ديوان الشاعر / متعب الشمري

هذه القصيده مجاراه لشيخ الدكتور عايض القرني
وفعلا كما قال اخي يحيى العبودي

(( ترديد كلمة لا اله لا الله افضل من مليون ريال ))
عسى ان تكون خاتمتنا جميعاً
وامل ان تحوز على رضاكم

لا إله إلا الله..!!!

	لا إله إلا الله ابدابهـا قـبـل الجـــواب=كلمــةٍ بعـجـاز ربـــك لعـبـده جاء بهـــا ولا إله إلا الله الواحـد الـحــق الصــواب=وحـــده المـعـبـود ماله شريك انهابهـــا ولا إله إلا الله الـمُـنزل لــعـبــده كـتــاب=احمد المختــاره الله وبــلغ نابهـــا ولا إله إلا الله تهــز فــلكـــه والـهـضــاب=وسّبح لـذكره شجر والصخر وترابهـــا ولا إله إلا الله الكـنز مـن قــالـه وتــاب=وحظ من قاله وأمن به وجاء يسعى بهـــا ولا إله إلا الله الـغافـــر لـعبـده واجــاب=قـابـل الـتوبه لعـبده وفاتح بابهـــا ولا إله إلا الله مـغـيّرن وجـه الـمـهــاب=من جهه الـيـا جهـه يـامـره لحسـابهـــا ولا إله إلا الله الــرازق الـمـعـطـي زهــاب=هـو غـني ويـعـطي الـخلق مأيدرابهـــا ولا إله إلا الله الــفـلــك تــجـــري والــسـحاب=والشـجر بأمره نبت جذرها واعشابهـــا ولا إله إلا الله الـباعـث لـيومـن حـســاب=امـا جنة خـلد او نـار بـه يشقـابهـــا ولا إله إلا الله الـطـفـل يخلقه بـعـجـاب=في رحـم امــه لـيــومٍ يـشيل كتابهـــا ولا إله إلا الله الــبــاســط الـســبـع الصـلاب=ورافـع سبعاً بـليا عـمـد واطـنابهـــا ولا إله إلا الله الـظـــاهــر اللــي مــايــغـاب=كاشـف صــدور الاوادم ومـا يخفابهـــا ولا إله إلا الله الـبـاطـن اللي مـايـهـاب=شايف وسامــع دبيـب الـنـمل باسرابهـــا ولا إله إلا الله بـــذكــــرها سبـعــيـن بــاب=يفتحه ربــك ويـدخـل بـهـا من صابهـــا ولا إله إلا الله اللي جعل بالموت إيــاب=من ربــح فـي جنتـه عــاد به يحيابهـــا ولا إله إلا الله الاجــر عـنـدك والـثـــواب=وعفــوك ورحمتك ياحظ من يحظابهـــا ولا إله إلا الله انـت الـمـجــيـب الـمسـتجـاب=ولا خسـر من كان في دعوتك يهقابهـــا ولا إله إلا الله الـمـنـتـقـم يــوم الـحسـاب=من تــرك فـطــرته يلقاه يوم اعقابـهـــا اطلبـك يـارب بأسماك تـنجينا العذاب=وتعـفو لأمة محـمـد بيوم احسابهـــا ونطلـبك جناتك بـيوم نـاخـذبـه كـتـاب=ونجتمع بمحـمـد أخر نبي نادى بها مـالنا غـيرك ياربي ولا دونـك حـجـاب=انت مـولانـا ونفسـي بـيدك اذهابهـــا واسئـلـك بـاسـماك انـا واسئلك بأم الـكتاب=وأيه الكـرسـي وايـاتـك بـوسط اكتابهـــا وكـل فعلٍ او عـمل يـقربٍ مـنّك مجاب=والشهـاده مـاخسر كــان مـن يهجابهـــا انت رب الكون لك مرجـعـه