبل لابدابه كانت ورى الغيبه ضروف ٍقشرى=عجزت لحكمها ولا اقفل بابه ان جيتها منا تجيني منـّا=راحت كـذا الايام ياحسابه حتى القريحه يالله انك تستر=من سبته كنّك تقول ان صابه راحت علي فرصة عمر محسوبه=بأضخم تنافس للشعر يحكابه في سيدي عبدالله ابو متعب=رمز الكرم راس الهرم مرقابه راحت ولكن العوض عند الله=والسبّه اللي قلت تقل اذيابه أهموم واوضاع ٍتشوفه عيني=حــرام لانبيه ولا نرضـابه لاكنها ثارت وصارت فينا=وانقلبت اللعبه على اللعّابه ثورة كذا ثارت وطاح المفسد=وثوره بعد قامت وصار مجابه يالله تلطف يالـولي بلطفك=عن شي ما كنا خذينا حسابه ان تهوي احوال العرب للأسفل=ونعيش في ضيعه تسبب نابه لَكن مانندم على كل واحد=تحــوم له جنيّته وغـرابه من طاح قلنا له بقلعت جدي=حسيبــه اللي يبعثه ليـّابـه واكيد ياحسني و زين وزنقه=الكل منكـم حقه اللي صابه مافيه داعي لو حديكم برّر=وجه الفضيحه طاح عنه حجابه ومن عاش عمره وسط غابه يعرف=ان الاسد اشرس وحوش الغابه مهما تخفا خلف ذاك الحاجر= نقطة قـــواه مخفيـه بنيابه لكن يافاهم وشعبك فاهم=خل العلــوم اللي سفــاه ترابه من يسئله عن هضبته وش جاها=وشلون راحت من يدين اصحابه وان قال راحت مننا بالقـوة=سلّـم على النصـاب والنصابه اكيد فبركها على من يسمع=ماتصعب الكـذبه على الكذابه لابد له يومن يطيح بشـره=ودم البشر تبقى عليه طلابه لو كل حاكم متبع في حكمه=نهج الشــريعه سنته وكتابه اشهد بربي كان مامن ثوره=ولا كـــان هيبتنا تشق ثيابه اللي كـذا كلن يبيه ويطلب=ان الله يديمه ذخــر لحبابه مثل ابو متعب عز كل سعودي=وفخر العرب كله وفخر اجنابه القايد الشهم الشجاع الصارم=اللي اليامنه ضـرب مضــرابه يشتت الفتنه ومن له كـوّن=أهل الضلال اللي نشوف ارهابه حنا بعد حكم الولي في حكمه=ونجــدد البيعـه ونفتـح بـابه لنّا نعيش بخير بأطهر موطن=دون ارضه نشل العدو واحزابه مانرخص البيعه على من ساوم=حنا فدا لأرض الوطن وتـرابه اما نعيش وروسنا مرفوعه=ولا نمــــوت وموتنا نرضابه

..................
:lkd :
..................

الحــــــــــزن .. ..

	طالبك ياقلب عن حزنك اعدل بـي=ابعدن عن ضيقتك واكفنـي شـرّه لاِ متى ومرافق الحـزن طـول بـي=والحيـاة بمجملـه شينـه ومـرّه كم طُعنت بخنجر الغـدر ياقلبـي=ومن طعن تدمح خطايـاه وتـذرّه وكل مااحلم اتفاجـأ تحـول بـي=كم نهاية حلم ضـاع بخـلا بـرّه وكم تطيح وكم تقوم وتمايـل بـي=وانا اردد هي متـى تسلـم الجـرّه وانقهر من وقت خاضع ل ابن ك.ل.بي=كل ماذكر لقطـة محمـد الـدرّه اتسائل والعـرب لـو تأمـل بـي=قلت عاد قلوبنـا ليـش مسمـرّه الحياة القلب منـه طلـع صلبـي=علمتنـي حيلـة الذيـب والـذرّه اتحايل بالذكـاء مـن تحايـل بـي=لين يظهر خافـي اقصـاه وافـرّه ليه مقلوبـه نوايـا البشـر قلبـي=مابهم شخصن تثـق فيـه بالمـرّه من ردات الناس كلّش طلع سلبـي=كم نفوسن جتك بالحسـد محتـرّه عاد لو مره طلبتـك تجمـل بـي=لا تحـز النفـس وتعـاود الكـرّه اصطفق للعالي العالـي وطـل بـي=طيبتك مع قسوة الوقـت منجـرّه مابقى له غيـر عرقـن يناتـل بـي=يالله استر قسوة الوقـت لاتضـرّه

ودي للجميع

الى خفاش من خفافيش المنتديات
^
^
^
^

سبع أوسمه !! .. ..

	جت مدلهمه غيمة الاشعار والعقل حكمه=هديتها لين هجدت واخترت ثورتها عناد شاعر وراسي لابغى الجزله يتله بشحمه=ولا ترى الهزله يبين اصحابها لا جاء الوكاد واللي تعلا في سماء الهزله ويربط محزمه=غرد ولكن بينه وبين الشعر ((مليون)) واد من لايثمن كلمتة يلقى له اللي يشتمه=الفعل له ردت فعل سوى نفس ولا جماد ومثلي يثمن كلمته من قبل لاتخرج فمه=اهل العقول اقدره وامثالك اسقيه النكاد ياللي حكيت السالفه والسالفه لو مبهمه=انقض حبال المبهمه وافتل عقود(ن) ماتجاد مدري منابع علتك تحتاج له سبع اوسمه=ولا تبيلك نور(ن) يغطي على بعض السواد ماني بساكت لك تنوبح يالهديفه ياحلمه=خذها صراحه كاش مني والسمع العلم الوكاد كانك ترفعت رخمه ؟ ولا تطمنت رخمه؟=يعني (كذا) ولا (كذا) تبقى رخمه بين العباد مافيك من نهج الرجال وفعلهم لو هي سمه=معروف معدنك الرخيص يباع دايم بالمزاد تاريخك اميّز بشامه لاتفر وترسمه=ونبع الفساد الله عليهم مانجبو غير الفساد اقولها وان عدتها فرمح بيدي وسهمه=والله ماضني بعديها كذا نفحة براد وأخر كلامي (يارخمه) يالله عسى انك تفهمه=كان الحطب يصدر (لهب) تر الحطب يصبح (رماد)

اخوكم // متعب الشمري