والانـتـساب=حاكمٍ عدلٍ وحكمك غصـب نرضابهـــا اغـفـر ذنـوبي ولو هـي مثل نهـل التراب=وحـدك تـغـفـره ولـو هي بكثر اترابهـــا يالله انـا عبدك ازل واخـطـي فـي جـواب=ولحـدٍ بيعـصـم خطـأيـاه وانت ادرابهـــا لـكن ان زلـيت مـاهــي بقصد ولا صواب=خـايــفٍ نـــارك بـيــومٍ تـعذّب نابهـــا ارحـم اللـي يطلبـك ما لقـى غيـرك مُجاب=وحـظ مـن تُقـبل دعاويه من محرابهـــا يـارحـيم ورازق ام المـخـالب وام نـــاب=ورازقٍ خشايش الارض ورازق دابهـــا مالجــيــنـا لـغـيــرك لأنس فــي ايا خطـاب=ومن لجاء لغيـرك خسر كل مايسعابهـــا يالله انــــك تـنزح الهـم عـنا والـكـآب=وثبـّت المـؤمـن علـى طاعتـك يهنابهـــا ياحليــم وياعـليم انجـنـا كـل الـعذاب=يامعيد الارض بأمرك بسـيـل اشعابهـــا وبأمرك اللي غاب يرجع وبأمرك من يصاب=تشفيـه اذ عَجَزَ اعرابها واجنابهـا وبأمرك انجيت النبي يـونس بوقت الصعاب=في بطن حوتٍ من الجوع سال العابهـــا قــام يدعـي في تضـرع ببطنـه مـن مصـاب=واستجـبـت لدعوته وانتقذ من مابهـــا ويـوسـف انقـذتـه بعـد قـولة كلـتـه الـذئاب=بعد مكر اخـوانـه وكـذبهـم بثيابهـــا اتركوه بئـر مـن دون مـا اعطوه الزهـاب=وانقـذه مـن جـاه فالبـئر مـن اعرابهـــا وابرهه بأمـرك خسـر مـانـواله مـن خـراب=بالحجاره اهلـكو قـبـل قـرب ابوابهـــا وقصة التسـعـه ومـن قــوم ثـامود الشباب=اقتـلـو نــاقـه من الله وهـم طـلابهـــا وحلت الصيـحـه بأمـرك عـليهم والـعـذاب=ومن عـصـى ربـه بيبشــر بما يجزابهـــا وبأمـــرك ديارٍ خـسفته وراحت للخــراب=قـوم لـوط اللـي طقــو وافسـدو شيابهـــا ومرسلٍ بأمرك لنمرود من عـنــدك ذبـاب=اسكـنـت فـي مخـتــه ويـل من يبلابهـــا وقوم عاد اللي كفرو وانـكرو يوم العقـاب=اهلكو في ريـح صرصر جميع اربابهـــا سبعه أيـامٍ وهـي فـوقهـم مـثــل الضـبـاب=آمــره رب الـعـباد وكـتب ماصابهـــا فـي كتابٍ حــظ مـن يحـفـظ أيـات الكتـاب=يشـهـد لـسـانـك بهـا كــل ماتقرابهـــا وقوم فـرعـون غرقو كلهم مـثـل الـسـراب=جيـش كـامـل اختفى فـي محيط غيابهـــا وهدهد سليمـان بأمـــرك تـكـلـم بـالصـواب=وقصه النـمـلـه عجـيـبه بما تسعابهـــا وأمر ربـك لبقى بس فـي حـــرفـيــن صاب=وكل جنس الارض لـه سلّمت بأرقابهـــا وبقـدرتـه يأتـيك يـومك كبيرٍ او شـبـاب=مـاهـي بـتـنـفـعك دنـيـاك لو تسلابهـــا كـم ملـوكٍ قبلنا الان هـم تـحت التراب=اخـتـفـو بأمـر الــولي عالمٍ بسبابهـــا وكلنا ميتين للبعث في يوم الحساب=ولـحــدٍ يـعـمّــر بــداره ولايـبـقابهـــا إلا وجهك ياإلهي فلا يمكن يغاب=لو تغيب الارض عندك سبب لغيابهـــا

حوالي اكثر من سنه تقريباً ارسل لي الاخ والزميل الغالي // سويف زهيد
ابيات لشاعر المعروف سلطان بطر

لما وصل مدينة الضبيعه وجد لوحتها غير موجوده او هي طايحه

و قال هذه الابيات

حسين المجلا ( الهيافا )..!!!

	لايصباح الخير ياديرة حسين=ياللي لكم وضح المشاعر ميوحه دار الهيافا محتمين المجلّين=ربعي ليا من صار بالوقت شوحه لاجت من الادنين ولا من الاقصين=محد عن الاخر تبين نزوحه واللي مسح لوحتك هذا مسيكين=نفسه تردا من رداها طموحه والدار منصى والهيافا عزيزين=وندلهم بالمشي من دون لوحه

انامن باب حبي لهم قلت هـ الابيات البسيطه

من باب حبي لهم قلت هـ الابيات البسيطه !!!

	سلطان وافي واهل الشعر وافين=والمدح واجب والعذر والسموحه ان كان موفينا حقوق الكريمين=اللي لهم نجم ٍ سطع في وضوحه واللوحه ان طاحت على جال سيدين=يبقى لهم بالقلب مليون لوحه كانه كرم نعم ٍ بهم والف نعمين=كم دلة ٍ تشكي على النار فوحه وصحون دايم وافيه من وفيين=ماعدّدو كم الحلال بسروحه والفعل وافي والرجال معروفين=وقت الملاقا كم راس ٍ تشوحه

وسلامتكم

الله الله يالهمــوم القاسيـه وش بـك علي=مالقيتي غيـــر متعب دايـــم ٍ له زايره
افرجي عني وشوفي واحدٍ قلبه خلي=مابلش في دنيته ولا الظروف

صدر متعب ..!!

	صدري مدينه غيمة كلّه احزان=مافيه جزء الا جته وامطرت به او كنه ارضٍ معشبه تقل بستان=والهم بدوٍ راحله وعثرت به او كن همي قوم وافراحي إنسان=غارت عليه بليلها وأغدرت به انا كذا صدري للحزان ميدان=صالت وجالت به هموم وجرت به احيان متنرفز وضايق وطفشان=واحيان قلبي كنها مأثرت به ادخل على الله ماني قليل إيمان=لكن حضي والظروف ادبرت به قسوة زمن واقسى منه بالصدر كان=ذكرى هنوفٍ روّحت مادرت به خلّت صدر متعب للحزان نيشان=اقفت وقلبي بالغياب اسعرت به ماغير اردّد كلمته بعض الاحيان=قالت بسافر والفرح سافرت به قهوتني غيابه ومن شفته بان=عرفت للفرقاء طعم بهرت به وغنيت مسحوبي على كلّ اللحان=وريحت صدرٍ من همومٍ سرت به كن الشعر بحرٍ وانا فيه ربان=وقريحتي كلّ البحور ابحرت به اسلا بشعري لاغدى الصدر بركان=واسايره اذا الهموم احدرت به كني انا لهمومي اسواق برزان=هذي تبيع وذيك الاخرى شرت به ومع قسوته إظهر للعيان فرحان=لو الهموم احتلته وعمرت به

مابقى للبسمه بصدري مكان=ولا بقى للحزن شبرن مسكنه
كانت بصـدري معاركم زمان =وانتهت للحزن من كمن سنه

جوي عال العال لكنها كانت ظروف وانتهت !!

اخوكم /// متعب الشمري

(( فجئه سعودي )) !!

فجئه ســــعودي !!!..!!

	لشعر موقف وانت ياراسي اختار= جزل القصيد اللي ليا قلته يليق ومادام صار الموقف ابشع من الثار =حلّق سماء في عالي الشعر تحليق والحادثه صارت وقدام الانضار= وانا هنا عجزت يالصبر لا طيق من واحد ٍ بالاصل ماهو من الدار= (لبرالي) و(ملحد) و(فاسق) و(زنديق) سبّ اطهر الخلق (النبي) سيد الابرار =وانكر!! وجود (الرب) في كم تعليق (حمزه)!! ونطلب ياعسى فاله النار= ويالله عساه إن عاش في حسره ضيق (كاشغري)!! اصله من هل الشرق سمسار =و(فجئه سعودي)!! كيف يمكن بتلفيق عبادة الاصنام مرتادت البار= يهبون ماصارو رجال ٍ مطاليق من البحر جونا رديين الاذكار= وصارو مثلنا في جميع المواثيق و(حمزه) يظن انه من ارجالن اخيار =يبي يتعلاّ فوق من قمة طويق ياخادم البيتين يانسل الاحرار= خله بفعله عبرتن للمخاليق

هذه بعض القصائد القديمه وفيها اول قصيده كتبتها بالشعر . والقصائد
فيها الحب - والعتب - والفراق - والخيانه .

اترككم معها عساها تنال على رضاكم

(( فتيل المحبة ))

فتيل المحبة !! .. ..

	البارحه يوم كلن راقدٍ فكره=وانا فتيل المحبه مشعلٍ قافي ماهي سهر حبتٍ ولا بعد سكره=الا كما قلت حبٍ طاوي لحافي وكله من اللي وصوفه يتعبٍ ذكره=آية جمالٍ حشى ماتوفي اوصافي لأن الحلا والغنج والملح في وكره=لا الطول طولٍ ولا بالجسم نحافي وليا مشت إختها وهي إختها تكره=ماوده الخلق تحكيبه وتنافي جمالها يبهر اللي للنساء يكره=لو هو مطوع تغزل واظهر الخافي نعمه من اللي علينا واجبٍ شكره=لجله احب الأصابع عكس بخلافي

(( انتهينا ))

انتهينا !! .. ..

	انتهينا يابعد عمري انا=وانتهت ذكرى الليال الماضيه وإبتدا مشوار حزني من هنا=وانتهت رحلت محبٍ حاضيه الشقاء مشوار لي هم وعنا=والفرح ممسوح برضن فاضيه السموحه حضي الباقي دنا=قسمتي ماراح وادري قاضيه ارحلي معك السعاده يا(...)=واتركي متعب وروحي راضيه

(( قسوة زمن ))

قسوة زمن !! .. ..

	حان الوعد للسفر يازين=مضطر اوادع ولا اشوفك قسوة زمن سافرتبي وين=حطت بي الخوف من خوفك يمكن يطول الغياب إسنين=واحط لومي على اظروفك اجلس ودمعي على الخدين=والعين تبكي على شوفك وان شان وقتي علي بعدين=وابعد طيوفي عن طيوفك خوذي وعد والوعد يازين=لنقش بقلبي انا حروفك

(( يكفي عتاب))

يكفي عتاب !! .. ..

	عجزت المّح بالقصايد والاشعار=بكتب قصيدي واتركه تحت بابك ابيك تفهم مقصدي وأنت تختار=تستقبلاً باهلاً هلا ياهلابك ولا بلا استقبال يكفيني اخبار=لاجتني علومك يزيد الهوا بك يكفي سنينٍ عشتها سر واجهار=من الطفوله لين صفوت شبابك بني احبك حب والحب جبار=حكم على نفسي احبك وهابك خايف اصارح واكوي الجرح بالنار=بأنك تباعد تجرحٍ في صوابك وينك ترى حالي من البعد تنهار=انا دخيلك بس !! يكفي عذابك تعبت المّح بالقصأيد والأشعار=بي مردك لايطوّل بابك

(( جيت المكان ))

جيت المكان !! .. ..

	جيت المكان اللي جلسنابه اسنين=جيته ولا شفتك تمرين حوله حسب الوعد جيتك تحت رجمت الطين=بعد الغياب اللي تحملت طوله وقفت به ساعات والناس نيمين=متحرين يازين وعد الطفوله بس انتظر وقول من وين تلفين=لين اشرقت شمسه ولا شفت زوله وعاوتله مرات وسهربها لين=ضاقتبي الدنيا على عرض طوله وقررت انا اسئل وانشد الناس هي وين=ورد الصديق وقال يابن الحموله ترى الحبيب بشهر سته من الفين=يُذكر تزوج والبشر لي تقوله بأول سنه من روحتك جاه زوجين=وتزوجت ذاك الغني في عجوله دنقت وانا دمعتي داخل العين=واقفيت والدمع يتسابق نزوله اذكر تقول انه على العهد والدين=مصدوم يادنيا بحب الطفوله ورجعت للغربه عقب هم همين=مدري غصيبه او ضفر بالبطوله

(( بلا معنى ولا عنوان ))

بلا معنى ولا عنوان !! .. ..

	نزل دمعي على خدي وانا حالي تبكيني=لأني عايش الغربه لأني عايش الحرمان أنادي دنيتي لحظه أنادي تايه اسنيني=اساهر ليله القمراء أراقب نجمي السهران ادور قصتي وينه ادور من يواسيني=غريبه حالتي مره كأن الهم لي عنوان مثل شخص ٍمع الغربه يعيش الهم هميني=بلا موطن يدورله اوناس ٍتعتبر صدقان أو اني زي ماطفلٍ تشبّه حالته فيني=وعى يبكي بموت أمه يدوّر هالحنان الآن ترى حالي مثل حاله طلبتك لاتخليني=احبك أعشقك أهواك انا ترني انا الولهان أشوفك حلمي الساهر حبيبي يانظر عيني=انا عندي طلب واحد اذا انتا تحب انسان تقلي انت ياعمري حياتي انت وسنيني=ترى تضحك لي الدنيا لو إني بغربة الأوطان انا عمري بلا صوتك ترى ماله عناويني=كتابٍ تاركه راعيه بلا معنى ولاعنوان